ભરતસિંહ સોલંકીએ કરી છે રાજનીતિમાંથી ટૂંકા બ્રેકની જાહેરાત
ભરતસિંહના વાયરલ વીડિયોની હાઇકમાન્ડે લીધી છે ગંભીર નોંધ
ભરતસિંહ સોલંકીએ આજે પ્રેસ કોન્ફરન્સ કરીને રાજનીતિમાંથી ટૂંકા બ્રેકની જાહેરાત કરી હતી. જેમાં તેઓએ જણાવ્યું હતું કે, 'હું સક્રિય રાજકારણમાંથી ટૂંકો બ્રેક લઉં છું, આ મારો અંગત નિર્ણય છે.' પરંતુ સૂત્રો દ્વારા મળતી માહિતી અનુસાર, ભરતસિંહે દિલ્હી હાઇકમાન્ડના એક્શનના ડરના કારણે આ નિર્ણય લીધો હોવાનું જાણવા મળી રહ્યું છે.'
કોંગ્રેસ હાઇકમાન્ડ એક્શન લે તે પહેલા જ ભરતસિંહે રાજકીય બ્રેક લીધો: વીડિયો વાયરલ થયા બાદ હાઈકમાન્ડે મોકલેલા એક નેતાએ અમદાવાદની હોટલમાં અનેક નેતાઓ સાથે કરી હતી મીટિંગ, જેમાં ભરતસિંહને સાઈડલાઇન કરવા અપાયો હતો અભિપ્રાય#BharatsinhaSolanki#Ahmedabad
— VTV Gujarati News and Beyond (@VtvGujarati) June 3, 2022
હાઇકમાન્ડ કંઇ એક્શન લે એ પહેલાં જ ભરતસિંહે જાહેરાત કરી દીધી
ભરતસિંહ સોલંકીએ હાઇકમાન્ડ કંઇ એક્શન લે એ પહેલાં જ પોતે સક્રિય રાજકારણમાંથી ટૂંકો બ્રેક લેવાની સ્વૈચ્છિક જાહેરાત કરી હતી. કારણ કે ભરતસિંહનો પોતાની પત્ની રેશ્મા પટેલ સાથેનો ઝપાઝપીનો વીડિયો વાયરલ થતા તેની ખુદ હાઇકમાન્ડે ગંભીર નોંધ લીધી છે. ભરતસિંહનો વીડિયો સામે આવતા જ હાઇકમાન્ડ એક્શનમાં આવ્યું હતું.
વાયરલ વીડિયોને લઇને દિલ્હી હાઇકમાન્ડે એક નેતાને ગુજરાત પણ મોકલ્યા હતાં
આ વાયરલ વીડિયોને લઇને દિલ્હી હાઇકમાન્ડે એક નેતાને ગુજરાત પણ મોકલ્યા હતાં. દિલ્હીથી આવેલા તે નેતાએ અમદાવાદ હોટલમાં આ મામલે બેઠક પણ યોજી હતી. કોંગ્રેસના કેટલાંક MLA-નેતાઓ પાસેથી હાઇકમાન્ડે આ અંગેનો અભિપ્રાય પણ મેળવ્યો હતો. આશ્રમ રોડ પરની એક મોટી હોટલમાં આ મામલે બેઠકો થઇ હતી. જેમાં સૂત્ર દ્વારા એવું જાણવા મળી રહ્યું છે કે, નેતાઓએ ભરતસિંહને સાઇડલાઇન કરવાનો અભિપ્રાય આપ્યો હતો.
— VTV Gujarati News and Beyond (@VtvGujarati) June 3, 2022
મારો બ્રેક ગમે તેટલાં સમયનો હોઇ શકે
મહત્વનું છે કે, ભરતસિંહ સોલંકીએ પોતાની પત્ની સાથે ચાલી રહેલા વિવાદ મામલે આજે પ્રેસ કોન્ફરન્સ યોજી હતી. એ દરમ્યાન ભરતસિંહે પોતાના રાજકીય જીવનને લઇને સૌથી મોટી જાહેરાત કરી હતી. જેમાં ભરતસિંહએ જણાવ્યું કે, 'I am Taking a break from this direct active politics. ચૂંટણી તો 2022ના અંતમાં આવવાની છે પણ હાલમાં તો મેં શોર્ટ ટાઇમનો બ્રેક લીધો છે કે જે 2 મહિનાનો, 3 મહિનાનો, 4 મહિનાનો કે 6 મહિનાનો પણ હોઇ શકે. But I am having a break.'
આ મારો પોતાનો અંગત નિર્ણય છે નહીં કે કોંગ્રેસ હાઇકમાન્ડનો: ભરતસિંહ
વધુમાં જણાવ્યું કે, 'આ મારો પોતાનો અંગત નિર્ણય છે નહીં કે કોંગ્રેસ હાઇકમાન્ડનો. મારે કોઇ હાઇકમાન્ડના નેતા સાથે વાતચીત થઇ નથી. પણ આ જે બધા વાદળો ઊભા થયા છે અને થઇ રહ્યાં છે તે વાદળને ઠરવા દેવા.' તેમણે એમ પણ કહ્યું હતું કે સક્રિય રાજકારણમાંથી બ્રેક લઉં છું પરંતુ સમાજના લોકો સાથે પ્રવાસ કરીશ અને કોંગ્રેસને જ્યાં જરૂર હશે ત્યાં પણ ઊભો રહીશ. ગુજરાતમાં ચૂંટણી મુદ્દે તેમણે કહ્યું હતું કે હજુ તો ચૂંટણીને 6 મહિના જેટલો સમય બાકી છે. હાલ પૂરતો બ્રેક લઉં છું અને પછીથી સક્રિય પણ થઈ જઈશ. જેના પરથી એ સ્પષ્ટ થાય છે કે ચૂંટણી પહેલા ભરતસિંહ સક્રિય રાજકારણમાં પરત ફરશે.
