જી20 સમિટ / દુનિયા માટે કેમ મહત્વપૂર્ણ છે G20? સૌકોઇની નજર ભારત પર, આ મુદ્દાઓ પર થશે ચર્ચા, દેશના દુશ્મનોના છૂટી જશે પરસેવા

• ભારતની અધ્યક્ષતામાં દિલ્હી ખાતે G20 સમિટ
• મોટા-મોટા દેશોનાં પ્રતિનિધિઓ આપશે હાજરી
• કેટલાક દેશોને ભારતની સફળતાથી ચડી શકે છે દાઝ

G20ની બેઠક છેલ્લાં 2 દશકાઓથી સમગ્ર દુનિયામાં આયોજિત થઈ રહી છે પરંતુ ભારતે આ મંચને એક અલગ જ ઊંચાઈએ પહોંચાડ્યું છે. ભારતની અધ્યક્ષતામાં થઈ રહેલા G20 સમ્મેલનને સમગ્ર વિશ્વ જોઈ રહ્યું છે.  ભારતે જી20 સમ્મેલન થકી દુનિયાને એક પૃથ્વી, એક પરિવાર, એક ભવિષ્યનાં વસુધૈવ કુટુમ્બકમનો સનાતન મંત્ર આપ્યો છે. 

India is delighted to host the 18th G20 Summit on 09-10 September 2023 at New Delhi’s iconic Bharat Mandapam. This is the first ever G20 Summit being hosted by India. I look forward to productive discussions with world leaders over the next two days.

It is my firm belief that…

— Narendra Modi (@narendramodi) September 8, 2023

ભારતે આ કાર્યક્રમને સફળ કરવા કર્યો ભરપૂર ખર્ચો
જી20 સમ્મેલનને સફળ બનાવવા માટે ભારત સરકારે ખજાનો ખોલી દીધો છે. મીડિયાની એક રિપોર્ટ અનુસાર જી20 સમ્મેલનને સફળ બનાવવા માટે આશરે 10 કરોડ ડોલરનો ખર્ચ કર્યાનો અંદાજો છે. પરંતુ આટલો બધો ખર્ચો શા માટે થઈ રહ્યો છે? આ સમિટમાં એવા કયા મુદાઓ પર ચર્ચા થઈ શકે છે તે જાણો.

• મહિલા સશક્તિકરણ
• વૈશ્વિક ખાદ્ય સુરક્ષા
• ડિજિટલ ઈંફ્રાસ્ટ્રક્ચર
• વૈશ્વિક અર્થવ્યવસ્થા
• આર્થિક અપરાધ
• કૃષિ
• સંસ્કૃતિ અને પર્યટન
• પર્યાવરણ સંતુલન
• સ્વાસ્થ્ય

દુનિયા માટે G20 શા માટે મહત્વનું?

• દુનિયાની GDPમાં 85% યોગદાન 
• આંતરરાષ્ટ્રીય વેપારમાં 75% ભાગેદારી
• વિશ્વ જનસંખ્યામાં 60% ભાગેદારી
• દુનિયાનાં કુલ રોકાણમાં 80% ભાગેદારી

ભારત માટે જી20 શા માટે મહત્વનું?
જી20 સમિટ દરમિયાન મહેમાનોને ભારતનાં આધાર, ડિજિલૉકર અને  UPI જેવી વિશેષતાઓ વિશે જણાવવામાં આવશે. સરકારની યોજના અનુસાર સમ્મેલન દરમિયાન તમામ પ્રતિનિધિઓને UPIની મદદથી પૈસા મોકલવામાં આવશે. સમિટ દરમિયાન તમામ પ્રતિનિધિઓનાં વૉલેટમાં એક-એક હજાર રૂપિયા ટ્રાંસફર કરવામાં આવશે જેથી તેઓ UPI વિશે જાણી શકે. વૉલેટનાં પૈસાથી અતિથિઓ સમિટ વેન્યૂ પર લાગેલા સ્ટોલથી ખરીદી કરી શકશે. એટલું જ નહીં આ સમિટ થકી આપણે આધુનિક ભારતને વિશ્વ સમક્ષ પ્રસ્તુત કરી શકશું.

ચીનને દાઝ ચઢી
જો કે આ તમામ વચ્ચે કેટલાક એવા પણ દેશ છે જેને ભારતની સફળતાથી દાઝ ચઢી રહી છે. ચીનનાં રાષ્ટ્રપતિ જિનપિંગ તો જી20માં હાજર પણ નથી રહેવાનાં. બીજી તરફ પાકિસ્તાન એ વાતથી દુ:ખી છે કે સાઉદી અરબનાં પ્રિન્સ મોહમ્મદ બિન સલમાન જી20માં શામેલ થવા ભારત આવી રહ્યાં છે પરંતુ પાકિસ્તાન નથી જઈ રહ્યાં. જ્યારે રશિયાનાં રાષ્ટ્રપતિ પુતીન પણ આ કાર્યકર્મમાં નથી જોડાઈ રહ્યાં.