- હાઈ બ્લડ પ્રેશરની સમસ્યાને સાયલન્ટ કિલર તરીકે ઓળખવામાં આવે છે
- સિસ્ટોલિક અને ડાયસ્ટોલિક રીડિંગ બંને કાર્ડિયોવેસ્ક્યુલર રોગોનું જોખમ વધારે છે
- હાઈ બ્લડ પ્રેશરની તકલીફ ના હોય તેવા યુવાઓમાં પણ આ સમસ્યા જોવા મળી છે
Alcohol drink one glass a day affects: આલ્કોહોલને સ્વાસ્થ્ય માટે યોગ્ય માનવામાં આવતું નથી, પરંતુ તેમ છતાં કેટલાક લોકો દરરોજ અને કેટલાક ક્યારેક ક્યારેક દારૂ પીવે છે. તાજેતરના એક અભ્યાસમાં સામે છે આવ્યુ છે કે, જે લોકો દરરોજ ઓછામાં ઓછું એક ડ્રિંક લે છે, તેમનું બ્લડ પ્રેશર ઝડપથી વધે છે. એક રિપોર્ટ અનુસાર, હાઈ બ્લડ પ્રેશરની સમસ્યા એવા યુવાનોને પણ થાય છે જેમને પહેલાથી હાઈ બ્લડ પ્રેશરની ફરિયાદ નથી.
આ રિસર્ચ 1997 થી 2021 સુધીના 7 આંતરરાષ્ટ્રીય અભ્યાસોના ડેટામાં જાણવા મળ્યું છે કે જે લોકો દરરોજ માત્ર એક ગ્લાસ આલ્કોહોલ પીવે છે તેઓને ક્યારેક ક્યારેક આલ્કોહોલ પીતા લોકો કરતા બ્લડ પ્રેશર વધવાનું જોખમ નોંધપાત્ર રીતે વધારે છે.
હાઈ બ્લડ પ્રેશરના લક્ષણો દેખાય ત્યાં સુધીમાં તે શરીરને ઘણું નુકસાન કરી ચૂક્યું છે. જો બીપી નિયંત્રણમાં ન હોય તો, વિકલાંગતા, ખરાબ લાઇફ ક્વોલિટી અને હાર્ટ એટેક અથવા સ્ટ્રોકની સમસ્યાઓ પણ થઈ શકે છે.
ડેટા જોઇ હેરાન થયા એક્સપર્ટ
રિસર્ચ સાથે સંકળાયેલા વરિષ્ઠ લેખકનું કહેવુ છે કે, જાણીને ખૂબ જ નવાઈ લાગી કે, જે યુવાનોએ ખૂબ જ ઓછો દારૂ પીધો છે તેમનામાં બ્લડ પ્રેશરનું સ્તર ઊંચું હતું. જો કે, આ લોકોનું બ્લડ પ્રેશરએ લોકો કરતા ઘણું ઓછું હતું જેઓ ખૂબ દારૂ પીતા હતા.
બ્લડ પ્રેશર પારાના મિલીમીટર (mm Hg)ની બે સંખ્યામાં માપવામાં આવે છે. ટોચનો નંબર (સિસ્ટોલિક) હૃદયના સ્નાયુ દ્વારા લોહીના સંકોચન અને પમ્પિંગને માપે છે. જ્યારે, નીચેના નંબરને ડાયસ્ટોલિક કહેવામાં આવે છે જે હૃદયના ધબકારા વચ્ચેના દબાણને માપે છે.
અભ્યાસમાં જાણવા મળ્યું છે કે, સિસ્ટોલિક બ્લડ પ્રેશર પર આલ્કોહોલની નકારાત્મક અસરો પણ પુરુષો અને સ્ત્રીઓમાં જોવા મળી હતી જેઓ દરરોજ ખૂબ ઓછી માત્રામાં આલ્કોહોલનું સેવન કરે છે.
અભ્યસ કર્તાનું કહેવુ છે કે, "સિસ્ટોલિક અને ડાયસ્ટોલિક રીડિંગ બંને કાર્ડિયોવેસ્ક્યુલર રોગોનું જોખમ વધારે છે, પરંતુ બેમાંથી, સિસ્ટોલિક બ્લડ પ્રેશર યુવાન પુરુષોમાં સૌથી વધુ જોખમ ધરાવે છે," રિપોર્ટ અનુસાર હાર્ટ એસોસિએશન, સિસ્ટોલિક રીડિંગ 50 વર્ષથી વધુ ઉંમરના લોકોમાં કાર્ડિયોવેસ્ક્યુલર જોખમ દર્શાવે છે.
નોર્મલ બ્લડ પ્રેશર
નોર્મલ સિસ્ટોલિક રીડિંગ સામાન્ય રીતે 120 mm Hg અથવા તેનાથી ઓછું હોય છે પરંતુ આ રીડિંગ ઉંમર સાથે વધે છે કારણ કે રક્તવાહિનીઓ નબળી અને પાતળી બને છે. જ્યારે, સામાન્ય ડાયસ્ટોલિક રીડિંગ 80 mm Hgની નીચે હોય છે, પરંતુ તે ઉંમર સાથે ઘટવા લાગે છે કારણ કે ધમનીઓ તેમની લચીલાપણુ ગુમાવે છે અને સખત બની જાય છે.
હાઈ બ્લડ પ્રેશરની સમસ્યાને સાયલન્ટ કિલર તરીકે ઓળખવામાં આવે છે. શરીરમાં બ્લડ પ્રેશરનું સ્તર વધવાને કારણે હાર્ટ એટેક, સ્ટ્રોક, ક્રોનિક કિડની ડિસીઝ સહિત અનેક રોગોનું જોખમ નોંધપાત્ર રીતે વધી જાય છે.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
