ફેરફાર / 16 ડિસેમ્બરથી બદલાઇ રહ્યા છે આ 2 નિયમ, જાણી લો નહીંતર થશે પસ્તાવો

• પૈસાની લેણદેણ હોય કે મોબાઇલ પોર્ટેબલિટી
• 16 ડિસેમ્બરથી બદલાઇ જશે આ 2 નિયમ
• ઓનલાઇન ટ્રાન્ઝેક્શન હવે કોઇપણ સમય

ઓનલાઈન ટ્રાંઝેક્શનની સુવિધા નેશનલ ઇલેક્ટ્રોનિક ફંડ ટ્રાન્સફર (NEFT) દ્વારા રજા સહિતના અઠવાડિયાના સાત દિવસ મળશે. આનો અર્થ એ છે કે હવે તમે NEFT દ્વારા કોઈપણ સમયે અને કોઈપણ સમયે ઓનલાઇન મની ટ્રાન્ઝેક્શન કરી શકો છો.

એક સમયે 2 લાખ રૂપિયા સુધી કરી શકો છો ઓનલાઇન ટ્રાન્સફર

આપને જણાવી દઇએ કે, NEFT એ ઓનલાઇન વ્યવહારની એક પદ્ધતિ છે. આ અંતર્ગત, તમે એક સમયે 2 લાખ રૂપિયા સુધી ઓનલાઇન ટ્રાન્સફર કરી શકો છો. સામાન્ય દિવસોમાં  NEFT ટ્રાન્ઝેક્શન સવારે 8 થી સાંજે 7 વાગ્યા દરમિયાન થાય છે.

RBI એ જાહેર કર્યું નોટિફિકેશન

Availability of National Electronic Funds Transfer (NEFT) System on 24x7 basishttps://t.co/ytimjQtXax

— ReserveBankOfIndia (@RBI) December 6, 2019

આ સાથે જ પ્રથમ અને ત્રીજા શનિવારે સવારે 8 વાગ્યાથી લઇને 1 વાગ્યા સુધી કરવામાં આવતું હતું. જેને લઇને રિઝર્વ બેંક દ્વારા એક નોટિફિકેશન પણ જાહેર કરવામાં આવ્યું છે. 

નંબર પોર્ટેબલિટી હવે ગણતરીના દિવસોમાં 

જો તમે મોબાઇલ પોર્ટ કરાવવાનું વિચારી રહ્યા છો તો 16 ડિસેમ્બરથી તમારું કામ સરળ થઇ જશે. ત્યારબાદ તમે માત્ર 3 દિવસમાં નંબર પોર્ટ કરાવી શકો છો. વર્તમાનની વાત કરીએ તો મોબાઇલ નંબર પોર્ટ કરાવવામાં 15-20 દિવસનો સમયગાળા લાગી જતો હતો, જો કે, બીજા સર્કલમાં પાંચ કામકાજના દિવસોમાં પોર્ટ કરાવી શકશો.