ચૂકાદો / પતિને પૂછ્યા વગર પણ પત્ની તેની પોતાની પ્રોપર્ટી વેચી શકે- હાઈકોર્ટે આપ્યો ચુકાદો

• છૂટાછેડા સંબંધિત કેસ મામલે હાઈકોર્ટનો મહત્વનો ચૂકાદો
• પત્નિ પોતાના નામની મિલકત પતિની પરવાનગી વગર વેચે તો તે ક્રુરતા નથીઃહાઈકોર્ટ
• જસ્ટિસ હરીશ ટંડન અને જસ્ટિસ પ્રોસેનજિત બિસ્વાસની ડિવિઝન બેંચે આપ્યો ચૂકાદો

જો પત્ની પતિની પરવાનગી વિના તેની મિલકત વેચે છે. તો તેને ક્રૂરતા કહી શકાય નહીં. આ ટિપ્પણી કલકત્તા હાઈકોર્ટે કરી છે.  હાઈકોર્ટમાં છૂટાછેડા સંબંધિત કેસની સુનાવણી ચાલી રહી હતી. જેમાં પતિની ક્રૂરતા અને ત્યાગનાં આધારે છૂટાછેડા લેવાની મંજૂરી આપતા ફેમિલી કોર્ટના આદેશ સામે મહિલાએ અપીલ કરી હતી. જસ્ટિસ હરીશ ટંડન અને જસ્ટિસ પ્રોસેનજિત બિસ્વાસની ડિવિઝન બેંચે કહ્યું કે બંને શિક્ષિત છે. અને જો કોઈ પત્ની તેના પતિની પરવાનગી વિના તેના નામની મિલકત વેચે તો તે કોઈપણ રીતે ક્રૂરતા નથી.
2014માં ટ્રાયલ કોર્ટે કહ્યું હતું કે
આ મામલો જોતા એવું લાગે છે કે ખરીદેલી મિલકતની ચુકવણી પતિ દ્વારા કરવામાં આવી હતી. કારણ કે પત્ની પાસે આવકનો કોઈ સ્ત્રોત નથી.

મિલકત પત્નીના નામે છે
આ બાબતે હાઈકોર્ટે કહ્યું કે જો આ વાત સાચી માની લેવામાં આવે તો પણ સંપત્તિ પત્નીના નામે છે. પત્નીને પતિની મિલકત ગણી શકાતી નથી અને તેના જીવનમાં કંઈપણ કરતાં પહેલાં તેના પતિ પાસેથી પરવાનગી લેવાની અપેક્ષા રાખવામાં આવતી નથી. જો પતિ પત્નીની સંમતિ વિના મિલકત વેચી શકે છે, તો પત્નીના નામની મિલકત તેની પરવાનગી વિના પણ વેચી શકાય છે. આપણે લિંગ અસમાનતાની માનસિકતાને દૂર કરવી પડશે.

કોર્ટે વધુમાં જણાવ્યું હતું કે,
સ્ત્રીઓ પર પુરુષોનું વર્ચસ્વ વર્તમાન સમાજને સ્વીકાર્ય નથી. અને આપણા બંધારણના ઘડનારાઓએ ક્યારેય આવી ભાવના પેદા કરી નથી.

હકીકતમાં, હાઈકોર્ટે ટ્રાયલ કોર્ટના ચૂકાદાને ફગાવી દીધો હતો અને કહ્યું કે, લગ્નની શરૂઆતથી જ દંપતી નાખુશ હતા કારણ કે લગ્નના બે વર્ષમાં પુત્રીનો જન્મ થયો હતો અને તેથી એવું ન કહી શકાય કે તેઓ લગ્નની શરૂઆતથી જ નાખુશ હતા.

કોર્ટે કહ્યું કે બંને એક જ ઘરમાં રહે છે. પરંતુ અલગ-અલગ રૂમમાં રહે છે.  પત્નીના આ દાવાને ધ્યાનમાં લેતા કે તે સંબંધને પુનઃસ્થાપિત કરવા માંગે છે. કોર્ટે કહ્યું કે દંપતીએ 2003 થી સાથે રહ્યા નથી. પરંતું પુરાવા દર્શાવે છે કે પતિનો તેની પત્ની સાથે  રહેવા માટે તેનો કોઈ ઈરાદો ન હતો. આ સાથે હાઈકોર્ટે પતિને છૂટાછેડા લેવાની મંજૂરી આપતા નિર્ણયને રદ કર્યો હતો.