VIDEO / ક્લાસરુમમાં બાળકી ઝોકું ખાતા ખાતા પડી ગઇ..પછી થયું એવું કે તમે પણ હસવાનું નહી રોકી શકો

• નાની બાળકીનો વીડિયો થયો વાયરલ
• ક્લાસરુમમાં બેઠેલી બાળકીને આવ્યા ઝોંકા
• ઝોંકા ખાતા ખાતા પડી તો હસવા લાગી 

બાળકોને ભગવાનનુ રુપ માનવામાં આવે છે.  નાના બાળકો એટલા ક્યૂટ હોય છેને કે ન પૂછો વાત.  કાલી ઘેલી ભાષામાં વાત કરે, તેઓનું વર્તન ભલે ગુસ્સો અપાવનારુ હોય પરંતુ બાળકને જોઇને તો હેત જ ઉભરાઇ આવે . સોશિયલ મીડિયા પર નાના બાળકોના વીડિયો ઘણા વાયરલ થાય છે જે જોઇને આપણને આપણુ બાળપણ યાદ આવી જાય. હવે આવો જ એક વીડિયો સોશિયલ મીડિયા પર વાયરલ થઈ રહ્યો છે. જેમાં એક નાની છોકરીને ક્લાસરુમમાં બેઠેલી સુઇ રહી છે. વીડિયો એટલો ક્યૂટ છે કે તે દરેકના દિલ જીતી રહ્યો છે. 

ને બાળકી ખડખડાટ હસી પડી

વાયરલ થયેલો એક વીડિયો IAS ઓફિસર અવનીશ શરણે ટ્વિટર પર શેર કર્યો છે. વીડિયોની સાથે તેણે બાળપણની એક સુંદર વાત પણ કહી છે. વીડિયોમાં તમે જોઈ શકો છો કે ક્લાસરુમમાં નાના બાળકો જમીન પર લાઈનમાં બેઠા છે. વચ્ચે એક નાની બાળકી પણ બેઠી છે  જે રીતસરના ઝોંકા ખાઇ રહી છે.  આ બાળકીને જાણે કે ભર ઉંઘમાંથી શાળાએ મોકલી દીધી હોય તેમ બેઠા બેઠા ઝોંકા ખાય છે. એકવાર તો ઝોંકુ એવું આવે છે કે બાળકી બેઠા બેઠા પડી જાય છે. આ વાતનુ ભાન જ્યારે તેને થાય છે તો તે ખડખડાટ હસવા લાગે છે.

“Childhood is the best of all the seasons of life.” pic.twitter.com/k1Ijb2xeFg

— Awanish Sharan (@AwanishSharan) April 7, 2022

સોશિયલ મીડિયામાં વાયરલ થયો વીડિયો

બાળકીનો આ વીડિયો જોવામાં ખૂબ જ ક્યૂટ છે. આ વીડિયોએ લોકોના દિલ જીતી લીધા છે. લોકો આ વીડિયો પર ઘણી કોમેન્ટ કરી રહ્યા છે. એક યુઝરે લખ્યું- નિર્દોષતા છુપાવી શકાતી નથી. અન્ય એક યુઝરે લખ્યું- અમે પણ બાળપણમાં આવી રીતે સૂતા હતા.