કળિયુગની અસર / ગજબ : પોતાની પત્ની સાથે સુઈને આ શખ્સે શું ભૂલ કરી તેમાં થઈ 2 વર્ષની સજા, ન બને તેવું બન્યું

• અમેરિકાના નેબ્રાસ્કાનો હેરાનીભર્યો કિસ્સો
• શખ્સે કર્યાં હતા પોતાની પુત્રી સાથે લગ્ન
• લગ્નથી બાળકો પણ થયા 

અમેરિકાના નેબ્રાસ્કામાં અજીબ કહી શકાય તેવો એક કિસ્સો બન્યો છે. નામરજીમાં બીજા પત્ની સાથે ફિઝિકલ રિલેશન બાંધ્યાં હોય તો સજા થઈ શકે પરંતુ આ કિસ્સામાં તો પોતાની પત્ની સાથે સંબંધ બાંધવા બદલ એક શખ્સને 2 વર્ષ જેલની હવા ખાવાનો વારો આવ્યો. 40 વર્ષીય આ વ્યક્તિનું નામ ટ્રેવિસ ફિલ્ડગ્રોવ છે અને તેની પત્નીનું સામંથા કેર્શનર છે. આ કપલે 21 ઓક્ટોબરના રોજ નેબ્રાસ્કાના હેસ્ટિંગ્સમાં લગ્ન કર્યા હતા. હવે તમે વિચારતા હશો કે પોતાની પત્ની સાથે સેક્સ માણવા બદલ પુરુષને કેમ સજા કરવામાં આવી. 

પત્ની સાથે સેક્સ માણવા બદલ પુરુષને કેમ સજા કરાઈ 
જે છોકરી સાથે તે માણસે લગ્ન કર્યા છે તે તેની અસલી દીકરી છે. સામંથા ટ્રેવિસ ફિલ્ડગ્રોવની પત્ની અને પુત્રી બંને છે. બંનેએ કબૂલાત કરી છે કે તેમની વચ્ચે રોમેન્ટિક અને શારીરિક બંને પ્રકારના સંબંધો હતા. સામંથાએ પોલીસને જણાવ્યું હતું કે ત્રણ વર્ષ પહેલા તેણે તેની માતાને પૂછ્યું હતું કે તેના પિતા કોણ છે. તે પોતાના પિતાને મળવા માંગતી હતી. વારંવાર પૂછપરછ કરતાં માતાએ પિતાની ઓળખ જાહેર કરી હતી અને જણાવ્યું હતું કે, તેના પિતા ફિલ્ડગ્રોવ છે. ફિલ્ડગ્રોવ વિશે જાણ્યા બાદ સામંથા 3 વર્ષ સુધી પિતા સાથે દીકરીની જેમ રહી હતી. ધીરે ધીરે તેમની વચ્ચેના સંબંધો બદલાવા લાગ્યા અને સેક્સ માણવાની હદ સુધી પહોંચી ગયા. આ વાતનો ખુલાસો ત્યારે થયો જ્યારે ડીએનએ ટેસ્ટમાં બંનેના અસલી સંબંધો પિતા-પુત્રી હોવાનું સામે આવ્યું હતું. 

પિતા સાથે પહેલા કોણ સુશે તેવી શરત લાગી 
ફિલ્ડગ્રોવ અને સામંથા બંનેએ કબૂલ્યું હતું કે તેમણે વ્યભિચાર કર્યો હતો અને પિતા-પુત્રીના પવિત્ર સંબંધોનું અપમાન કર્યું હતું. આ બંનેનો બચાવ કરી રહેલા વકીલ જેફ લોફલરે જણાવ્યું હતું કે, ફિલ્ડગ્રોવને હવે પસ્તાવો થયો છે. સામંથાએ આ કેસની તપાસ કરનાર પોલીસને એમ પણ કહ્યું હતું કે, તેની સાવકી બહેન સાથે તેની સ્પર્ધા છે કે તેના પિતા સાથે કોણ પહેલા સુશે.