ન્યાયિક મત / પત્ની જાણીજોઈને સેક્સનો ઈન્કાર કરે તો તે ક્રૂરતા ગણાય, મળી શકે છૂટાછેડા- HCનો ચુકાદો

• પત્નીનો જાણીજોઈને સેક્સનો ઈન્કાર બની શકે છૂટાછેડાનો આધાર 
• 35 દિવસના લગ્ન કેસમાં દિલ્હી હાઈકોર્ટનો મોટો ચુકાદો
• સેક્સના ઈન્કારના મામલે કોર્ટે પતિને આપ્યાં છૂટાછેડા 

પતિ-પત્નીના સંબંધોમાં સેક્સ ખૂબ જ મહત્વપૂર્ણ હિસ્સો છે પરંતુ લગ્ન બાદ એક યા બીજા કારણોસર પત્ની પતિને આ મહત્વપૂર્ણ કામથી વંચિત રાખતી હોય છે પરિણામે મામલો કોર્ટ સુધી પહોંચતો હોય છે. આવા જ એક કિસ્સામાં લગ્નના 35 દિવસ સુધી પતિને શારીરિક સંબંધ બાંધવા ન દેનાર પત્નીના ઈન્કારથી તંગ આવીને પતિએ હાઈકોર્ટમાં છૂટાછેડાની અરજી દાખલ કરી હતી અને હવે દિલ્હી હાઈકોર્ટે તેની પર ચુકાદો આપતાં એક મહત્વપૂર્ણ ટીપ્પણી કરી છે. 

નવા નવા લગ્નમાં સેક્સ વગરના જીવનની કલ્પના પણ ન થઈ શકે 
દિલ્હી હાઈકોર્ટે એક મહત્વપૂર્ણ ફેંસલો આપતાં એવું કહ્યું કે જીવનસાથી દ્વારા જાતીય સંબંધનો જાણી જોઈને ઇનકાર કરવો એ ક્રૂરતા સમાન છે અને આ વાતે પતિને છૂટાછેડા લેવાનો હક છે. જસ્ટીસ સુરેશકુમાર કૈટની અધ્યક્ષતાવાળી ખંડપીઠે છૂટાછેડા આપવાના ફેમિલી કોર્ટના આદેશ સામે પત્નીની અપીલને નકારી કાઢતાં કહ્યું હતું કે સેક્સ વિના લગ્ન એ એક અભિશાપ છે અને "જાતીય સંબંધોમાં નિરાશાથી વધુ લગ્ન માટે બીજું કશું (વધુ) જીવલેણ નથી.
ખંડપીઠે કહ્યું કે જીવનસાથી દ્વારા જાણી જોઈને જાતીય સંબંધનો ઈન્કાર કરવો ક્રૂરતા સમાન છે અને ખાસ કરીને કપલના નવા નવા લગ્ન હોય અને તેમાં સેક્સ ન આવતું હોય તો તે છૂટાછેડાનું કારણ બની શકે. 

શું હતો કેસ
દિલ્હીના એક કપલે 2004ની સાલમાં હિંન્દુ રિવાજો અને વિધિ અનુસાર લગ્ન કર્યા હતા. લગભગ એક મહિનો સાસરે રહ્યાં બાદ પત્ની પિયર જતી રહી હતી અને પતિ સાથે દહેજનો કેસ દાખલ કર્યો હતો જોકે પતિએ તેની સામે છૂટાછેડાનો કેસ દાખલ કર્યો હતો. પતિએ આરોપ મૂક્યો હતો કે લગ્નના 35 દિવસ પછી પણ પત્ની તેની શારીરિક સંબંધ બાંધવા દીધા નથી. હાઈકોર્ટની ખંડપીઠને પતિની દલીલને માન્ય રાખી અને આવો ચુકાદો સંભળાવ્યો હતો. હાઈકોર્ટે કહ્યું કે લગ્ન જીવનમાં સેક્સ જ ન હોય તો તે સાવ બેકાર બની રહી છે અને જીવનસાથીનો ઈન્કાર હોય તો પતિને છૂટાછેડા મળી શકે.