હવામાન અપડેટ / મહારાષ્ટ્રમાં ભારે વરસાદની ચેતવણી, પુણેમાં રેડ એલર્ટ તો મુંબઈમાં ઓરેન્જ એલર્ટ જાહેર

Maharashtra Rain : દેશની આર્થિક રાજધાની ગણાતી મુંબઈમાં મેઘમહેર વચ્ચે આજે પણ ભારે વરસાદની આગાહી કરવામાં આવી છે. વાસ્તવમાં ભારતીય હવામાન વિભાગે મહારાષ્ટ્રના ઘણા વિસ્તારોમાં રવિવાર સુધી ભારે વરસાદને લઈને ચેતવણી જાહેર કરી છે. હવામાન વિભાગના જણાવ્યા અનુસાર મહારાષ્ટ્રના પાલઘર, પુણે અને સતારા જિલ્લાના સંબંધમાં 4 ઓગસ્ટ માટે 'રેડ એલર્ટ' જાહેર કરવામાં આવ્યું છે. આ સાથે થાણે, મુંબઈ, રાયગઢ, સિંધુદુર્ગ અને નાસિકમાં ભારે વરસાદની સંભાવના સાથે 'ઓરેન્જ એલર્ટ' જાહેર કરવામાં આવ્યું છે.

હવામાન વિભાગે આગાહીમાં જણાવ્યું છે કે, પાલઘરમાં કેટલીક જગ્યાએ ભારેથી અતિભારે વરસાદ પડી શકે છે અને કેટલીક જગ્યાએ અતિ ભારે વરસાદ પડી શકે છે. છેલ્લા કેટલાક દિવસોથી સતત વરસાદ હોવા છતાં પુણે અને સાતારાના દરિયાકાંઠાના વિસ્તારોમાં છૂટાછવાયા સ્થળોએ અત્યંત ભારે વરસાદની સંભાવના છે. આ સાથે મેદાની વિસ્તારોમાં પણ હળવો વરસાદ પડી શકે છે.

હિમાચલમાં 7 ઓગસ્ટ સુધી ભારે વરસાદની ચેતવણી

વાદળ ફાટવા અને ભારે વરસાદને કારણે હિમાચલ પ્રદેશમાં અચાનક પૂર અને ભૂસ્ખલન થયું છે જેના કારણે 114 રસ્તાઓ બંધ થઈ ગયા છે. હવામાન વિભાગે ચેતવણી આપી છે કે, રાજ્યમાં 7 ઓગસ્ટ સુધી ભારે વરસાદ ચાલુ રહેશે. સ્ટેટ ઇમરજન્સી ઑપરેશન સેન્ટર અનુસાર ટ્રાફિક માટે બંધ કરાયેલા રસ્તાઓમાંથી 36 મંડીમાં, 34 કુલ્લુમાં, 27 શિમલામાં, આઠ લાહૌલ અને સ્પીતિમાં, સાત કાંગડામાં અને બે કિન્નૌર જિલ્લામાં છે. શનિવારે રાજ્યના ઘણા ભાગોમાં મધ્યમથી ભારે વરસાદ થયો હતો. શુક્રવાર સાંજથી જોગીન્દરનગરમાં સૌથી વધુ 85 મીમી, ગોહર 80 મીમી, શિલારુ 76.4 મીમી, પાઓંટા સાહિબ 67.2 મીમી, પાલમપુર 57.2 મીમી, ધર્મશાલા 56.2 મીમી અને ચૌપાલ 52 મીમી વરસાદ નોંધાયો છે. સ્થાનિક હવામાન કચેરીએ હિમાચલમાં 7 ઓગસ્ટ સુધી ભારે વરસાદનું યલો એલર્ટ જાહેર કર્યું છે.

વધુ વાંચો : સુરત સહિતના ચાર જીલ્લામાં અતિભારેની આગાહી, રેડ એલર્ટ જાહેર, જુઓ તમારા વિસ્તારમાં કેવો વરસાદ

27 જૂનથી 1 ઓગસ્ટની વચ્ચે 77 લોકોએ જીવ ગુમાવ્યા

અધિકારીઓના જણાવ્યા અનુસાર 27 જૂનથી 1 ઓગસ્ટ વચ્ચે વરસાદની ઘટનાઓમાં 77 લોકોએ જીવ ગુમાવ્યા હતા અને 655 કરોડ રૂપિયાનું નુકસાન થયું હતું. કુલ્લુના નિર્મંદ, સાંજ અને મલાના, મંડીના પધાર અને શિમલાના રામપુર સબડિવિઝનમાં 31 જુલાઈની રાત્રે વાદળ ફાટવાની અનેક ઘટનાઓને કારણે આવેલા પૂરમાં ઓછામાં ઓછા આઠ લોકોના મોત થયા હતા. વાદળ ફાટ્યા પછી ગુમ થયેલા 45 લોકોની શોધ શનિવારે પણ ચાલુ રહી હતી.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ