મહામારી / કોરોનાની બીજી લહેર બાદ સેકન્ડ હેન્ડ વાહનોના વેચાણમાં ઉછાળો, જાણો કેટલા ટકા માંગ વધી

• સેકન્ડ વાહનોના વેપારમાં 250 ટકા જેટલો વધારો થયો 
• કોરોના મહામારીના સંદર્ભે પબ્લિક ટ્રાન્સપોર્ટેશનમાં થયો ઘટાડો 
• ઓનલાઈન પ્લેટફોર્મ પર વાહનો વધુ વેચાયા

સેકન્ડ વાહનોના વેપારમાં 250 ટકા જેટલો વધારો થયો
કોરોનાની બીજી લહેરમાં કોરોનાનો શિકાર ન થઈ જવાય તે માટે લોકોએ પોતાના વાહનો લેવાનું પસંદ કર્યું. જે લોકો પાસે નવી કાર કે બાઇક લેવાના પૈસા નથી, તેમણે સેકન્ડ હેન્ડ વાહન લેવા પર વધુ જોર આપ્યું. સ્થિતિ એવી સર્જાઇ છે કે સેકન્ડ હેન્ડ વાહનો વેચતા લોકોનો ધંધો વધુ સારી રીતે ચાલ્યો છે, અને વધુમાં વધુ ગ્રાહકો તેમની પાસે આવ્યા છે. એક રિપોર્ટ અનુસાર સેકન્ડ વાહનોના વેપારમાં 250 ટકા જેટલો વધારો થયો છે. 

કોરોના મહામારીના સંદર્ભે પબ્લિક ટ્રાન્સપોર્ટેશનમાં થયો ઘટાડો 
ઓનલાઈન વાહન વેચનાર પ્લેટફોર્મ DROOMના માલિક સંદીપ અગ્રવાલે કહ્યું છે કે પોતાનું વાહન લેવા વાળા લોકોમાં હવે વધુ જાગૃતતા આવી છે. આ બધા પાછળનું મુખ્ય કારણ એ છે કે તે બધા લોકોને કોરોના સામે પોતાની સુરક્ષા કરવી છે. ગ્લોબલ મેનેજમેન્ટ કન્સલ્ટિંગ ફર્મ અનુસાર, કારથી ટ્રાવેલિંગ કરતાં 70 ટકા લોકોએ પોતાની કાર લેવાનું પસંદ કર્યું છે. તે બધા જ લોકોનું માનવું છે કે કોરોના મહામારીના સંદર્ભે પબ્લિક ટ્રાન્સપોર્ટેશન માં ટ્રાવેલ કરવું ના જોઈએ. તેમણે વધુમાં કહ્યું કે ગયા વર્ષે ફેબ્રુઆરી સુધી અમારો વ્યાપાર ચાલ્યો હતો પણ 2020 પછી અમારો વેપાર 95 મિલિયન સુધી પહોંચી ગયો છે. 

ઓનલાઈન પ્લેટફોર્મ પર વાહનો વધુ વેચાયા
ભારતમાં કોરોનાને લઈ વધુ સતર્ક થઈ રહ્યા છે. એક રિપોર્ટ અનુસાર કોરોનાના સમયે લોકો ઓનલાઈન તરફ વધુ ભાર આપે છે. અને આ કારણે લોકોએ વાહનો પણ ઓનલાઈન જ લેવાનું પસંદ કરે છે. તેમનું કહેવું છે કે કોરોના પહેલા તેઓ મહિને 3-4 હજાર વાહનો વેચાયા હતા, પણ કોરોના બાદ લગભગ 7,500 થી લઈ 10,000 વાહનો દર મહિને વેચાઈ રહ્યા છે.