જ્યારથી લોકોમાં વજન ઘટાડવાનું ચલણ વધ્યું છે ત્યારથી મધનો ઉપયોગ સૌથી વધુ થાય છે. પરતું આજે પણ ઘણા એવા લોકો હશે જેમને મધના ફાયદાઓ વિશે ખબર નહીં હોય. ઘણા લોકો મધનું સેવન અન્ય વસ્તુઓ સાથે મિક્સ કરીને કરે છે. ખૂબ જ ઓછા લોકો માત્ર એકલા મધનું સેવન કરે છે. કેટલાક લોકોને એવો પ્રશ્ન હોય છે કે મધને કેવી રીતે સાચવીને રાખવું, મધ ખરાબ થઈ શકે કે નહીં વગેરે.
લોકો મધ વિશે આ બાબત નહીં જાણતા હોય
મધને ગરમ ન કરવું જોઈએ અને તેને ગરમ વસ્તુમાં મિક્સ કરીને પણ ન ખાવું જોઈએ. જ્યારે મધને ગરમ કરવામાં આવે છે ત્યારે તેમાં રહેલા બેક્ટેરિયા અને એન્ઝાઇમ મરી જાય છે અને એન્ટિઓક્સિડેન્ટને નુકસાન થાય છે. આ સાથે જ્યારે કોઈ ગરમ વસ્તુમાં મધને મિક્સ કરવામાં આવે છે ત્યારે તેના ગુણોને નુકસાન થાય છે. તેથી મધને એકલું જ ખાવું જોઈએ. તમે દૂધ અથવા ગરમ પાણી સાથે મધનું સેવન કરતાં હોય તો સૌપ્રથમ એક ચમચી મધનું સેવન કરો અને ત્યારબાદ પાણી અથવા દૂધનું સેવન કરો.
મધ સાથે જોડાયેલ ફેક્ટ્સ
- મધ જેટલું જૂનું હોય છે એટલા જ તેના ફાયદા વધુ હોય છે
- મધ ક્યારેય ખરાબ નથી થતું
- મધને ક્યારેય ફ્રીઝમાં ન રાખવું જોઈએ
- તમે મધને એક રૂમમાં વર્ષો સુધી બંધ કરીને રાખી શકો છો
વાંચવા જેવું: ગેસ, કબજિયાત જેવી સમસ્યાઓને દૂર કરવા, કરો આ હર્બલ ટીનું સેવન
દરરોજ મધ ખાવાથી થતાં ફાયદાઓ
- એક ચમચી મધમાં ભરપૂર પ્રમાણમાં એન્ટિઓક્સિડેન્ટ હોય છે. આ સાથે મધમાં ફ્લેવોનોઇડ્સ, પોલિફીનોલ્સ, આલ્કલોઇડ્સ, ગ્લાયકોસાઇડ્સ, કાર્ડિયાક ગ્લાયકોસાઇડ્સ અને એન્થ્રાક્વિનોન્સ પણ હોય છે.
- મધ, ખાંડ કરતાં પણ વધુ મીઠું હોય છે.
- એમ ચમચી મધમાં ફ્રુક્ટોઝ એટલે કે કાર્બોહાઇડ્રેટનો એક પ્રકાર હોય છે, જે શરીરને તાત્કાલિક ઉર્જા આપે છે.
