વાસ્તુ ટિપ્સ / જો ઘરમાં બનાવી રહ્યાં છો મંદિર, તો વાસ્તુના આ નિયમોને ખાસ ધ્યાનમાં રાખજો, નહીં તો વધી જશે મુશ્કેલી

• ઘરમાં મંદિરને સૌથી શ્રેષ્ઠ સ્થાન માનવામાં આવે છે
• દરરોજનું કામ પતાવીને ભગવાનના દર્શન કરવામાં આવે છે
• પૂજા ઘરનો રંગ સૌમ્ય અને મનને શાંતિ પ્રદાન કરતો હોવો જોઈએ

ઘરમાં મંદિરને સૌથી શ્રેષ્ઠ સ્થાન માનવામાં આવે છે. સવારે દરરોજનું કામ પતાવીને ભગવાનના દર્શન કરવામાં આવે છે. આ કારણોસર પૂજા ઘરનો રંગ યોગ્ય હોવો જરૂરી છે, નહીંતર ઘરમાં નકારાત્મક ઊર્જાનો સંચાર થાય છે અને ભક્તિમાં મન પરોવાતુ નથી. પૂજા ઘરનો રંગ સૌમ્ય અને મનને શાંતિ પ્રદાન કરતો હોવો જોઈએ. જેથી પૂજા ઘરની દીવાલ પર આછો પીળો અથવા કોફી કલર કરાવવો જોઈએ. જમીન પર આછા પીળા રંગની અથવા સફેદ કલરની ટાઈલ્સ હોવી જોઈએ. 

મંદિર સાથે જોડાયેલ આ બાબતોનું રાખો ખાસ ધ્યાન

• વાસ્તુ શાસ્ત્ર અનુસાર મંદિરનું નિર્માણ ઈશાન ખૂણામાં (પૂર્વ-ઉત્તર વચ્ચેની દિશા) હોવું જોઈએ. આ દિશામાં મંદિર બનાવતા સમયે ખાસ ધ્યાન રાખવું જોઈએ કે, પૂજાસ્થળ નીચે પત્થરનો સ્લેબ ના હોવો જોઈએ, નહીંતર તમે દેવાના બોજ હેઠળ દબાઈ શકો છો. 
• પત્થરની જગ્યાએ લાકડીનો સ્લેબ અથવા અલગથી લાકડાનું આખુ મંદિર બનાવી શકો છો. આ મંદિર દીવાલને અડીને ના રાખવું જોઈએ, દીવાલથી થોડુ દૂર હોવું જોઈએ. ઉત્તર-પૂર્વ દિશામાં લાકડાનું મંદિર બનાવી રહ્યા છો, તો મંદિર નીચે ગોળ પાયા હોવા જોઈએ. 

ડાઈનિંગ રૂમ માટે આ રંગ શુભ રહેશે

• વાસ્તુ શાસ્ત્ર અનુસાર ડાઈનિંગ રૂમમાં એવા રંગનો ઉપયોગ કરવો જોઈએ, જેથી ઘરના તમામ સભ્યો એકબીજા સાથે રહે. અનેક વાર ભોજન કરવા દરમિયાન મહત્ત્વપૂર્ણ નિયમ લેવામાં આવે છે. તે સમયે તમામ લોકો સાથે હોય છે, આ ડાઈનિંગ રૂમમાં કલર યોગ્ય હોય તે જરૂરી છે. 
• વાસ્તુ શાસ્ત્ર અનુસાર ડાઈનિંગ રૂમમાં આછો લીલો, ગુલાબી, આસમાની, નારંગી, ક્રીમ અથવા આછા પીળો કલર કરવો જોઈએ. આછા રંગ જોઈને મનમાં આનંદ રહે છે. ડાઈનિંગ રૂમમાં કાળો કલર ભૂલથી પણ ના કરાવવો જોઈએ.