કમોસમી વરસાદ / આગાહીથી ઊલટું: ભરશિયાળે ગુજરાતના આ વિસ્તારમાં જોરદાર માવઠું, ખેડૂતોને પડી ફાળ

• ભાટિયા દ્વારકા હાઈવે વચ્ચે જોવા મળી માવઠાની અસર
• હાઈવે પરના રસ્તાઓ માવઠાથી થયા ભીના
• ભાટિયા થી ઓખા-મઢી વચ્ચે માવઠાંની અસર

દ્વારકાના વાતાવરણમાં એકાએક પલ્ટો આવવા પામ્યો હતો. ભાટીયા-દ્વારકા હાઈવે વચ્ચે માવઠાની અસર જોવા મળી હતી. હાઈવે પરના રસ્તાઓ માવઠાથી ભીના થયા હતા. ભાટીયા થી ઓખા-મઢી વચ્ચે માવઠાની અસર થવા પામી હતી. માવઠાને પગલે ખેડૂતોનો જીવ પડીકે બંધાઈ જવા પામ્યો હતો. ત્યારે માવઠું થતા ખેતરમાં ઉભા પાકને નુકસાનીને લઈ ખેડૂતોમાં ચિંતાનું મોજુ ફરી વળ્યું હતું. સમગ્ર વિસ્તારમાં વાદળછાયું વાતાવરણ જોવા મળ્યું હતું. 

આજે 3 થી 4 ડિગ્રી તાપમાન વધતા ઠંડીમાં રાહત મળશે
રાજ્યવાસીને હવે ઠંડી માંથી મળશે રાહત. જીહા હવામાન વિભાગે ઠંડીને લઈને આગાહી કરી છે. હવામાન વિભાગે આગાહી કરી છે કે આજે  3 થી 4 ડિગ્રી તાપમાન વધતા ઠંડીમાં રાહત મળશે. જોકે ગરમીનો લોકોને  અહેસાસ થશે. વેસ્ટર્ન ડીટર્બન્સ સક્રિય થતાં તાપમાન ઉંચકાશે આ બદલાવની આગાહી કરાઈ છે. 

વધુ વાંચોઃ વડોદરાવાસીઓને હવે સુરસાગર તળાવમાં બોટિંગની સુવિધા નહીં મળે, તાત્કાલિક અસરથી કોન્ટ્રાક્ટ રદ, જાણો કેમ

પવનની ગતિ 15 કિમી આસપાસ રહેશે
હવામાન વિભાગે એ પણ જણાવ્યું કે ગરમી સાથે ઉત્તર ગુજરાત કોસ્ટમાં ઉત્તર પશ્ચિમી પવન રહેશે. દક્ષિણ ગુજરાત કોસ્ટમાં ઉત્તર પૂર્વીય પવન રહેશે. તો પવનની ગતિ 15 કિમી આસપાસ રહેશે.