યે જીવન હૈ / અનોખી અંતિમયાત્રા ! સુરતના કરંજ ગામ વાજતે ગાજતે નીકળી સ્મશાનયાત્રા, પરિવારે ફટાકડા પણ ફોડ્યા

Dinesh

Last Updated: 04:53 PM, 27 June 2023

FOLLOW ON

શેર કરો

સુરતના કરંજ ગામે અંતિમયાત્રામાં DJ સામેલ કરાયું હતું તેમજ પરિવારે અંતિમયાત્રામાં ફટાકડા પણ ફોડ્યા હતાં, 103 વર્ષેની ઉમંરે દિવાળી બેને અંતિમ શ્વાસ લીધા હતા

સુરતના કરંજ ગામે અલગ પ્રકારની અંતિમયાત્રા નિકળી
અંતિમયાત્રામાં DJ સામેલ કરાયું
પરિવારે અંતિમયાત્રામાં ફટાકડા પણ ફોડ્યા

મરણ પ્રસંગે મરસિયા ગવાય અને જે મૃત્યું પામ્યું હોય તેને યાદ કરી કરીને તેના પાછળ કરૂણ રૂદન કરાતું હોય છે પરંતુ સુરતના કરંજ ગામ એક વૃદ્ધાના મૃત્યું પછી એક અલગ જ રીતે અંતિમયાત્રા નીકાળવામાં આવી હતી. કરંજ ગામે અલગ પ્રકારની નીકળેલી અંતિમયાત્રાને લઈ સૌ કોઈ અંચબિત થઈ ગયા હતાં.

DJ સાથે અંતિમયાત્રા
સુરતના કરંજ ગામે અંતિમયાત્રામાં DJ સામેલ કરાયું હતું તેમજ પરિવારે અંતિમયાત્રામાં ફટાકડા પણ ફોડ્યા હતાં. અત્રે તમને જણાવી દઈએ કે, કરંજ ગામે 103 વર્ષીય દિવાળીબેનનું અવસાન થયું હતું. 103 વર્ષે દિવાળી બેને અંતિમ શ્વાસ લીધા હોવાથી પરિવારે વાજતે ગાજતે DJ સાથે અંતિમયાત્રા નિકાળી હતી.

કરંજ ગામે 103 વર્ષીય દિવાળીબેનનું થયું છે અવસાન
ડી.જે સાથે ફટાકડા ફોડી પરિવારજોએ અંતિમ યાત્રા નીકાળી હતી તેમજ આ સાથે કોરિયાના મશાલ પ્રગટાવવામાં આવી હતી. 103 વર્ષિય વૃદ્ધાની ડી જે સાથે નીકળેલી અંતિમયાત્રામાં મોટી સંખ્યામાં લોકો જોડાયા હતા. જે અંતિમ યાત્રાએ સૌ કોઈના ધ્યાન આકર્ષયા હતાં તેમજ લોકો આશ્ચર્યચકિત થઈ ગયા હતા