સૌથી મોટો ખુલાસો / અતીકને મારવા માટે ત્રણેય હુમલાખોરોને આપવામાં આવી હતી સોપારી, એડવાન્સમાં મળ્યા હતા રૂ.10-10 લાખ

• અતીક અહેમદ  હત્યા કેસમાં નવો ખુલાસો થયો
• અતીક અને તેના ભાઈને મારવા માટે આપી હતી સોપારી
• ત્રણેય હુમલા ખોરોને મારવા માટે મળ્યો હતો કોન્ટ્રાક્ટ
• હુમલા ખોરોએ એડવાન્સમાં લાધી હતા રૂ.10-10 લાખ

અતીક અહેમદ અને તેના ભાઈ અશરફ અહેમદની હત્યા કેસમાં એક નવું અપડેટ આવ્યું છે. સૂત્રોએ જણાવ્યું હતું કે હુમલાખોરોને બંનેને મારવાનો કોન્ટ્રાક્ટ આપવામાં આવ્યો હતો. અતીક અને અશરફની હત્યામાં સંડોવાયેલા ત્રણેય આરોપીઓએ અગાઉથી 10-10 લાખ રૂપિયા પણ લીધા હતા. સૂત્રએ જણાવ્યું હતું કે ત્રણ આરોપીઓમાંથી એક મોહિત ઉર્ફે સની જેલમાં જ હેન્ડલરના સંપર્કમાં આવ્યો હતો. જ્યાં તેને હત્યા કરવા માટે સોપારી આપવામાં આવી હતી. એવું પણ જાણવા મળ્યું છે કે હેન્ડલરે ત્રણેયને પિસ્તોલ અને કારતુસ પણ આપ્યા હતા.

UP: Atiq Ahmed's killers sent to 14-day judicial custody

Read @ANI Story | https://t.co/EbaH3Hn0eF#AtiqAhmed #Judicialcustody pic.twitter.com/rau9xgsahW

— ANI Digital (@ani_digital) April 16, 2023

 

ત્રણેય હુમલાખોરો એકબીજાને પહેલાથી ઓળખતા હતા

અતીક અહેમદ અને અશરફની હત્યામાં લવલેશ તિવારી (બંદા), મોહિત ઉર્ફે સની (હમીરપુર) અને અરુણ મૌર્ય (કાસગંજ) વિરુદ્ધ એફઆઈઆર દાખલ કરવામાં આવી છે. પોલીસે જણાવ્યું કે ત્રણેય આરોપીઓ સામે આર્મ્સ એક્ટ ઉપરાંત ભારતીય દંડ સંહિતાની કલમ 302 (હત્યા) અને 307 (હત્યાનો પ્રયાસ) હેઠળ કેસ નોંધવામાં આવ્યો છે. પોલીસે રાત્રે જ ત્રણેય આરોપીઓને પકડી લીધા હતા અને ઘટનામાં વપરાયેલ હથિયારો કબજે કર્યા હતા. સૂત્રોના જણાવ્યા અનુસાર ત્રણેય હુમલાખોરો એકબીજાને પહેલાથી ઓળખતા હતા. સની અને લવલેશ બંદા જેલમાં મળ્યા બાદમાં તેઓ મિત્રો બન્યા, જ્યારે સની અને અરુણ પહેલાથી જ મિત્રો હતા અને સનીએ જ લવલેશને અરુણ સાથે પરિચય કરાવ્યો હતો. અતીક અને તેના ભાઈ અશરફને શનિવારે રાત્રે હુમલાખોરોએ ગોળી મારી દીધી હતી જ્યારે પોલીસ તેમને મેડિકલ તપાસ માટે પ્રયાગરાજ મેડિકલ કોલેજ લઈ જઈ રહી હતી.

#UPDATE | Uttar Pradesh: All three shooters, Arun Maurya, Sunny Singh and Lovelesh Tiwari who killed Atiq Ahmed and his brother Ashraf, have been sent to 14-day judicial custody. https://t.co/d7ArxDicVA

— ANI UP/Uttarakhand (@ANINewsUP) April 16, 2023

અતીક અને અશરફને ગોળી મારનારની કુંડળી

આરોપી નંબર 1: લવલેશ તિવારી 

લવલેશ તિવારી જેણે અતિકને પ્રથમ ગોળી મારી હતી. તે બાંદાનો રહેવાસી છે અને તેની સામે ગુંડાગીરી અને મારપીટના 406 કેસ નોંધાયેલા છે. લવલેશના પિતા વ્યવસાયે ડ્રાઈવર છે અને તેમનો પરિવાર ભાડાના મકાનમાં રહે છે. તે 2 વર્ષ બાંદા જેલમાં પણ કેદ રહ્યો હતો.

આરોપી નંબર 2: અરુણ મૌર્ય 

રુણ મૌર્ય કાસગંજના સોરોના કાદરબારી ગામનો રહેવાસી છે. અરુણ સામે 3થી વધુ કેસ નોંધાયેલા છે. તે 2014-15ના GRP કોન્સ્ટેબલ મર્ડર કેસમાં પણ આરોપી છે. આ કેસમાં અરુણ મૌર્ય ઉર્ફે કાલિયા જેલમાં ગયો છે.

આરોપી નંબર 3: મોહિત ઉર્ફે સની 

સની હમીરપુરનો રહેવાસી છે અને શંકા છે કે તે કોઈ મોટી ગેંગ સાથે સંબંધિત છે. સની છ મહિના પહેલા જ જેલમાંથી બહાર આવ્યો હતો. તેણે 12 વર્ષ પહેલા ઘર છોડી દીધું હતું. કહેવામાં આવી રહ્યું છે કે સની સુંદર ભાટી ગેંગ માટે પણ કામ કરી ચૂક્યો છે.