દુષ્કર્મ / ચોકલેટની લાલચ, અવાવરું જગ્યા,બાળકીના કપડાંથી મળી કડી, સુરત પોલીસે દુષ્કર્મીને દબોચ્યો

સુરતમાં સાડા ચાર વર્ષની બાળકીનું અપહરણ કરી તેની સાથે દુષ્કર્મ આચરનાર આરોપીને સુરત ક્રાઇમ બ્રાંચે ઝડપી લીધો છે.  સુરતના ચોક બજાર પોલીસ સ્ટેશન હદ વિસ્તારમાં 20 ફેબ્રુઆરીના રોજ પંડોળ વિસ્તારમાંથી એક સાડા ચાર વર્ષની બાળકી ઘરેથી રમતા રમતા અચાનક ગુમ થઈ હોવાની ફરિયાદ ચોક બજાર પોલીસ સ્ટેશનમાં નોંધાઇ હતી. ત્યારે આ સમગ્ર મામલે તાત્કાલિક અસરથી ચોક બજાર પોલીસ દ્વારા ગુનો દાખલ કરવામાં આવ્યો હતો અને બાળકીની શોધખોળ પોલીસ દ્વારા હાથ ધરવામાં આવી હતી. 

સીસીટીવી કેમેરાને આધારે તપાસ હાથ ધરી હતી

તપાસમાં સુરત ક્રાઈમ બ્રાન્ચ પણ જોડાયું હતું અને અલગ અલગ જગ્યાના સીસીટીવી કેમેરાની તપાસ કરતા એક નરાધમ બાળકીનું અપહરણ કરી લઈ જતો હોવાનું ધ્યાન પર આવ્યું હતું. ત્યારબાદ પોલીસની ટીમને બાળકી ચોક બજાર પોલીસ સ્ટેશનના ઇન્ડસ્ટ્રીયલ વિસ્તારમાંથી લોહી લુહાણ હાલતમાં મળી આવતા તેને તાત્કાલિક હોસ્પિટલમાં લઈ જવામાં આવી હતી. 

આ પણ વાંચોઃ આ છોકરીના રૂપ પાછળ ઘેલા થશો તો કંગાળ બની જશો, પત્ની બની ઘરે આવશે પછી આવી રીતે થશે ખેલ

તપાસ દરમ્યાન બાળકીના કપડા મળી આવ્યા હતા 

ડોક્ટરની તપાસમાં બાળકી સાથે દુષ્કર્મમાં થયું હોવાનું સામે આવતા તાત્કાલિક જ પોલીસ દ્વારા બાળકી સાથે દુષ્કર્મ કરનાર નરાધમની શોધખોળ કરવામાં આવી હતી અને અલગ અલગ સીસીટીવી ફૂટેજની તપાસના આધારે અને બાળકીના ઘરથી અખંડાનંદ કોલેજ પાસેના તમામ ઇન્ડસ્ટ્રીયલ એરિયામાં અને અવાવરું જગ્યાઓ પર ક્રાઈમ બ્રાન્ચ દ્વારા તપાસ હાથ ધરવામાં આવી અને તપાસ દરમિયાન બાળકીના કપડા મળી આવ્યા હતા. ત્યારબાદ પોલીસે બાતમીના આધારે બાળકી સાથે દુષ્કર્મ કરનાર નરાધમ અંકિત ઓમ પ્રકાશ ગૌતમની ધરપકડ કરી હતી. 

આરોપી છેલ્લા દસ વર્ષથી એમ્બ્રોઇડરી ખાતામાં કામ કરે છે

આરોપીની પૂછપરછ કરતા તેને જણાવ્યું હતું કે,  છેલ્લા દસેક વર્ષથી સુરત ખાતે એમ્બ્રોઇડરી ખાતામાં કામ કરે છે અને ગઈકાલે તારીખ 20 /2 /2024 ના રોજ પોલીસ મથક વિસ્તારમાં ફરતો હોય તે વખતે ભોગ બનનાર બાળકી રમી રહી હતી તે નજરે પડતાં તેને ચોકલેટ ખવડાવવાના બહાને અપહરણ કરી દુષ્કર્મ આચરી તેને છોડીને ભાગી ગયો હતો.હાલ પોલીસે ગણતરીના કલાકોમાં આરોપીની ધરપકડ કરી કાયદેસરની કાર્યવાહી હાથ ધરી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો