બિસ્માર 'તંત્ર' / 8 વર્ષથી ટલ્લે ચડ્યું કામ: સોમનાથ-ભાવનગર હાઈવેની અધૂરી કામગીરીને લઇને MLA ભગા બારડે અધિકારીઓને તતડાવ્યા

• ગીર સોમનાથ નેશનલ હાઇવે બિસ્માર 
• 8 વર્ષથી નેશનલ હાઇવેનું કામ નથી થયું પૂર્ણ
• ધારાસભ્ય ભગાભાઇ બારડે જાતે રોડ રીપેર કર્યો

ગીર સોમનાથ નેશનલ હાઇવેનું કામ ટલ્લે ચડ્યું હોય તેમ છેલ્લા 8 વર્ષથી ગોકળગતિએ ચાલતું હોવાથી વાહનચાલકોને સમસ્યાનો કોઇ પાર નથી. આ માંમલે લોકોએ અનેક વખત રજૂઆત કરી, વિરોધ કર્યો અને માંગ પણ કરી હતી.પરંતુ આ સમસ્યાનો આજ સુધી નિકાલ આવ્યો નથી અને  હાલની સ્થિતિએ વરસાદને લઈને રોડ પર પાંચ-પાંચ ફૂટ જેટલા લાંબા ખાડા પડ્યા છે. ત્યારે ધારાસભ્ય ભગા બારડ એક્શન મોડમાં આવ્યા છે. 

ભગા બારડ નેશનલ હાઇવે ઓથોરીટીની ઓફિસ પહોંચ્યા
લોકો રજૂઆત કરી કરીને થકયા હોવા છતાં હાઇવે ઓથોરીટીએ કામ ન કરતા ધારાસભ્ય ભગાભાઇ બારડએ જાતે રોડ રીપેર કર્યો હતો. ઉલ્લેખનિય છે કે 2014થી સોમનાથ-ભાવનગર હાઇવે બની રહ્યો છે.છતા હજુ સુધી કામ પૂર્ણ થયું નથી.આ રોડ પર અધૂરી કામગીરીને લઇ ટ્રાફિક જામની સમસ્યા માથું ઊંચકી રહી છે. આથી ભગા બારડ નેશનલ હાઇવે ઓથોરીટીની ઓફિસ પહોંચ્યા હતા જયા અધૂરી કામગીરીને લઇ અધિકારીઓનો ઉધડો લીધો હતો.

ગીર સોમનાથ નેશનલ હાઇવે બન્યો મોટી સમસ્યા
સોમનાથ-ભાવનગર નેશનલ હાઇવે સ્થિતિ રોડમાં ખાડા નહિ પણ ખાડામાં રોડ હોય તેવી છે. ઉનાથી વેરાવળ જવા માટે માત્ર 80 કિલો મીટર અંતર થાય છે, જે સામાન્ય ફોર વ્હીલમાં બે કલાક થાય છે. પરંતુ અહી 3 : 30 કલાકનો સમય લાગે છે. સોમનાથથી ભાવનગર જતો નેશનલ હાઇવે એટલે હદે બિસમાર થયો છે કે જ્યાં જુઓ ત્યાં ખાડા ખાબોચિયા જ દેખાય છે, તેમાં પણ સોમનાથથી કોડીનારના ડોળાસા સુધીનો રોડની હાલત આટલી બધી ખરાબ બની છે કે ટ્રક, ફોરવહીલ કે પછી એમ્બ્યુલન્સ, એસટી હોઈ સોમનાથથી કોડીનાર જવા માટે માત્ર એકાદ કલાકનો રસ્તો હાલ અઢી કલાક કલાકથી વધુ સમય લે છે. આથી ગામડાના માર્ગેને પણ વખણાવતા નેશનલ હાઇવેના કામ અંગે ઘટતું કરવા લોકોમાં માંગ ઉઠી છે.