મહારાષ્ટ્ર / શિવસેનાના એક પછી એક નિવેદનથી ભાજપ ટેંશનમાં, અમિત શાહ કરશે હવે આ કામ

• સરકારના ગઠન મુદ્દે શિવસેનાની ભાજપને સ્પષ્ટ વાત
• લોકસભા સમયે નક્કી ફોર્મ્યુલા પર જ ચર્ચા થશે
• મહારાષ્ટ્રમાં કોઇ દુષ્યંત નથી કે જેમના પિતા જેલમાં હોય
   

શિવસેનાના સીનિયર નેતા સંજય રાઉતે ભાજપ પર શાબ્દિક પ્રહાર કરતા કહ્યું કે અહીં કોઇ દુષ્યંત નથી, જેના પિતા જેલમાં છે. અહીં અમે છીએ જે ધર્મ અને સત્યની રાજનીતિ કરીએ છીએ.

એટલું જ નહીં NCPના ભાજપ સાથેના સમીકરણમાં રાઉતે કહ્યું કે શરદ પવાર એવા નેતા છે, જેમણે કોંગ્રેસ અને ભાજપ વિરુધ્ધ એક વાતાવરણ ઉભુ કર્યું છે. તેઓ ક્યારેય ભાજપ સાથે નહી જાય. એક તરફ શિવસેનાના નેતા રાઉતે ભાજપ પર પ્રહાર કર્યો ત્યારે બીજી તરફ કહ્યું હાલ શિવસેના બીજા કોઇ વિકલ્પ વિચાર કરી રહ્યું નથી. રાઉતે કહ્યું કે ઉદ્ધવ ઠાકરેએ કહ્યું છે કે અમારી પાસે અન્ય વિકલ્પ છે પરંતુ હાલ અમે તેના પર કોઇ વિચાર કરી રહ્યાં નથી. 

S Raut on being asked 'why it's taking time to form govt despite pre-poll alliance with BJP': There is no Dushyant here whose father is in jail. Here it's us who do politics of 'dharma & satya',Sharad ji who created an environment against BJP &Congress who will never go with BJP. https://t.co/aHADYgz6wH

— ANI (@ANI) October 29, 2019

30 ઓક્ટોબરે અમિત શાહ અને ઉદ્ધવ ઠાકરે વચ્ચે થઇ શકે છે મુલાકાત

ભાજપના રાષ્ટ્રીય અધ્યક્ષ અમિત શાહ 30 ઓક્ટોબરના રોજ શિવસેનાના પ્રમુખ ઉદ્ધવ ઠાકરેને મળે તેવી શક્યતા છે. અમિત શાહ મુંબઇમાં વિધાનસભા પાર્ટીના નેતાના ચૂંટણીને લઇને ભાજપના નવ-નિયુક્ત ધારાસભ્યોની બેઠકમાં ભાગ લેશે. જો અમિત શાહ અને ઉદ્ધવ ઠાકરે વચ્ચે મુલાકાત થાય છે તો તેના ઘણા રાજકીય સમીકરણ છે.