Coronavirus / અમેરિકા-ચીનનું કોરોના શાબ્દિક યુદ્ધ યથાવત, ડોનાલ્ડ ટ્રમ્પે ફરી વાપર્યો આ શબ્દ

• ચીન અમેરિકા વચ્ચે કોરોના વાયરસને લઈને યુદ્ધ
• અમેરિકાએ કહ્યું આ ચાઈનીઝ વાયરસ છે
• ચીને કહ્યું આ અમેરિકન સેનાની દેન છે

ચાઈનીઝ વાયરસ શબ્દનો પ્રયોગ કર્યો 

Cuomo wants “all states to be treated the same.” But all states aren’t the same. Some are being hit hard by the Chinese Virus, some are being hit practically not at all. New York is a very big “hotspot”, West Virginia has, thus far, zero cases. Andrew, keep politics out of it....

— Donald J. Trump (@realDonaldTrump) March 17, 2020

ટ્રમ્પે અગાઉ કોરોના વાયરસને ચાઈનીઝ વાઈરસ કહીને વિવાદનો મધપૂડો છેડ્યો હતો. ત્યારે ફરી એકવાર ટ્ર્મ્પે ચીનની અનેકવાર ના છતાં ગઈ કાલે કોરોના વાયરસ માટે પોતાની ટ્વીટમાં ચાઈનીઝ વાયરસ શબ્દનો પ્રયોગ કર્યો હતો. 

અમેરિકા પર દોષનો ટોપલો ઢોળવાનો પ્રયાસ કર્યો 

ટ્રમ્પે સોમવારે પણ ટ્વીટ કર્યું હતું કે કોવિડ -19 ને 'ચાઇનીઝ વાયરસ'  કહ્યો હતો. ચીનના વિરોધ છતાં ટ્રમ્પ તેને ચીની વાયરસ કહેતા રહ્યા હતા. મંગળવારે, તેમણે ફરીથી તેને 'ચાઇનીઝ વાયરસ' કહ્યો. ચીનના વિદેશ મંત્રાલયે ચેતવણી આપી હતી કે ચીન સાથે દુર્વ્યવહાર કરતા પહેલા અમેરિકાએ તેના કામ પર ધ્યાન કેન્દ્રિત કરવું જોઈએ. કોરોનાનો પહેલો કેસ વુહાનમાં આવ્યો હતો, પરંતુ ચીનના વિદેશ મંત્રાલયે અમેરિકા પર દોષનો ટોપલો ઢોળવાનો પ્રયાસ કર્યો હતો.

ડબ્લ્યુએચઓએ કહ્યું વાયરસને કોઈ ખાસ જૂથ અથવા પ્રદેશનું ગણાવવુ અયોગ્ય 

ચીનના વિદેશ મંત્રાલયના પ્રવક્તા ઝાઓ લિજિને કોરોના માટે સીધા અમેરિકન સૈન્યને જવાબદાર ઠેરવ્યું હતુ. તેમણે તેને એક કાવતરું ગણાવતા કહ્યું કે, યુએસ આર્મી વાયરસને તેના વિસ્તારમાં લઈ આવી છે. તે પછી યુએસના વિદેશ સચિવ માઇક પોમ્પિયોએ કહ્યું કે ચીને ખોટી માહિતી ફેલાવવી જોઈએ નહીં. વર્લ્ડ હેલ્થ ઓર્ગેનાઇઝેશન (ડબ્લ્યુએચઓ) એ પણ વાયરસને કોઈ ખાસ જૂથ અથવા પ્રદેશનું ગણાવવુ અયોગ્ય છે. 

ચીનના નાગરિકોએ વિદેશ ન જવાની સલાહ આપી

ચીને મંગળવારે તેના નાગરિકોને યુ.એસ. સહિતના તમામ દેશોમાં યાત્રા ન કરવાની સલાહ આપી હતી, જ્યાં કોરોના વાયરસ માટે ઉચ્ચ ચેતવણી છે. ચીનના વિદેશ મંત્રાલયે એક નિવેદન બહાર પાડ્યું છે કે જે દેશોમાં પરસ્પર ચેપની સંભાવના છે તેવા તમામ વિદેશી પ્રવાસ માટે કોઈ પ્લાન ન બનાવે. વધારે જોખમવાળા દેશોમાં ઇટાલી, સ્પેન, ફ્રાંસ, જર્મની, યુએસએ, સ્વિટ્ઝરલેન્ડ, યુકે, નેધરલેન્ડ, સ્વીડન, નોર્વે, ડેનમાર્ક, ઓસ્ટ્રેલિય, બેલ્જિયમ, ઈરાન અને કોરિયાનો શામેલ થાય છે.