World Cup 2023 / વર્લ્ડકપ ફાઇનલ મેચ પહેલા વિરાટ કોહલીએ મિસ કર્યા 2 પ્રેક્ટિસ સેશન, જાણો શું હતું કારણ

• આજે ભારત અને ઓસ્ટ્રેલિયા વચ્ચે ફાઈનલ મુકાબલો
• વિરાટએ સતત બીજા દિવસે ઓપ્શનલ નેટ સેશનમાં ભાગ ન લીધો
• નેટ પ્રેક્ટિસ સેશનમાં ભાગ ન લેવાથી ચાહકો નારાજ

ક્રિકેટ ચાહકો રાહ જોવાની ઘડી પૂરી થઈ ગઈ છે. વર્લ્ડ કપ 2023ની ફાઇનલ મેચ આજે ભારત અને ઓસ્ટ્રેલિયા વચ્ચે નરેન્દ્ર મોદી સ્ટેડિયમમાં રમાશે. ઐતિહાસિક મેચ પહેલા મોટા સમાચાર સામે આવ્યા છે. કહેવામાં આવી રહ્યું છે કે ભારતીય ટીમના સ્ટાર બેટ્સમેન વિરાટ કોહલીએ સતત બીજા દિવસે ઓપ્શનલ નેટ સેશનમાં ભાગ લીધો નથી.

Virat Kohli turned it up on the big stage, recording the most runs by a player in a @cricketworldcup campaign 👑

Will you vote for him in the fans' Player of the Tournament?

👉 https://t.co/o5AWAYJG6m#CWC23 pic.twitter.com/WefewPZt3O

— ICC (@ICC) November 18, 2023

કોહલીએ નેટ પ્રેક્ટિસ છોડી !
કોહલીના નેટ પ્રેક્ટિસ સેશનમાં ભાગ ન લેવાથી ચાહકો નારાજ છે. લોકો ચિંતિત છે કે તે સંપૂર્ણ રીતે ફિટ છે કે નહીં. ન્યૂઝીલેન્ડ સામે રમાયેલી સેમિફાઇનલ મેચમાં તેણે બેટિંગ દરમિયાન ક્રેપની ફરિયાદ કરી હતી. જોકે, અત્યારે તેણે મહત્વપૂર્ણ મેચ પહેલા પ્રેક્ટિસ સેશનમાં ભાગ લીધો નથી. કોહલીએ નેટ પ્રેક્ટિસ છોડી દીધી હોય તેવું ભાગ્યે જ જોવા મળ્યું છે.

કોહલી સંપૂર્ણપણે ફિટ
હવે સવાલ એ થાય છે કે તે ફાઈનલ મેચમાં ભાગ લેશે કે નહીં? તો અમે તમને જણાવી દઈએ કે કિંગ કોહલી સંપૂર્ણપણે ફિટ છે. ફાઈનલની મેચ પહેલા તેને ફ્રેશ રાખવા માટે મેનેજમેન્ટ દ્વારા આ નિર્ણય લેવામાં આવ્યો છે.

સેમી ફાઈનલ મેચમાં વિરાટ કોહલી શાનદાર રમ્યો હતો
15 નવેમ્બરે ભારત અને ન્યુઝીલેન્ડ વચ્ચે રમાયેલી સેમી ફાઈનલ મેચમાં વિરાટ કોહલી જોરદાર રમ્યો હતો. તેણે બ્લુ ટીમ માટે ત્રીજા નંબર પર બેટિંગ કરતા કુલ 113 બોલનો સામનો કર્યો હતો. જેમાં 103.54ની સ્ટ્રાઈક રેટથી 117 રન બનાવવામાં સફળ રહ્યો હતો. આ દરમિયાન તેના બેટમાંથી નવ ચોગ્ગા અને બે શાનદાર છગ્ગા જોવા મળ્યા હતા.