Lok Sabha Election 2024 : લોકસભા ચૂંટણી પહેલા ફરી એકવાર મહારાષ્ટ્રનું રાજકારણ ગરમાયું છે. મહારાષ્ટ્રમાં લોકસભા ચૂંટણી 2024 પહેલા બંને ગઠબંધનમાં રાજકીય સંકટ જોવા મળી રહ્યું છે. એક તરફ મહા વિકાસ અઘાડી (MVA) અને બીજી બાજુ NDAના ઘટક પક્ષો એટલે કે શિંદે સેના, અજિત પવારની NCP અને BJP વચ્ચે સીટ વહેંચણીની ફોર્મ્યુલા નક્કી થઈ રહી નથી. આવી સ્થિતિમાં તણાવ એકબીજાની ટીકા અને નેતાઓ પર દબાણ વધી રહ્યું છે.
આ તરફ મંત્રણા આગળ ન વધી તો હવે આંતરિક વર્તુળના સાથીઓએ એકબીજાના પગ ખેંચવાનું શરૂ કરી દીધું છે. જ્યારે ઉદ્ધવ ઠાકરેની શિવસેનાએ મુંબઈ-ઉત્તર પશ્ચિમ લોકસભા બેઠક પરથી પોતાના ઉમેદવારની જાહેરાત કરી ત્યારે કોંગ્રેસના નેતા સંજય નિરુપમ ગુસ્સે થઈ ગયા. તેમણે કહ્યું કે, આ ગઠબંધન ધર્મનું ઉલ્લંઘન છે અથવા તો તેમની પાર્ટીને નબળી કરવાનો પ્રયાસ છે.
કોંગ્રેસ અને ઉદ્ધવ જૂથ વચ્ચે ખેંચતાણ
મહા વિકાસ અઘાડીના ઘટક પક્ષો - શિવસેના (UBT), NCP (શરદચંદ્ર પવાર) અને કોંગ્રેસ વચ્ચે બેઠકોની વહેંચણી અંગેની વાતચીત હજુ પણ ચાલી રહી છે. અહીં ઉદ્ધવ ઠાકરેએ અમોલ કીર્તિકરને મુંબઈ ઉત્તર-પશ્ચિમ લોકસભા બેઠક પરથી ઉમેદવાર જાહેર કર્યા છે. અમોલના પિતા અને આ બેઠક પરથી વર્તમાન સાંસદ ગજાનન કીર્તિકર મહારાષ્ટ્રના મુખ્યમંત્રી એકનાથ શિંદેની શિવસેનાના છે. નિરુપમ નાખુશ છે કારણ કે તેઓ 2019ની સામાન્ય ચૂંટણીમાં મુંબઈ-ઉત્તર પશ્ચિમ લોકસભા બેઠક પરથી ચૂંટણી હારી ગયા હતા. તેણે સોશિયલ મીડિયા પર લખ્યું કે, બે ડઝનથી વધુ મીટિંગ્સ હોવા છતાં MVAમાં સીટ શેરિંગ એગ્રીમેન્ટ હજી સુધી પહોંચી શક્યું નથી. નિરુપમે કહ્યું કે, કોંગ્રેસ નેતૃત્વએ આ મામલે હસ્તક્ષેપ કરવો જોઈએ.
CM શિંદે પર અલગ દબાણ
મહારાષ્ટ્રમાં ત્રણ પક્ષોની ગઠબંધન સરકાર ચલાવી રહેલા CM એકનાથ શિંદે પર દબાણ ઘણું વધી ગયું છે. ભાજપે એવી સાત બેઠકો પર દાવો કર્યો છે જેમાં શિવસેના (શિંદે)ના સાંસદો છે. શિંદે સેના તરફથી CM પર આમાંથી એક પણ સીટ ભાજપને ન આપવાનું દબાણ છે. રામટેક, યવતમાલ-વાશિમ, કોલ્હાપુરના સાંસદો CM પર દબાણ કરી રહ્યા છે કે, તેઓ તેમની સીટો ભાજપને બિલકુલ ન આપે. માત્ર ભાજપ જ નહીં અજિત પવારની NCP પણ કેટલીક બેઠકો પર દાવો કરી રહી છે જે શિંદે જૂથની કોર્ટમાં છે.
વધુ વાંચો: ચૂંટણી કમિશનરની નિયુક્તિ કેવી રીતે થાય છે? કોણ લગાવે છે અંતિમ મહોર? જાણો A to Z વિગત
અજિત પવાર માવલ અને પરભણી લોકસભા બેઠકો ઈચ્છે છે જ્યાં શિંદે હાલમાં સેનાના સાંસદ છે. આ રાજકીય સંકટને ધ્યાનમાં રાખીને સહયોગી નેતાઓ આજે દિલ્હીમાં ભાજપના ટોચના નેતૃત્વને મળવા જઈ રહ્યા છે. માનવામાં આવી રહ્યું છે કે, અહીં સીટ શેરિંગ ફાઈનલ થઈ શકે છે. અજિત પવારે કહ્યું છે કે, સોમવારે ત્રણેય પક્ષોના મંતવ્યો રજૂ કરવામાં આવશે અને સીટ શેરિંગ ડીલને અંતિમ સ્વરૂપ આપવામાં આવશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
