વાસ્તુ ટિપ્સ / ચોરી કરીને લગાવી રહ્યાં છો મની પ્લાન્ટ? તો ચેતી જજો, ન કરતા આ 5 ભૂલ, નહીં તો બની જશો કંગાળ

• મની પ્લાન્ટને ખૂબ જ શુભ માનવામાં આવે છે
• મની પ્લાન્ટ સાથે જોડાયેલ કેટલાક નિયમોનું પાલન કરવું જરૂરી છે
• નહીંતર થઈ શકે છે ખૂબ જ ભારે નુકસાન

વાસ્તુ શાસ્ત્રમાં મની પ્લાન્ટને ખૂબ જ શુભ માનવામાં આવે છે. માનવામાં આવે છે કે, જે ઘરમાં હંમેશા મની પ્લાન્ટ હોય ત્યાં ક્યારેય ધન ખૂટતુ નથી અને લક્ષ્મી માતાની વિશેષ કૃપા રહે છે. મની પ્લાન્ટ સાથે જોડાયેલ કેટલાક નિયમોનું પાલન કરવામાં ના આવે તો ભારે નુકસાન થઈ શકે છે, જે અંગે અહીંયા જણાવવામાં આવ્યું છે. 

ચોરી કરેલ મની પ્લાન્ટ લગાવવો જોઈએ કે નહીં? 
ચોરી કરેલ મની પ્લાન્ટ લગાવવામાં આવે તો તેને શુભ માનવામાં નથી આવતું. મની પ્લાન્ટ ખરીદીને જ લગાવવો જોઈએ. કહેવામાં આવે છે કે, આ પ્લાન્ટ ચોરી કરીને લગાવવામાં આવે તો આર્થિક પરિસ્થિતિ ખરાબ થાય છે. 

આ 5 ભૂલ ક્યારેય ના કરવી
આ દિશામાં છોડ ના લગાવવો
વાસ્તુ અનુસાર મની પ્લાન્ટ હંમેશા યોગ્ય દિશામાં લગાવવો જોઈએ. કહેવામાં આવે છે કે, આ છોડ ઉત્તર-પૂર્વ દિશામાં ના લગાવવો જોઈએ, નહીંતર આર્થિક સંકળામણનો સામનો કરવો પડે છે. ઉપરાંત ઘરમાં નકારાત્મકતા આવે છે. મની પ્લાન્ટ હંમેશા દક્ષિણ-પૂર્વ દિશામાં લગાવવો જોઈએ, જેથી ઘરમાં બરકત આવે છે. 

મની પ્લાન્ટની વેલ જમીનને ના અડવી જોઈએ
મની પ્લાન્ટ ખૂબ જ ઝડપથી વધે છે, તેની વેલ જમીનને અડવી જોઈએ. કોઈ લાકડીના સહારે ઉપર વધવા દેવી જોઈએ. મની પ્લાન્ટનો સંબંધ લક્ષ્મી માતા સાથે હોય છે. આ વેલ જમીનને અડે તો લક્ષ્મી માતાનું અપમાન થાય છે. 

મની પ્લાન્ટ સૂકાવો ના જોઈએ
વાસ્તુ અનુસાર મની પ્લાન્ટ સૂકાવા ના દેવો જોઈએ, નહીંતર તે દુર્ભાગ્યનું પ્રતિક માનવામાં આવે છે. જે ઘરમાં મની પ્લાન્ટ સૂકાઈ જાય તે ઘરની પ્રગતિ થતી નથી અને ઘરમાં ગરીબી આવે છે. આ કારણોસર આ છોડ સૂકાવા ના દેવો જોઈએ. આ છોડની નિયમિતરૂપે દેખભાળ કરતા રહેવી જોઈએ. 

મની પ્લાન્ટ ઘરની બહાર ના રાખવો
વાસ્તુ અનુસાર મની પ્લાન્ટ ઘરમાં જ રાખવો જોઈએ. આ છોડ ઘરની બહાર રાખવો તે અશુભ માનવામાં આવે છે, નહીંતર આર્થિક તંગીનો સામનો કરવો પડી શકે છે. 

અન્ય વ્યક્તિને મની પ્લાન્ટ ના આપવો
વાસ્તુ અનુસાર અન્ય વ્યક્તિને મની પ્લાન્ટ ના આપવો જોઈએ. આ પ્રકારે કરવાથી ઘરની બરકત જતી રહેવાની માન્યતા છે.