આગ / દિલ્હીમાં ગત મોડી રાત્રે ત્રણ ફેક્ટરીઓમાં ભભૂકી ઉઠી આગ, ફાયર વિભાગની 12 ગાડીઓ મોકલવી પડી

• દિલ્હીમાં  કિર્તીનગર ઔદ્યોગિક ક્ષેત્રમાં લાગી આગ
• એક ફેક્ટરીમાં આગ લાગતા દોડધામ
• ભારે જહેમત બાદ આગ પર મેળવ્યો કાબૂ

એક તરફ ગરમીનો પ્રકોપ વધી રહ્યો છે તો બીજી તરફ આગ લાગવાની ઘટનામાં વધારો થઇ રહ્યો છે. ત્યારે ગત મોડી રાતે દિલ્હીમાં મોટી આગની દુર્ઘટના બની.  દિલ્હીના કિર્તીનગર ઔદ્યોગિક ક્ષેત્રમાં એક ફેક્ટરીમાં આગ લાગી. જોત જોતામાં તો આગે વિકરાળ રુપ ધારણ કરી લીધું અને ત્રણ કંપનીઓ આગની ચપેટમાં આવીને બળીને ખાખ થઇ ગઇ. ભીષણ આગને કાબૂમાં લેવા ફાયર બ્રિગેડના અધિકારીઓએ ભારે જહેમત ઉઠાવવી પડી હતી.  હાલમાં કૂલિંગની કામગીરી ચાલી રહી છે. 

ઇન્ડસ્ટ્રીયલ એરિયામાં લાગી આગ 

કહેવામાં આવી રહ્યું છે કે દિલ્હી ફાયર બ્રિગેડને કીર્તિ નગર ઇન્ડસ્ટ્રીયલ એરિયામાં આગની લાગી હોવાનો લગભગ 1.50એ ફોન આવ્યો હતો.  ફોન કરનારે ફાયર બ્રિગેડને જાણ કરી હતી કે 7/16 કીર્તિનગર ઈન્ડસ્ટ્રીયલ એરિયામાં આગ લાગી છે. માહિતી મળતાં જ ફાયર બ્રિગેડની ટીમ ઘટનાસ્થળે પહોંચી ગઈ હતી. આગ એટલી ગંભીર હતી કે ફાયર બ્રિગેડે 12 ફાયર ટેન્ડરોને ઘટનાસ્થળે મોકલવા પડ્યા હતા.

કલાકો સુધી આગને કાબૂમાં લેવા પ્રયાસ

ફાયર બ્રિગેડની ટીમ દ્વારા કલાકો સુધી આગ પર કાબૂ મેળવાવનો પ્રયાસ કરવામાં આવ્યો. ફાયર બ્રિગેડના 12 ફાયર ટેન્ડરોએ કલાકોની જહેમત બાદ આગ પર કાબુ મેળવ્યો હતો. સ્થળ પર હજુ પણ કૂલિંગ ઓપરેશન ચાલુ છે. આગ કાપડની થેલી બનાવતી કંપનીના મેન્યુફેક્ચરિંગ અને પ્રિન્ટિંગ યુનિટમાં લાગી હોવાનું કહેવામાં આવી રહ્યું છે.

कीर्ति नगर औद्योगिक क्षेत्र की तीन फैक्ट्रियों में आज सुबह करीब डेढ़ बजे आग लग गई। मौके पर 12 टेंडर भेजे गए। आग पर काबू पा लिया गया है: अतुल गर्ग, दिल्ली फायर डायरेक्टर pic.twitter.com/UxeY0oRNEk

— ANI_HindiNews (@AHindinews) May 13, 2022

3 કંપનીઓ આગની ચપેટમાં

આગ એટલી વિકરાળ હતી કે અન્ય 3 ફેક્ટરીઓ પણ આગની ચપેટમાં આવી ગઈ હતી. કાપડની થેલી બનાવતી કંપનીના મેન્યુફેક્ચરિંગ અને પ્રિન્ટિંગ યુનિટની સાથે એક ફર્નિચર ફેક્ટરી અને ફેબ્રિકેશનના રફ મટિરિયલ્સની ફેક્ટરી પણ આગની ઝપેટમાં આવી ગઇ હતી.  આ ત્રણેય ફેક્ટરીઓ લગભગ 500 ચોરસ યાર્ડ વિસ્તારમાં ફેલાયેલી છે. જો કે કંપનીનો કિંમતી માલ બળીને ખાખ થઇ ગયો પરંતુ સદનસીબે કોઇ જાનહાનિ થઇ હોવાનું સામે આવ્યુ નથી.