World Cup 2023 / ભારત, ન્યૂઝીલેન્ડ, ઓસ્ટ્રેલીયા... સેમીફાઇનલમાં કઈ ટીમ છે કિંગ? સાઉથ આફ્રિકાના આંકડા સૌથી ખરાબ

• ICC ODI વર્લ્ડ કપ 2023નો લીગ સ્ટેજ સમાપ્ત થઈ ગઈ 
• આવતીકાલે ભારત અને ન્યુઝીલેન્ડ વચ્ચે પ્રથમ સેમીફાઈનલ રમાશે
• ચાર ટીમોના અત્યાર સુધીના સેમીફાઈનલ રેકોર્ડ વિશે જાણીએ

ICC ODI વર્લ્ડ કપ 2023નો લીગ સ્ટેજ સમાપ્ત થઈ ગઈ છે. ટીમ ઈન્ડિયા લીગ તબક્કામાં પોઈન્ટ ટેબલમાં ટોચ પર છે. જ્યારે સાઉથ આફ્રિકા બીજા, ઓસ્ટ્રેલિયા ત્રીજા અને ન્યૂઝીલેન્ડ ચોથા ક્રમે છે. ટોપ-4 ટીમોએ સેમિફાઇનલમાં પ્રવેશ કર્યો હતો. 

And then there were four...🤩

Who will be at the top of the podium on November 19?#CWC23 pic.twitter.com/i2SQ8Q7vsq

— ICC (@ICC) November 13, 2023

આવતીકાલે ભારત અને ન્યુઝીલેન્ડ વચ્ચે પ્રથમ સેમીફાઈનલ રમાશે
ભારત અને ન્યુઝીલેન્ડ વચ્ચે 15 નવેમ્બરે મુંબઈમાં પ્રથમ સેમીફાઈનલ રમાશે.બીજી સેમિફાઇનલમાં સાઉથ આફ્રિકા અને ઓસ્ટ્રેલિયા સામસામે ટકરાશે.આ મેચ કોલકાતામાં રમાશે. ફાઈનલ મેચ 19 નવેમ્બરે અમદાવાદમાં રમાવાની છે. એવામાં આ ચાર ટીમોના અત્યાર સુધીના સેમીફાઈનલ રેકોર્ડ વિશે જાણીએ... 

ઓસ્ટ્રેલિયા સેમી ફાઈનલનો કિંગ 
આંકડા જોવા જીઈએ તો ઓસ્ટ્રેલિયા સેમી ફાઈનલનો રાજા છે. કાંગારૂ ટીમ આઠ સેમીફાઈનલ રમી છે જેમાંથી સાતમાં જીત અને એકમાં હાર થઈ છે. ઓસ્ટ્રેલિયાએ પાંચ વખત ODI વર્લ્ડ કપનો ખિતાબ જીત્યો છે. ઓસ્ટ્રેલિયાએ 1987, 1999, 2003, 2007 અને 2015માં ટ્રોફી કબજે કરી હતી. 

🕹 Choose your winning #CWC23 team 🏆 pic.twitter.com/YCYLpNPUsO

— ICC (@ICC) November 13, 2023

ભારત બીજા નંબરે 
ઓસ્ટ્રેલિયા બાદ ભારતે સૌથી વધુ સેમીફાઈનલ જીતી છે. ભારતે સાતમાંથી ત્રણ સેમીફાઈનલ જીતી અને ચારમાં હાર થઈ. ભારતને છેલ્લા સતત બે વર્લ્ડ કપની સેમિફાઇનલમાંથી બહાર થવું પડ્યું હતું. ભારત 1983 અને 2011માં ચેમ્પિયન બન્યું હતું.

ન્યુઝીલેન્ડ બસ બે જ વખત જીતી 
ન્યુઝીલેન્ડ 8 વખત સેમીફાઈનલમાં પ્રવેશ્યું છે, જેમાં તે બે વખત જીત્યું છે. કિવી ટીમને 6 વખત હારનો સામનો કરવો પડ્યો છે. ન્યુઝીલેન્ડ એક પણ ટાઇટલ જીત્યું નથી. ન્યૂઝીલેન્ડે 2015 અને 2019 વર્લ્ડ કપની ફાઈનલ રમી હતી. 

A final look at the #CWC23 standings

Onto the semi-finals 📲 https://t.co/4jLRtK2HUI pic.twitter.com/rOZcVfIBx3

— ICC (@ICC) November 13, 2023

સાઉથ આફ્રિકાએ ખાતું જ નથી ખોલ્યું 
સાઉથ આફ્રિકાની ટીમે સેમિફાઇનલમાં હજુ સુધી ખાતું ખોલ્યું નથી. તેણે 4 સેમીફાઈનલ રમી છે અને ક્યારેય જીત મળી નથી. સાઉથ આફ્રિકાની ટીમ આ વખતે સેમીફાઈલ જીતીને ખાતું ખોલવા માંગશે. જણાવી દઈએ કે સાઉથ આફ્રિકાએ લીગ તબક્કામાં નવમાંથી સાત મેચ જીતી હતી. તે માત્ર નેધરલેન્ડ અને ભારત સામે હારી હતી. 

બીજી તરફ ભારતે તેની તમામ લીગ મેચો જીતી હતી. ઓસ્ટ્રેલિયાએ સાત લીગ મેચો અને ન્યુઝીલેન્ડે પાંચ લીગ મેચ જીતી હતી.