નવું નજરાણું / 12 હજાર વૃક્ષોથી લહેરાતો અને જીમ, વોક વે સહીતની સુવિધાથી ભરપુર ઓકસીજન પાર્કની મળશે અમદાવાદીઓને ભેટ

• અમદાવાદમાં વધુ એક ઓક્સીજન પાર્ક તૈયાર
• ગુરૂવારે ઓક્સીજન પાર્ક ખુલ્લો મુકાશે
• 4,200 ચો.મીટરમાં તૈયાર કરાયો પાર્ક

અમદાવાદના લોકોને વધુ એક ઓક્સીજન પાર્કની ભેટ મળવા જઈ રહી છે. થલતેજના હેબતપુરા ખાતે ઓક્સીજન પાર્ક બનાવવામાં આવ્યો છે. આ પાર્ક ગુરૂવારે લોકો માટે ખુલ્લો મુકવામાં આવશે.આશરે 4,200 ચોરસ મીટરમાં 15 લાખના ખર્ચે આ પાર્કને ડેવલોપ કરવામાં આવ્યો છે. પાર્કમાં 12 હજાર વૃક્ષો વાવવામાં આવ્યા છે. વધુમાં અહીં આકર્ષક જીમ અને ચાલવા માટે વોક વે પણ તૈયાર કરવામાં આવ્યો છે. ઉપરાંત ઓપન જિમના સાધનો પણ મૂકવામાં આવ્યા છે.

મિયાવાંકી પદ્ધતિથી કરવામાં આવ્યું પ્લાન્ટેશન
થલતેજ વોર્ડના હેબતપુર ખાતે  પીપીપી મોડલથી ઓક્સિન પાર્ક બનાવવામાં આવ્યો છે. જેને બે દિવસમાં ખુલ્લો મૂકવામાં આવશે. 15 લાખના ખર્ચે આ પાર્કને બનાવવામાં આવ્યો છે. જેમાં 12 હજાર વૃક્ષો વાવવામાં આવ્યા છે. આ તમામ પ્લાન્ટેશન મિયાવાંકી પદ્ધતિથી કરવામાં આવ્યું છે. જે અમદાવાનું નવલું નજરાણું બની રહેશે અને શહેરીજનોને ઉપયોગી નિવડશે. 

17 લાખ વૃક્ષોનું અમદાવાદના વિવિધ સ્થળો પર વાવેતર કરાયું
શહેરના કુલ ભૌગોલિક વિસ્તારના 4.66 ટકા ગ્રીન ક્વરને 15 ટકા સુધી લઈ જવા માટે amc દ્વારા 2019-20થી દર વર્ષે 10 લાખ વૃક્ષો વાવવાનું આયોજન હાથ ધર્યું હતું. જ્યા આ વર્ષે 21 લાખ વૃક્ષો વાવવાનો લક્ષ્ય રાખવામાં આવ્યો છે. જેના ભાગરૂપે 17 લાખ વૃક્ષોનું અમદાવાદના વિવિધ સ્થળો પર વાવેતર કરી દેવામાં આવ્યું છે અને છેલ્લા 5 વર્ષમાં 128 જેટલા ઓકસીજન પાર્ક કોર્પોરેશન દ્વાર ડેવલપ કરવામાં આવ્યા છે. આ વનમાં પ્રવેશ કરતા લોકોને બહારના તાપમાન  કરતા 5 થી 6 ડિગ્રી ગરમી ઓછી લાગે છે.