કોરોના વાયરસ / 24 રાજ્યોમાં 1 મેથી 18+ ઉંમરના લોકોને મળશે કોરોનાની મફત રસી, આ છે આખી યાદી

• દેશમાં  14.19 કરોડથી વધારે રસીના ડોઝ અપાઈ ચૂક્યા
• 24 રાજ્યો 18 વર્ષથી ઉપરની ઉંમરના તમામને ફ્રીમાં રસી આપશે
• સતત 5માં દિવસે 3 લાખથી વધારે કેસ અને 2 લાખથી વધારે મોત

24 રાજ્યો 18 વર્ષથી ઉપરની ઉંમરના તમામને ફ્રીમાં રસી આપશે

કોરોનાના વધતા ગ્રાફની વચ્ચે 24 રાજ્યોએ પોતાને ત્યાં 18 વર્ષથી ઉપરની ઉંમરના તમામ લોકોને ફ્રીમાં કોરોનાની રસી આપવાનું એલાન કર્યુ છે. ઉલ્લેખનયી છે કે કેન્દ્ર સરકારે 1મેથી રસીકરણના આગલા તબક્કાની જાહેરાત કરી હતી. આ તબક્કામાં 18 વર્ષથી વધારે ઉંમરના તમામ લોકોને કોરોનાની રસીના ડોઝ આપવામાં આવશે.

 14.19 કરોડથી વધારે રસીના ડોઝ અપાઈ ચૂક્યા

અત્યાર સુધી સરકાર તરફથી જારી આંકડા મુજબ 14.19 કરોડથી વધારે રસીના ડોઝ અપાઈ ચૂક્યા છે. આ તમામ ડોઝ 45 વર્ષથી વધારે ઉંમરના લોકોને આપવામાં આવ્યા છે. જેમાં હેલ્થ વર્કર્સ અને ફ્રન્ટલાઈન વર્ક્સ સામેલ છે. કોરનોના વધતા ગ્રાફની વચ્ચે 1 મેથી 18 વર્ષથી ઉપરના લોકોને રસી આપવાનો નિર્ણય લેવામાં આવ્યો છે. 

સતત 5માં દિવસે 3 લાખથી વધારે કેસ અને 2 લાખથી વધારે મોત

આ નિર્ણય તે સમયે લેવામાં આવ્યો છે જ્યારે ભારતમાં કોરોનાના નવા કેસ અને મોત દર રોજ વધી રહ્યા છે. સ્વાસ્થ્ય મંત્રાલયના જણાવ્યાનુંસાર સોમવારે ભારતમાં 3.52 લાખ નવા કેસ સામે આવ્યા છે અને 2812 લોકોના મોત થયા છે. સતત 5માં દિવસે 3 લાખથી વધારે કેસ અને 2 લાખથી વધારે મોત થયા છે.

આ રાજ્યોમાં ફ્રીમાં કોરોનાની રસીનું એલાન

કોરોનાના વધતા કેસને જોતા રાજ્ય સરકારો એલર્ટ મોડમાં આવી છે અને 18 વર્ષની વધારે ઉંમરના લોકોને ફ્રીમાં રસી આપવાનું એલાન કર્યુ છે. અત્યાર સુધી બિહાર, ઝારખંડ, ઉત્તર પ્રદેશ, પંજાબ, હરિયાણા, મધ્ય પ્રદેશ, છત્તીસગઢ, સિક્કિમ, પશ્ચિમ બંગાળ, આસામ, ગોવા, તમિલનાડુ, તેલંગાણા, આંધ્ર પ્રદેશ, કેરળ, ઓડિશા, દિલ્હી, જમ્મુ- કાશ્મીર, હિમાચલ પ્રદેશ, ગુજરાત, મહારાષ્ટ્ર, રાજસ્થાન, કર્ણાટક અને ઉત્તરાખંડમાં ફ્રી રસી લગાવવાનું એલાન કરાયુ છે.

આ 24માંથી મોટા ભાગના રાજ્યોએ તમામ માટે મફત રસીનું એલાન કર્યુ છે. ત્યારે ઘણાએ જાહેરાત કરી છે કે નિઃશુક્લ રસી ફક્ત 18થી 45 વર્ષના લોકોને ઉપલબ્ધ થશે. જેમાં જમ્મુ કાશ્મીર, હિમાચલ પ્રદેશ, ગોવા, સિક્કમ, કર્ણાટક, ઝારખંડ અને આંધ્ર પ્રદેશ સામેલ છે.  ત્યારે પશ્ચિમ બંગાળમાં રસીકરણ અભિયાનનો આ તબક્કો વિધાનસભા ચૂંટણીના કારણે 1 મેની જગ્યાએ 5 મેથી શરુ થશે. રાજ્યમાં 29 એપ્રિલે મતદાન થવાનું છે અને 2 મેના રોજ પરિણામ જાહેર થશે.

વેક્સનીનો ખર્ચ

રાજ્યો બે મુખ્ય નિર્માતાઓ પાસેથી રસી ખરીદશે. સીરમ ઈન્સ્ટીટ્યૂટ ઓફ ઈન્ડિયાએ કહ્યુ કે તે પોતાની કોરોનાની રસી કોવિશીલ્ડને 400 રુપિયા  પ્રતિ ડોઝની કિંમત પર રાજ્ય સરકારોને આપશે. કોવૈક્સીન નિર્માતા ભારત બાયોટેક 600 રુપિયાની કિંમત પર પ્રત્યેક રાજ્યોને આપશે .