ASIA CUP 2023 / શું હવે એશિયા કપ 2023ની બાકીને મેચ શ્રીલંકાને બદલે પાકિસ્તાનમાં રમાશે? PCB ચીફ ઝકા અશરફે જય શાહ સાથે વાત કરી હતી

• ભારત અને નેપાળના મેચમાં પણ વરસાદ વિલન બની શકે છે 
• શ્રીલંકાના કોલંબોમાં ભારે વરસાદની અપેક્ષા છે
• શું હવે આખો એશિયા કપ પાકિસ્તાનમાં રમાશે?

એશિયા કપ 2023 પર વરસાદનો ખતરો છે. એશિયા કપ 2023માં અત્યાર સુધીમાં કુલ ચાર મેચ રમાઈ છે અને પાંચમી મેચ રમાઈ રહી છે. શ્રીલંકાના પલ્લેકેલે ઈન્ટરનેશનલ ક્રિકેટ સ્ટેડિયમ ખાતે ભારત અને પાકિસ્તાનની મેચ જે 2 સપ્ટેમ્બરે રમાઈ હતી તે વરસાદને કારણે રદ કરવામાં આવી હતી. સાથે જ આજના ભારત અને નેપાળના મેચમાં પણ વરસાદનો સાયો છે.  

What should be the next venue for Pakistan vs India on 10th September? Colombo, Pallekele, Hambantota or Dambulla?

Wonderful graphic by Sport360 🔥 #AsiaCup2023 #AsiaCup pic.twitter.com/GlZ98HvLpp

— Farid Khan (@_FaridKhan) September 3, 2023

કોલંબોમાં ભારે વરસાદની અપેક્ષા છે
અહેવાલો અનુસાર કોલંબોમાં એશિયા કપની મેચોને અન્ય સ્થળે ખસેડવામાં આવે તેવી શક્યતા છે કારણ કે આગામી અઠવાડિયામાં આ ક્ષેત્રમાં ભારે વરસાદની અપેક્ષા છે. એવામાં હવે પાકિસ્તાન ક્રિકેટ બોર્ડ (PCB) એ એશિયન ક્રિકેટ કાઉન્સિલના પ્રમુખ જય શાહને આ પ્રકારનું સૂચન આપ્યું છે જેણે બધાનું ધ્યાન ખેંચ્યું છે. 

શું આખો એશિયા કપ પાકિસ્તાનમાં રમાશે?
ભારતીય ટીમે એશિયા કપ 2023 ના સત્તાવાર યજમાન એવા પાકિસ્તાનમાં પ્રવાસ કરવાનો ઇનકાર કર્યા પછી એશિયન ક્રિકેટ કાઉન્સિલ દ્વારા છેલ્લી ઘડીએ શ્રીલંકામાં અમુક મેચનું આયોજન કર્યું હતું, પરંતુ વેધર રિપોર્ટ અનુસાર કોલંબોમાં સતત ભારે વરસાદને કારણે સુપર-4 મેચ પણ રદ્દ થવાનો ખતરો છે અને એ વાત પર પીસીબીના અધ્યક્ષ ઝકા અશરફે બીસીસીઆઈના સચિવ અને એશિયન ક્રિકેટ કાઉન્સિલના પ્રમુખ જય શાહ સાથે વાત કરી છે અને એશિયા કપની મેચો પાકિસ્તાનમાં શિફ્ટ કરવાનું સૂચન કર્યું છે. જણાવી દઈએ કે મેચ 9 સપ્ટેમ્બરથી કોલંબોમાં રમાશે અને ત્યારબાદ ફાઈનલ પણ ત્યાં જ રમાશે. 

Visuals from Colombo after all the rains, expected to rain next week as well 👀

How are we going to have the Super Four round there? 😔 #AsiaCup2023 pic.twitter.com/XvtVhnnxwt

— Farid Khan (@_FaridKhan) September 3, 2023

ટૂર્નામેન્ટની આ મહત્વપૂર્ણ મેચો કોલંબોમાં રમાવાની છે
કોલંબો એશિયા કપ 2023ની સુપર ફોર મેચ અને ફાઈનલની મેચ રમાશે. 9, 10, 12, 14 અને 15 સપ્ટેમ્બરે આર પ્રેમદાસા સ્ટેડિયમમાં સુપર ફોર રાઉન્ડની પાંચ મેચો અને ફાઈનલ 17 સપ્ટેમ્બરે રમાશે. પરંતુ હાલ શ્રીલંકાના કોલંબોમાં ભારે વરસાદ પડી રહ્યો છે અને એ કારણે ત્યાંના રસ્તાઓ પણ પાણીમાં ડૂબી ગયા છે જએનો વિડીયો વાયરલ થઈ રહ્યા છે. 

નોંધનીય છે કે એશિયા કપ 2023નુંસંપૂર્ણ આયોજન પાકિસ્તાને કરવાનું હતું, પરંતુ BCCIએ સ્પષ્ટપણે કહ્યું હતું કે તે પોતાની ક્રિકેટ ટીમને પાકિસ્તાનમાં રમવા મોકલશે નહીં અને એટલા માટે એશિયા કપ 2023 હાઇબ્રિડ મોડલમાં યોજવો પડ્યો. હવે ચાર મેચ પાકિસ્તાનમાં અને નવ મેચ શ્રીલંકામાં યોજાઈ રહી છે. એવામાં હાલ શક્ય છે કે બાકીની મેચો દાંબુલા અથવા દુબઈમાં યોજાય.