દુર્લભ બીમારી / OMG : મેડિકલ જગતનો કોયડારુપ કિસ્સો, દર્દીના ઘૂંટણમાંથી નીકળ્યો 12 સેમીનો સ્ટોન,ડોક્ટરો સ્તબ્ધ

Hiralal

Last Updated: 08:56 AM, 20 March 2022

FOLLOW ON

શેર કરો

મુંબઈના એક માણસની કિડનીમાંથી નહીં પરંતુ ઘૂંટણમાંથી 12 સેન્ટીમિટર લાંબો પથ્થર નીકળતા ડોક્ટરો પણ સ્તબ્ધ રહી ગયા હતા.

મુંબઈના એક વ્યક્તિના ઘૂંટણમાંથી નીકળ્યાં પથ્થર
ડોક્ટરોએ ઓપરેશન કરીને ઘૂંટણમાંથી બહાર કાઢ્યા પથ્થર
તબીબી જગતની પહેલી ઘટના

કિડની કે પિત્તાશયમાં પથરી થવી સામાન્ય વાત છે. તેની સારવાર પણ સરળતાથી થાય છે. પરંતુ શું તમે કોઈના ઘૂંટણમાં પથ્થર કે પથ્થર વિશે સાંભળ્યું છે? કદાચ નહિ... પરંતુ આવો જ એક કિસ્સો મુંબઈમાં જોવા મળ્યો છે. હવે પથરી કિડની સુધી મર્યાદિત રહી નથી, શરીરના બીજા અંગોમાંથી પણ પથરી નીકળી શકે છે. ગયા અઠવાડિયે ડોક્ટરે 70 વર્ષના એક દર્દીના જમણા ઘૂંટણમાંથી 12 સેન્ટીમીટરની પથરી કાઢી હતી.

મહારાષ્ટ્રના અમરાવતીની ઘટના

મહારાષ્ટ્રના અમરાવતીના રહેવાશી લક્ષ્મીકાંત માધેકર નામના આધેડને ઘૂંટણમાં સતત દુખાવો રહેતો હતો. ઘૂંટણના દુખાવાને કારણે તેઓ યોગ્ય રીતે ચાલી પણ શકતા નહોતા કે દાદરા પણ ચડી શકતા નહોતા. ગામના આરોગ્ય કેન્દ્રમાં તપાસ કરવામાં આવતા તેમના ઘૂંટણમાં કાકડી આકારના પથ્થર હોવાનું સામે આવ્યું હતું આ પછી તેમનું અમરાવતીની હોસ્પિટલમાં ઓપરેશન કરવામાં આવ્યું હતું અને ઘૂંટણમાંથી પથ્થરો કાઢવામાં આવ્યાં હતા.

દર્દીના ઘૂંટણમાંથી નીકળ્યાં 4 પથ્થરો

માધેકરનું ઓપરેશન કરનારા ઓર્થોપેડિક સર્જન ડો.સિદ્ધાર્થ એમ શાહે જણાવ્યું હતું કે અમે દર્દીના ઘૂંટણનું ઓપરેશન કરીને 4 પથ્થરો બહાર કાઢ્યાં હતા. અમારે માટે પણ આ મોટા કોયડા સમાન ઘટના છે.

દશ લાખ લોકોમાંથી એકને થાય છે આવી દુર્લભ બીમારી
ડોક્ટરોના મતે આ એક દુર્લભ બીમારી છે. તે દસ લાખ લોકોમાંથી માત્ર એકમાં થાય છે. જે દર્દીનાં ઘૂંટણમાંથી આ પથ્થર બહાર કાઢવામાં આવ્યો છે મજૂરી કરીને પેટીયું રળી ખાય છે. મહારાષ્ટ્રના અમરાવતીના છે. ખાસ વાત એ છે કે ડોક્ટરોએ આ સર્જરી મફતમાં કરી હતી અને તેના ઘૂંટણને રિપ્લેસ કરવામાં આવ્યા હતા.

મેડિકલ જગત માટે કોયડારુપ કિસ્સો

અત્યાર સુધી તો કિડનીમાંથી પથરી નીકળતી હતી પરંતુ હવે પહેલી વાર કોઈ દર્દીના ઘૂંટણમાંથી પથરી નીકળી છે જે મેડિકલ જગત માટે એક કોયડારુપ કિસ્સો છે. પથરી હવે શરીરના બીજા ભાગમાંથી પણ નીકળી શકે તે સાબિત થયું છે.

સંકળાયેલા મુદ્દાઓ

knee stone knee stone news ઘૂંટણ સર્જરી ની સ્ટોન ન્યૂઝ knee stone news