આસ્થા / આજના દિવસે મા સરસ્વતીના આ મંત્રોના જાપથી વધે છે બાળકોની સ્મરણશક્તિ, બસ ધ્યાનમાં રાખજો આ બાબતો

• આજે છે વસંત પંચમી 
• માતા સરસ્વતીની આ મંત્રોથી કરો પૂજા 
• સમય પલટતા નહીં લાગે વાર 

હિંદૂ ધર્મમાં માતા સરસ્વતીને વિદ્યા, જ્ઞાન, વાણી, વિવેક, કળા અને સંગીતની દેવીના રૂપમાં પૂજવામાં આવે છે. આજે 14 ફેબ્રુઆરી 2024એ વસંત પંચમીનો પર્વ ઉજવવામાં આવશે. પૌરાણિક માન્યતા અનુસાર આજે જના દિવસે માતા સરસ્વતીનો જન્મ થયો હતો. જેમનું નામ શારદા પણ છે. 

એવામાં જે લોકો બુદ્ધિ-વિદ્યા અને જ્ઞાનને પ્રાપ્ત કરવા માંગે છે અને જેમને જીવનમાં અપાર સફળતા જોઈએ છે. તેમના માટે વસંત પંચમીનો દિવસ સર્વશ્રેષ્ઠ છે. કારણ કે આજના દિવસે માતા સરસ્વતીની ખાસ પૂજા કરવામાં આવે છે. આ મંત્રોના જાપથી માતા સરસ્વતીની પૂજા કરો. 

માતા સરસ્વતીના ખાસ મંત્ર 
માતા સરસ્વતીના મૂળ મંત્ર
ॐ ऐं सरस्वत्यै ऐं नमः
પૂજા પદ્ધતિ અનુસાર આ મંત્રનો ખાસ વસંત પંચમીના દિવસે માતા સરસ્વતીની પૂજા વખતે જાપ કરવાથી જ્ઞાન, બુદ્ધિ અને સ્મૃતિ શક્તિમાં વૃદ્ધિ થાય છે. આ માતા શારદાનો સૌથી સરળ અને પ્રભાવશાળી મંત્ર છે. 

સરસ્વતી ગાયતી મંત્ર
ॐ वागदैव्यै च विद्महे कामराजाय धीमहि। तन्नो देवी प्रचोदयात्‌
દેવી સરસ્વતીનો આ ગાયત્રી મંત્ર સૌથી વધારે લાભકારી માનવામાં આવે છે. આ મંત્રનો જાપ કરવાથી દેવી સરસ્વતીનો આશીર્વાદ મળે છે અને તે પ્રસન્ન થઈને બુદ્ધિ, વિવેક અને જ્ઞાનની વૃદ્ધિનો આશીર્વાદ આપે છે. માન્યતા છે કે આ મંત્રનું વિધિ પૂર્વક જાપ કરવાથી દરેક ક્ષેત્રમાં વ્યક્તિને સફળતા મળે છે. 

સરસ્વતી બીજ મંત્ર
ॐ ह्रीं श्रीं सरस्वत्यै नमः। ॐ ऎं सरस्वत्यै ऎं नमः।। 
મનની શાંતિ અને એકાગ્રતા માટે દેવી સરસ્વતીના આ બીજ મંત્રનો જાપ કરવો જોઈએ. 

વધુ વાંચો: વસંત પંચમી પર મા સરસ્વતીને પ્રસન્ન કરવા અચૂક કરો આટલા કામ, નોટ કરી લો વિધિ અને મુહૂર્ત

સરસ્વતી સ્તુતિ 
या देवी सर्वभूतेषु विद्या रूपेण संस्थिता। नमस्तस्यै नमस्तस्यै नमस्तस्यै नमो नमः
વસંત પંચમીના દિવસે માતા સરસ્વતીની આ સ્તુતિ કરવાથી અપાર સુખ-સંપદા પ્રાપ્ત થાય છે. આ સ્તુતિનો પાઠ કરવાથી દેવીનો આશીર્વાદ મળે છે અને સમાજમાં માન-પ્રતિષ્ઠામાં વધારો થાય છે.