ગાંધીનગર / વિધાનસભા ગૃહમાં વિપક્ષ કોંગ્રેસની સંપૂર્ણ ગેરહાજરી,સરકારે કહ્યું ટીકા બાદ બાબત પણ સાંભળો, આવ્યો વળતો જવાબ

• વિધાનસભા ગૃહમાં વિપક્ષ કોંગ્રેસની ગેરહાજર
• રાજ્યપાલના સંબોધન પરની ચર્ચા દરમિયાન કોંગ્રેસ રહ્યું ગેરહાજર
• આક્ષેપ કરી જતા રહે તે યોગ્ય નથીઃ મંત્રી ઋષિકેશ પટેલ

વિધાનસભા સત્ર ચાલી રહ્યો છે ત્યારે કોંગ્રેસ અને ભાજપના નેતાઓના વિવિધ નિવેદનો સામે આવી રહ્યાં છે.  જો કે, ગૃહમાં વિપક્ષ કોંગ્રેસની ગેરહાજરી જોવા મળી હતી. રાજ્યપાલના સંબોધન પરની ચર્ચા દરમિયાન કોંગ્રેસ પક્ષના એકપણ ધારાસભ્ય હાજર રહ્યાં ન હતા. સંબોધન બાદ બોલવા માટેનો સમય આવ્યો હતો ત્યારે કોંગ્રેસના તમામ ધારાસભ્યો ગાયબ થઈ ગયા હતાં.

'આક્ષેપ કરી જતા રહે તે યોગ્ય નથી'
વિપક્ષનો એકપણ સભ્ય હાજર ન રહેતા રાજ્ય સરકારના પ્રવક્તા મંત્રી ઋષિકેશ પટેલે વાંધો ઉઠાવ્યો હતો. તેમણે કહ્યુ હતું કે, આક્ષેપ કરી જતા રહે તે યોગ્ય નથી. ટીકા કર્યા બાદ સરકારની બાબત પણ સાંભળવી જોઈએ. જો કે, ત્યાર બાદ કોંગ્રેસ નેતા અમિત ચાવડાની પ્રતિક્રિયા સામે આવી હતી. 

'અમે મેદાન છોડીને ભાગવા વાળા નથી'
અમિત ચાવડા કહ્યું હતું કે, સંસદીય મંત્રી આધાર વગર વાત કરે તે યોગ્ય નથી. રાજ્યપાલના સંબોધન પર જ્યારે ચર્ચા કરવાની જરૂર પડશે ત્યારે ચર્ચા કરીશું. અમે મેદાન છોડીને ભાગવા વાળા નથી

ગૃહમાં ધારાસભ્ય કિરીટ પટેલનો સવાલ
પાટણના કોંગ્રેસના ધારાસભ્ય કિરીટ પટેલે વિધાનસભામાં આયુષ્માન કાર્ડ હેઠળ સારવાર કરતાં તબીબોને નાણા ન ચૂકવાયા હોવાનો અને ખાનગી કંપનીને ચુકવાયેલા મોટા પ્રીમિયમ બાબતે સવાલ ઉઠાવ્યા હતા. પાટણ જિલ્લામાં PMJAY યોજનામાં તબીબોને રૂપિયા 20.80 કરોડ ચુકવવાના બાકી હોવાનો આક્ષેપ કર્યો હતો. જ્યારે બજાજ એલિયાન્ઝ કંપનીને રૂપિયા 522.58 ચૂકવવામાં આવ્યા હોવાથી ખાનગી કંપનીને મોટું પ્રીમિયમ ચૂકવવા બાબતે સવાલ ઉઠાવ્યા હતા. પાટણ જિલ્લામાં પ્રીમિયમ ચૂકવ્યા બાદ રૂપિયા 20 કરોડથી વધુના નાણાં ચૂકવવામાં આવતા નહી હોવાથી ઘણી હોસ્પિટલોએ યોજના બંધ કર્યાનો આક્ષેપ કર્યો હતો. 

વાંચવા જેવું: મૌલાના ભડકાઉ ભાષણ કેસમાં 4ની અટકાયત: જૂનાગઢ ઉપરાંત આ જગ્યાઓનું પણ કનેક્શન ખૂલ્યું, ATSના ખુલાસા

રાજ્યમાં JN1ના કેટલા કેસ છે ?
વિધાનસભામાં કોંગ્રેસ MLA ઇમરાન ખેડાવાલાએ કોરોનાને લઇ સવાલ કર્યો હતો. રાજ્યમાં JN1ના કેટલા કેસ છે અને યુવાનોમાં વધતા હાર્ટએટેકના કેસનું વેક્સિન કનેક્શન છે  કે કેમ તે અંગે સવાલ કરતા ઇમરાન ખેડાવાલાને આરોગ્ય મંત્રી ઋષિકેશ પટેલે જવાબ આપ્યો હતો.  તેમણે કહ્યું કે, રાજ્યમાં હાલ 68 એક્ટિવ JN1 કેસ છે.  રાજ્યમાં વેક્સિનના કારણે કોઇ હાર્ટએટેકનો બનાવ નહીં તેમજ કોરોનાના કારણે કેટલાક કિસ્સામાં ફાઈબ્રોસિસ થાય છે. કોરોના બાદ અનેક લોકોના ફેફસાને થયું નુકસાન: ઋષિકેશ પટેલ