ગજબ / 16 હજાર ઘોડાઓને ગોળી મારી દેવાશે! આ દેશની સરકારે લીધો અજીબો-ગરીબ નિર્ણય, પણ શું કારણે?

• ઑસ્ટ્રેલિયામાં 16 હજાર ઘોડાઓને મારવામાં આવશે
• હેલિકોપ્ટરની મદદથી કરવામાં આવશે શૂટિંગ
• જંગલી ઘોડાઓ વન્યજીવોને પહોંચાડી રહ્યાં છે નુક્સાન

ઑસ્ટ્રેલિયામાં જંગલી ઘોડાઓને હેલીકોપ્ટરથી ગોળી મારવામાં આવશે. આ નિર્ણય નેશનલ પાર્કમાં તેમની સંખ્યા ઘટાડવાનાં ઉદેશ્યથી લેવામાં આવ્યો છે. દક્ષિણપૂર્વી ઑસ્ટ્રેલિયાનાં કોસિયુઝ્કો નેશનલ પાર્કમાં 19000 જંગલી ઘોડાઓ છે જેમને બ્રુમ્બીઝનાં નામથી ઓળખવામાં આવે છે. ન્યૂ સાઉથ વેલ્સ રાજ્યનાં અધિકારી 2027નાં મધ્ય સુધી આ ઘોડાની સંખ્યા ઘટાડીને 3000 કરવા ઈચ્છે છે તેથી ઘોડાને મારવાની અરજી પર મંજૂરી મળી છે.

Aerial shooting from helicopters will be used to cull Brumby numbers in NSW's Kosciuszko National Park, the state government has confirmed.

NSW is legally required to reduce their wild brumby figures to 3000 by mid- 2027, however, current estimates from a 2022 survey suggest… pic.twitter.com/C4hkJ6hyk0

— Robb Edwards 🌱 (@RobRobbEdwards) October 28, 2023

દેશી પ્રાણીઓને પહોંચી રહ્યું છે નુક્સાન
ઘોડાની સંખ્યા ઘટાડવા માટે પાર્ખ અધિકારી પહેલાથી જ જંગલી ઘોડાઓને મારવા અથવા તો તેમને બીજે ક્યાંક લઈ જવાનો વિચાર કરી રહ્યાં હતાં પણ ન્યૂ સાઉથ વેલ્સનાં પર્યાવરણ મંત્રી પેની શાર્પે જણાવ્યું કે આ ઉપાય હવે પર્યાપ્ત નથી. મોટી સંખ્યામાં જંગલી ઘોડાઓથી પારિસ્થિતિકી તંત્રને મોટું જોખમ ઊભું થઈ રહ્યું છે તો હવે આપણે એક્શન લેવું પડશે. છેલ્લાં 20 વર્ષોમાં જંગલી ઘોડાની આબાદી તેજીથી વધી છે જેના લીધે તે જળમાર્ગને પાર કરીને દેશી પ્રાણીઓનાં આવાસને નષ્ટ કરી રહ્યાં છે.

ઝડપથી વધી રહી છે સંખ્યા
NSW સરકારને ગતવર્ષે પ્રકાશિત આકંડાઓથી ખબર પડી કે રાષ્ટ્રીય ઉદ્યાનમાં જંગલી ઘોડાની આબાદી 18814 સુધી હતી જે 2 વર્ષ પહેલાં 14380 હતી. 2016માં પાર્કમાં માત્ર 6000 જંગલી ઘોડાઓ હતાં. પર્યાવરણ સમૂહે કહ્યું કે જો યોગ્ય ઉપાય નહીં કરવામાં આવે તો આવનારા દશકામાં જંગલી ઘોડાની સંખ્યા 50000 થઈ જશે.

પર્યાવરણને નુક્સાન પહોંચાડે છે બ્રુમ્બી
બ્રુમ્બીઝ (જંગલી ઘોડા) જળમાર્ગ તેમજ ઝાડીઓને ખરાબ કરે છે અને નુક્સાન પહોંચાડે છે. આ દેશી વન્યજીવોને મારે છે જેમાં દેડકા, મોટા દાંતવાળા ઉંદર અને દુર્લભ આલ્પાઈન ઑર્કિડ પણ શામેલ છે. NSW સરકાર જંગલી ઘોડાની સંખ્યાને પ્રબંધિત કરવા માટે ગ્રાઉંડ શૂટિંગ, ટ્રેપિંગ અને રિહોમિંગ પર નિર્ભર છે પણ આ પૂરતું નથી. આ જ કારણોસર હવાઈ શૂટિંગ કરવાનો નિર્ણય લેવામાં આવ્યો.