અજીબ કિસ્સો / અમદાવાદમાં એવી વિચિત્ર ઘટના બની કે પરિવાર અને પોલીસ બન્ને ગોથે ચડ્યા, 'સગીરા અને નોકરાણી બન્ને...'

• અમદાવાદમાં 16 વર્ષની નોકરાણી સાથે 17 વર્ષની સગીરા ભાગી ગઈ
• ટુંક સમયમાં સગીરાના થવાના હતા લગ્ન
• બંને સગીરા રાજસ્થાન અજમેર તરફ ભાગી હોવાની આશંકા

અમદાવાદના પૂર્વ વિસ્તારમાં એક અજીબ કિસ્સો સામે આવ્યો છે. જેમાં એક પરિવારમાં 17 વર્ષની સગીરાના લગ્નની વાત ચાલતી હતી. આ સગીરાના માતા-પિતા લગ્નને લઇને કામથી ગયા હતા. આ દરમિયાન ઘરેથી તેમને ફોન આવ્યો કે ઘરમાં દીકરી નથી. તો કામવાળી પણ ગાયબ થઇ ગઇ હોવાનું સામે આવ્યું હતું. આ બન્ને એક બેગ લઇને ફરાર થઇ ગઇ. 

ઘરમાંથી ગાયબ થઇ ગયા દાગીના, અપહરણ અને ચોરીની નોંધાઈ ફરિયાદ

ઘટનાની જાણ થતા માતા-પિતા ઘરે આવ્યા અને તપાસ કરી તો ઘરમાં 8 લાખના સોનાના દાગીના ગાયબ હતા. બાદમાં આ ઘટનાની પોલીસને જાણ કરવામાં આવી હતી. પોલીસે તપાસ કરીને અપહરણ અને ચોરીનો ગુનો નોંધી અને બન્નેની શોધખોળ હાથ ધરી છે. તો બન્ને સગીરા રાજસ્થાન અજમેર તરફ ભાગી હોવાની આશંકા છે, જેને લઇને પોલીસની એક ટીમ રાજસ્થાન તપાસ અર્થ રવાના થઇ છે.

ઘરમાં તપાસ દરમિયાન લોહીના ડાઘા મળી આવ્યા હતા

પૂર્વ વિસ્તારમાં રહેતા એક પરિવાર સાથે આ ઘટના બની છે. સગીરાના પિતા પંચરની દુકાન ધરાવી કામધંધો કરે છે. તેઓ સંયુક્ત કુટુંબમાં રહે છે. ત્યારે આ ઘટના મામલે પોલીસે તપાસ કરતા સામે આવ્યું કે 17 વર્ષની સગીરા અને કામવાળી સાથે ભાગી ગયા છે. ઘરમાં લોહીના ડાઘા મળી આવ્યા છે જે અંગે શક્યતાઓ છે કે કામવાળી સગીરાએ જાતે કોઈઇજા પહોંચાડી હોઈ શકે છે. તો રાજસ્થાનના અરજમેર રવાના થયેલી પોલીસની ટીમ ટુંક સમયમાં બન્ને સગીરાને શોધી લાવશે તેવો વટવા PSI એચ.વી. સિસારાએ દાવો કર્યો છે. તો આ સમગ્ર મામલે સાચી હકિકત તો બન્નેની ભાળ મળ્યા પછી જ સામે આવશે.