અનોખો વિરોધ / VIDEO : વાહ અદ્દભૂત ! નવવિવાહિત કપલે વોટર ટેન્કર પર બારાત કાઢી, લખ્યું- માગ પૂરી થાય પછી જ હનીમૂન

• મહારાષ્ટ્રના કોલ્હાપુરના નવપરણિત કપલનો અનોખો વિરોધ
• લગ્નના દિવસે વોટર ટેન્કર પર બેસીને સવારી કાઢી
• કપલે હનીમૂન ન મનાવવાનો પણ કર્યો નિર્ણય 

પાણીની અછતને લઈને લોકો જાતજાતના વિરોધ પ્રદર્શન કરતા હોય છે. લોકો અવનવી રીતે પાણીની તંગીનો વિરોધ કરતા હોય છે પરંતુ મહારાષ્ટ્રના કોલ્હાપુરના એક કપલે શહેરમાં પ્રવર્તી રહેલી પાણીની તંગીનો વિરોધ કરવા જે માર્ગ અપનાવ્યો તે અનોખો છે. કપલે પોતાના લગ્નના દિવસે વોટર ટેન્કર પર બેસીને વિરોધ પ્રદર્શન નોંધાવ્યો હતો. 

Maharashtra | A Kolhapur couple rode a water-tanker on their wedding day, to call attention to the ongoing water crisis in the city. The newly-weds have vowed "not to go on a honey-moon until this crisis ends," according to the message on the tanker.

(Source: self-made) pic.twitter.com/1kWM97ogTB

— ANI (@ANI) July 9, 2022

જ્યાં સુધી પાણી નહીં ત્યાં સુધી હનીમૂન નહીં- કપલે વોટર ટેન્કર પર લખ્યું
પાણીની તંગીનો વિરોધ કરવા કપલ લગ્નના દિવસે વોટર ટેન્કર પર સવાર થઈને નીકળ્યું હતું. કપલે વોટર ટેન્કર પર જે લખ્યું તે પણ ખૂબ દિલને સ્પર્શી લેવા માટે પૂરતું છે. કપલે વોટર ટેન્કરના આગળના ભાગે લખ્યું કે જ્યાં સુધી શહેરની પાણીની તંગીનો ઉકેલ નહીં આવે ત્યાં સુધી તેઓ હનીમૂન નહીં મનાવે છે. તેમનો આ પ્રયાસ ખૂબ ઉમદા છે અને આશા રાખીએ કે સત્તાવાળાઓ ત્વરિત તેમની સમસ્યાનો ઉકેલ લાવે અને કપલને ખુશખબર આપે. 

વોટર ટેન્કર પર બેઠા વર અને વધૂ, લોકો પાછળ નાચતા રહ્યાં
વર અને વધૂ વોટર ટેન્કર પર બેઠા હતા અને તેની પર પ્લાસ્ટિકના માટલા પણ મૂકાયેલા જોવા મળ્યાં હતા. વોટર ટેન્કરની બારાતની પાછળ લોકો રસ્તા પર મનમૂકીને નાચી રહ્યાં હોવાનું પણ જણાતું હતું.