SHARAVAN 2023 / શ્રાવણ મહિનામાં ભક્તો પર ખૂબ કૃપા વરસાવે છે ભગવાન શિવની પુત્રી, જાણો કઈ રીતે કરવી જોઈએ પૂજા

• મહાદેવ ઉપરાંત સમગ્ર શિવ પરિવારની પૂજાનું પણ ખૂબ મહત્વ છે
• અશોક સુંદરી શિવલિંગમાં પણ બિરાજમાન છે
• અશોક સુંદરીની પૂજા કરવાથી સંપત્તિ, વૈભવ અને સુંદરતા પ્રાપ્ત થાય છે.

Ashok Sundari Puja: શ્રાવણ મહિનામાં ભગવાન શિવની પૂજા કરવાનો નિયમ છે. માનવામાં આવે છે કે ભગવાન શિવની ઉપાસના કરવાથી તમામ મુશ્કેલીઓ દૂર થાય છે અને જીવનમાં સુખ પ્રાપ્ત થાય છે.

શાસ્ત્રોમાં ઉલ્લેખ છે કે મહાદેવ ઉપરાંત સમગ્ર શિવ પરિવારની પૂજાનું પણ ખૂબ મહત્વ છે. શ્રી ગણેશ, કાર્તિકેય અને માતા પાર્વતીની પૂજા વિશે આપણે બધા જાણીએ છીએ. તેઓની પૂજા દરેક સંકટ દૂર કરે છે.

શ્રાવણ 2023માં અશોક સુંદરીની પૂજાનું મહત્વ  
અશોક સુંદરી માત્ર માતા પાર્વતી અને મહાદેવની પુત્રી નહીં પરંતુ તે શિવલિંગમાં પણ વિરાજમાન છે. શિવપુરાણ અનુસાર શિવલિંગમાંથી જે સ્થાનથી પાણી નીકળે છે તે અશોક સુંદરી છે.એટલે કે અશોક સુંદરી શિવલિંગની સામેના લાંબો ભાગ, તેમના અંશ રુપે ઓળખાય છે. જ્યારે શિવલિંગને જળ અર્પણ કરવામાં આવે છે, તો તે જળ અશોક સુંદરીને આપોઆપ અર્પણ કરવામાં આવે છે. આવી સ્થિતિમાં શિવલિંગની સાથે અશોક સુંદરીની પણ પૂજા કરવામાં આવે છે અને તેનો લાભ પણ પ્રાપ્ત થાય છે.

શ્રાવણ 2023 અશોક સુંદરીની પૂજાનો લાભ 
માનવામાં આવે છે કે શિવલિંગ પર ચઢાવવામાં આવેલું ફૂલ (દેવતાઓની પૂજામાં પ્રતિબંધિત ફૂલ) તેના આગળના ભાગમાં મૂકવું જોઈએ જે શિવની પુત્રીને જાય છે.શિવલિંગના આગળના ભાગ પર ફૂલની સાથે ચોખા, મૌલી(નાળાછળી) અને ચંદન અર્પણ કરવું જોઈએ.આ બધી વસ્તુઓ ભગવાન શિવ શંભુની સાથે અશોક સુંદરીને અર્પણ કરવામાં આવે છે. તેનાથી શિવની પુત્રી અશોક સુંદરી પ્રસન્ન થાય છે અને નોકરી-ધંધામાં લાભ મળે છે. અશોક સુંદરીને સંપત્તિ, વૈભવ અને સુંદરતાના દાતા માનવામાં આવે છે. તેમની પૂજા કરવાથી આ બધું પ્રાપ્ત થાય છે.

DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.