આક્ષેપ / વડોદરાના ધારાસભ્ય યોગેશ પટેલ શહેરમાં દબાણ મુદ્દે અધિકારીઓ પર થયા લાલઘૂમ, ભેળસેળિયા સામે કડક કાર્યવાહી ન થતી હોવાનો પણ આક્ષેપ

• વડોદરામાં VMCની સંકલન બેઠકમાં ધારાસભ્ય યોગેશ પટેલ લાલઘૂમ
• VMCના ધારાસભ્યના અધિકારીઓ પર ધારાસભ્યનો આક્ષેપ
• શહેરમાં દબાણ અને ભેળસેળ યુક્ત સામગ્રી મુદ્દે ધારાસભ્ય રોષે ભરાયા

વડોદરામાં VMC ની સંકલનની બેઠક મળી હતી. ત્યારે આ બેઠકમાં ધારાસભ્ય યોગેશ પટેલે અધિકારીઓ પર આક્ષેપ કરતા કહ્યું હતું કે, શહેરમાં દબાણ અને ભેળસેળ યુક્ત સામગ્રી મુદ્દે ધારાસભ્ય રોષે ભરાયા હતા. તેમજ દબાણ શાખાનાં મંગેશ જયસ્વાલ અને દબાણકારો વચ્ચે સાંઠગાંઠ હોવાનો આરોપ લગાવ્યો હતો. તેમજ મંગેશ જયસ્વાલની અન્ય જગ્યાએ મુકવાની ધારાસભ્યની બેઠકમાં માંગ કરી હતી. તેમજ શહેરમાં રો મટિરિયલ કરતા ઓછા ભાવે મસાલા વેચાતા હોવાનો પણ આક્ષેપ કરવામાં આવ્યો હતો. ભેળસેળિયા સામે પણ કડક કાર્યવાહી ન થતી હોવાનો પણ આક્ષેપ કર્યો હતો. તો મોટા તંબુ બાંધીને લોકો ટેક્સ ચોરી કરતા હોવાનો પણ આરોપ ધારાસભ્યએ લગાવ્યો હતો. 

ગોરવાની 7 સોસાયટીઓમાં દુષિત તેમજ ડહોળું પાણી આવે છેઃ કેયુર રોકડિયા (ધારાસભ્ય)
ધારાસભ્ય યોગેશ પટેલ બાદ ધારાસભ્ય કેયુર રોકડિયા પણ મેદાને ઉતર્યા હતા. સંકલનની બેઠકમાં પાણી અંગ ઉગ્ર રજૂઆત કરી હતી. ત્યારે દુષિત પાણીને લઈ ધારાસભ્ય કેયુર રોકડિયાએ રજૂઆત કરી હતી કે, ગોરવાની 7 સોસાયટીઓમાં દુષિત તેમજ ડહોળું પાણી આવે છે. કેયુર રોકડિયાએ ભેળસેળ યુક્ત ખાદ્ય પદાર્થને લઈ પણ રજૂઆત કરી હતી. આજે માથા પર લગાડનાર કંકુમાં પણ ભેળસેળ કરાય છે. મોઢું ધોઈએ ત્યારે કંકુ નીકળતું પણ નથી.  

ખોટી રીતે પરમિશન અને રજાચિઠ્ઠી લઇ બાંધકામ કરી દીધુંઃ કેયુર રોકડિયા (ધારાસભ્ય)
વધુમાં ધારાસભ્ય યોગેશ રોકડિયાએ મ્યુનિસિપલ કમિશ્નરને ભેળસેળ યુક્ત ખાદ્ય પદાર્થ બનાવતી ફેક્ટરીઓમાં ચેકિંગ કરવા રજૂઆત કરી હતી. અશાંતધારાને લઈને પણ કેયૂર રોકડિયાનું મોટું નિવેદન આપ્યું હતું કે, ફતેગંજ વિસ્તારમાં કેટલાક લોકોએ ખોટી રીતે પરમિશન અને રજાચિઠ્ઠી લઈ બાંધકામ કરી દીધું હતું. આવા લોકોની પરમિશન અને રજાચિઠ્ઠી રદ્દ કરવી જોઈએ તેવી રજૂઆત કરી હતી. 

દબાણ હટાવોની કામગીરીને સઘન કરાશે- દિલીપ રાણા (મ્યુનિસિપલ કમિશનર)
સંકલન બેઠક બાદ વડોદરા મ્યુની. કમિશ્નર દિલીપ રાણાએ નિવેદન આપ્યું હતું કે, ધારાસભ્યોએ વિવિધ મુદ્દાઓની રજૂઆત કરી હતી. તેમજ રોડ, પાણી, દબાણ, ખાદ્ય સામગ્રી સહિતનાં મુદ્દાઓ પર રજૂઆત કરી છે. તેમજ કોર્પોરેશન રોડ પરથી દબાણ ટહાવે છે. જે કાર્યવાહીને વધુ સઘન કરાશે.