નિર્ણય / અમદાવાદમાં તંત્રએ પાણી પહેલા પાળ બાંધી! હવે અટલ બ્રિજ પર મુલાકાતીઓ નહીં લઈ શકે આ વસ્તુની મજા

• અમદાવાદના અટલબ્રિજને લઈ AMCનો નિર્ણય
• અટલબ્રિજ પર આવેલા ગ્લાસ પર લગાવવામાં આવી ગ્રીલ
• તમામ ગ્લાસની આસપાસ લગાવવામાં આવી સ્ટીલની ગ્રીલ

અમદાવાદ મ્યુનિસિપલ કોર્પોરેશન દ્વારા તાજેતરમાં જ અમદાવાદવાસીઓને એક નવા નજરાણાની ભેટ આપી હતી. ત્યારે રિવર ફ્રન્ટ પર આવેલ આ અટલ બ્રિજમાં અચાનક જ કાચ તૂટવાની ઘટના બની હતી જેને લઈ AMCએ મહત્વનો નિર્ણય લીધો છે.

અટલબ્રિજ પર આવેલા ગ્લાસ પર ગ્રીલ લગાવવામાં આવી
અમદાવાદ મ્યુનિસિપલ કોર્પોરેશને અટલબ્રિજ પર આવેલા ગ્લાસ પર ગ્રીલ લગાવવામાં આવી છે તેમજ તમામ ગ્લાસની આજુબાજુ સ્ટીલની ગ્રીલ લગાવવામાં આવી છે તેમજ ગ્રીલ લગાવવા સાથે સાથે સ્ટીલની રેલિંગ પણ લગાવાઈ છે. બ્રિજ પરનો કાચ તૂટતા AMCએ આ મહત્વનો નિર્ણય લીધો છે.

બ્રિજ બન્યાના 1 વર્ષની અંદર કાચ તૂટ્યો
તમને જણાવી દઈએ કે, બ્રિજ બન્યાના 1 વર્ષની અંદર કાચ તૂટ્યો છે ત્યારે કામગીરી પર અનેક સવાલ ઉભા થઈ રહ્યા છે. કોઈ અનિચ્છનિય ઘટના ન બને તે માટે કાચ તુટેલી જગ્યા પર બેરીકેટ કરવામાં આવ્યું હતું. અને મુલાકાતીઓને કાચથી દૂર રહેવા સૂચના અપાઈ હતી તેમજ તંત્ર દ્વારા તકેદારીનાં ભાગરૂપે તાત્કાલિક ધોરણે તૂટેલા કાચની આજુબાજુ બેરીકેટ મુકવામાં આવ્યા હતા. ત્યારે અટલ બ્રિજ બન્યાને હજુ એક વર્ષ પણ થયું નથી. જો કે, હવે તંત્ર આખરે કાચની આજુબાજુ ગ્રીલ લગાવી છે. 

બ્રિજની વિશેષતા

• બ્રિજ ઉપર વુડન ફલોરીંગ અને ગ્રેનાઈટ ફલોરીંગ 
• 2600 મેટ્રિક સ્ટીલનું વજન
• 300 મીટર બ્રિજની લંબાઈ
• 100 મીટર વચ્ચેનો સ્પાન
• બ્રિજ પર બેસવા માટે પણ વ્યવસ્થા
• RCC પાઈલ ફાઉન્ડેશન અને સ્ટીલ સપોર્ટ
• પ્લાન્ટર તથા સ્ટેઇનલેસ સ્ટીલ અને ગ્લાસની રેલીંગ
• ચંપો, લોન અને ગ્રાસનું પ્લાન્ટેશન
• વચ્ચેના ભાગે 10 મીટરથી 14 મીટરની પહોળાઈમાં ફૂડ કીઓસ્ક અને બેઠક વ્યવસ્થા
• ફૂટ ઓવરબ્રિજ પર વચ્ચેના ભાગે વુડન ફલોરિંગ બાકીના ભાગે ગ્રેનાઇટ ફલોરિંગ
• ઈવેન્ટ   ગ્રાઉન્ડ, કલર ચેન્જ થઈ શકે એવી ડાઈનેમિક LED લાઈટ
• 74 કરોડથી વધુના ખર્ચે તૈયાર થયો ફૂટ ઓવરબ્રિજ