હેલ્થ કેર / શરૂઆતમાં શરીરના આ ભાગમાં દુખાવો ઉપડે, તો સમજી લેવું પથરી નક્કી, જાણો લક્ષણ

• મૂત્રાશય (બ્લેડર) મૂત્રપથનો મહત્ત્વપૂર્ણ ભાગ છે
• પથરી હોય તો શરીરમાં આ પ્રકારના લક્ષણો જોવા મળે છે
• આ લક્ષણો જોવા મળે તો તાત્કાલિક ડોકટરનો સંપર્ક કરવો

કિડની, મૂત્રવાહિની અને મૂત્રાશય (બ્લેડર) મૂત્રપથનો મહત્ત્વપૂર્ણ ભાગ છે. પાણી અને શરીરના અન્ય કચરાથી કિડની મૂત્ર બનાવે છે. ત્યારપછી આ મૂત્ર મૂત્રાશયમાં બહાર નીકળીને જમા થાય છે અને મૂત્રમાર્ગથી બહાર નીકળી જાય છે. શરીરમાં પાણીની કમી થાય તો મૂત્ર યૂરિક એસિડ વધવાને કારણે ઘટ્ટ થઈ જાય છે. ત્યારપછી તે ખનિજ પથરી બની જાય છે, જેના કારણે શરીરમાં આ લક્ષણો જોવા મળે છે. 

પથરીના લક્ષણ
કિડનીમાં પથરી બને છે, તો પથરી કિડનીમાંથી મૂત્રવાહિનીમાં જતી રહે છે. જો કોઈ પથરી કિડનીમાંથી નીકળીને મૂત્રવાહિનીમાં ફસાઈ જાય તો તેને મૂત્રવાહિની પથરી કહેવામાં આવે છે. જેના કારણે મૂત્રનો નિકાલ થઈ શકતો નથી અને કિડની પર પ્રેશર થવા લાગે છે. આ પ્રેશરને કારણે નસ એક્ટિવ થાય છે, દુખાવાના સંકેતને બ્રેઈન સુધી પહોંચાડે છે. પાંસળીઓની નીચે, બાજુ અને પીઠમાં દુખાવો થઈ શકે છે. 

શરૂઆતમાં ક્યાં દુખાવો થાય છે?

• કિડની પથરીનો દુખાવો આકસ્મિક થવા લાગે છે. પથરી હલે તથા તીવ્રતા વધી જાય ત્યારે પથરીનો દુખાવો થાય છે. 
• પથરી મૂત્રમાર્ગથી નીચે આવી જાય તો કમરમાં દુખાવો થાય છે. 
• પેટમાં દુખાવો થાય છે. 
• પથરી મૂત્રવાહિની અને મૂત્રાશયના વચ્ચેના જંક્શન પર પહોંચી જાય તો પેશાબ કરતા સમયે દુખાવો થાય છે. 
• વારંવાર UTI થઈ શકે છે. 
• ઉબકા આવે છે
• કિડનીમાં રહેલ પથરીને કારણે નસ પર અસર થાય છે, જેના કારણે પેટ ખરાબ થઈ શકે છે. 

શરીરમાં આ પ્રકારના લક્ષણો જોવા મળે તો તાત્કાલિક ડોકટરનો સંપર્ક કરીને તેમની સલાહ લેવી અને ઈલાજ કરાવવો. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)