- વિદેશ મંત્રાલય બોલાવી બેઠક
- ભારતીય નાગરિકોને સુરક્ષિત પરત લાવવા બોલાવી બેઠક
- એક વિમાન બપોરે કાબુલ માટે કરવાનુ હતુ ટેકઓફ
- એર ઇન્ડિયાના બે વિમાન છે સ્ટેન્ડ બાય
અફઘાનિસ્તાનમાં ફસાયેલા ભારતીય નાગરિકોને સ્વદેશ લાવવા ભારતે કમર કસી છે. વિદેશ મંત્રાલયે એક હાઈ લેવલની બેઠક યોજી છે, કાબુલમાંથી ભારતીયોને પરત લાવવા બે વિમાનોને પણ તૈયાર કરી રાખવામાં આવ્યાં છે જે ગમે ત્યારે ઉડાણ ભરી શકે છે.
ભારતીયોને પરત લાવવા બે વિમાનો તૈયાર રખાયા
ભારતીયોને પરત લાવવા બે વિમાનો તૈયાર રખાયા છે. કાબુલ એરપોર્ટ પર અફરાતફરીનો માહોલ છે અને તાલિબાનો સ્થાનિક પ્રજા પર મનમાની કરી રહ્યા છે ત્યારે અમેરિકાએ તાલિબાનો પર મિસાઈલ અટેક કર્યો છે. અફઘાનિસ્તાનમાં અરાજકતા વધી રહી છે અને પ્રજા દેશ છોડવા માટે મરણીયા પ્રયાસ કરી રહી છે ત્યારે અમેરિકાના સૈન્ય હેલિકોપ્ટર દ્વારા તાલિબાનો પર મિસાઈલ એટેક કરવામાં આવ્યો છે. ખાસ વિમાન દ્વારા 3થી વધુ મિસાઈલ છોડવામાં આવી હતી. નોંધનીય છે કે, અમેરિકા પોતાના નાગરિકો અને કર્મચારીઓને બચાવવા માટે યુદ્ધના ધોરણે રેસ્ક્યૂ ઓપરેશન ચલાવી રહ્યું છે.
આજે અમેરિકી સૈનિકો દ્વારા ફાયરિંગ પણ કરાયું હતું
અફઘાનિસ્તાનમાં તાલિબાને સંપૂર્ણ કબ્જો કરી લીધા બાદ પરિસ્થિતી અહીયા સૌથી ખરાબ સર્જાઈ છે. ખાસ કરીને એરપોર્ટ પર લોકોની ભારે પ્રમાણમાં ભીડ જોવા મળી રહી છે. ભીડને કાબૂમાં કરવા માટે અમેરિકાના સૈનિકો દ્વારા ફાયરિંગ પણ કરવામાં આવ્યું હતું. પરિસ્થિતી એટલી ખરાબ છે કે એરપોર્ટ પર કોઈ વીઝા પણ ચેક નથી કરી રહ્યું.
તાલીબાને લોકોને ઘરમાં રહેવા સલાહ આપી
બીજી તરફ તાલીબાને એવું કહ્યું છે કે લોકો 17 ઓગસ્ટ સવારના 8 વાગ્યા સુધી પોતાના ઘરમાંજ રહે. કાબુલ એરપોર્ટ પરથી બધી કોમર્શિયલ ફ્લાઈટ પણ બંધ કરી દેવામા આવી છે. તેમ છતા લોકો દેશ છોડીને ભાગી રહ્યા છે બેંકોમાંથી રૂપિયા ઉપાડીને ચારેય બાજુ દોડી રહ્યા છે. ઘણા લોકો તેમના વીઝા બનાવવા માટે તેમના દેશના દૂતાવાસ પર ચક્કર લગાવી રહ્યા છે.
અમેરિકા અને બ્રિટને જેવા દેશો પણ હેરાન પરેશાન
આ પરિસ્થિતીને જોતા અમેરિકા, બ્રિટેન અને ફ્રાંન્સ જેવા મોટા દેશો પણ હેરાન પરેશાન નજરે પડી રહ્યા છે. તેઓ તેમના નાગરીકોને અફઘાનિસ્તાનથી નિકાળવા માટે સ્પેશિયલ ફ્લાઈટની સેવા આપી રહ્યા છે. ભારતે પણ ગત રવિવારે અફઘાનિસ્તાનમાંથી આપણા નાગરિકોને બહાર કાઢ્યા હતા.
સોશિયલ મીડિયામાં વીડિયો વાયરલ થયા
અફઘાનિસ્તાન પર તાલિબાનના કબ્જાની વચ્ચે કાબુલ એરપોર્ટ પર હજારો લોકોની ભીડ જોવા મળી રહી છે. અનેક દેશોના રાજનાયિકોને પણ કાબુલ એરપોર્ટ પરથી બચાવીને લઈ જવાઈ રહ્યા છે. તાલિબાનના કબ્જા બાદ કાબુલ એરપોર્ટ પર ફાયરિંગના સમાચાર મળ્યા છે. જો કે અત્યાર સુધી ગોળીબારીમાં કોઈ જાનહાની થઈ નથી. પરંતુ એર પોર્ટ પર ભાગદોડ મચ્યાનો વીડિયો હવે સોશિયલ મીડિયા પર વાયરલ થઈ રહ્યો છે. બીજી તરફ અફઘાનિસ્તાનમાં સ્થિતિ ખરાબ થઈ રહી છે. આજે સંયુક્ત રાષ્ટ્ર સુરક્ષા પરિષદની બેઠક બોલાવવામાં આવી છે. જેની અધ્યક્ષતા ભારત કરશે.
કાબુલ એરપોર્ટ પર મોટી દુર્ઘટના, લોકો પ્લેન પરથી નીચે પટકાયા
અફઘાનિસ્તનમાં પરિસ્થિતી હાલ એવી ભયાનક છે કે જેની કોઈએ કલ્પના પણ ન કરી હોય. સોશિયલ મીડિયામાં અમુક વીડીયો વાયરલ થી રહ્યા છે. જેમા લોકો પ્લેનમાં લટકીને જઈ રહ્યા હતા. પરંતુ વિમાન હવામાં આવતા તેઓ જમીન પર પટકાયા. આ લોકો C-17 વિમાનમાં લટકીને જઈ રહ્યા હતા તેવી માહિતી સામે આવી છે. 3 લોકો નીચે જમીન પર પટકાયા. વિમાન હવામાં પહોચતા કાબુલ પરજ 3 લોકો નીચે પટકાયા છે. જેમા તેઓ આસપાસના સ્થાનિક વિસ્તારોમાં પટકાયા હોવાની માહિતી સામે આવી છે. મૃતકો પ્લેનના ટાયરોને પકડીને લટકી ગયા હતા. જોકે પ્લેન હવામાં જતા તેઓ નીચે લોકોના ધાબા પર પટકાયા હતા. આ ઘટનાને લઈને લોકોમાં હવે વધારે ભયનો માહોલ ફેલાઈ ગયો છે.
