માન્યતા / ભારતનું એક એવું શિવાલય, જ્યાં ઊંધો સ્વસ્તિક દોરવાથી પૂર્ણ થાય છે તમામ મનોકામના, કારણ ચોંકાવનારું

• ગુજરાતી કેલેન્ડર અનુસાર શ્રાવણ 18 જુલાઈથી શરૂ થશે
• ઉજ્જૈનમાં શ્રી સૌભાગ્યેશ્વર મહાદેવનો મહિમા પણ અનોખો
• અહીં ઊંધું સ્વસ્તિક બનાવવામાં આવે છે 

હિંદૂ કેલેન્ડર અનુસાર શ્રાવણનો પવિત્ર મહિનો શરૂ થઈ ચુક્યો છે. ગુજરાતી કેલેન્ડર અનુસાર શ્રાવણ 18 જુલાઈથી શરૂ થશે. આ મહાદેવનો સૌથી પ્રિય મહિનો હોય છે. આ મહિનામાં શિવ મંદિરોમાં ભક્તોની ભીડ હોય છે. શિવ ભગવાનના મંદિરની વાત થાય એટલે ઉજ્જૈનનું મહાકાલેશ્વરનું મંદિર સૌથી પહેલા યાદ આવે. ધાર્મિક નગરી ઉજ્જૈનમાં 84 મહાદેવોમાં 61મું સ્થાન ધરાવતા શ્રી સૌભાગ્યેશ્વર મહાદેવનો મહિમા પણ અનોખો છે. 

કહેવાય છે કે સૌભાગ્યેશ્વર મહાદેવના દર્શન કરવાથી દરિદ્રતા દૂર થાય છે. પ્રિયજનો સાથે કોઈ ઝઘડો અને ગ્રહોના વિઘ્નો સમાપ્ત થાય છે અને સ્ત્રીઓનું સૌભાગ્ય રહે છે. આ મંદિર વિશે માહિતી આપતા અહીંના પૂજારી કહે છે કે મંદિરમાં ભગવાનનું શિવલિંગ રેતીનું બનેલું છે. આ દિવસોમાં, દરરોજ સેંકડો ભક્તો અહીંના મંદિરમાં દર્શન અને પૂજા માટે પહોંચી રહ્યા છે.

અહીં ઊંધું સ્વસ્તિક બનાવવામાં આવે છે 
 આ એક પ્રાચીન મંદિર છે. એવું કહેવાય છે કે જે ભક્તો મંદિરમાં પૂજા કરે છે તેઓ તેમની મનોકામના પૂર્ણ કરવા માટે ઊંધુ સ્વસ્તિક બનાવે છે. હજારો વર્ષોથી એવું માનવામાં આવે છે કે અહીં પૂજા કરવાથી ખાસ કરીને લગ્ન અને સંતાન થવામાં આવતી અડચણો દૂર થાય છે. તમામ પ્રકારની પરેશાનીઓ દૂર થાય છે. લોકો તેમની ઈચ્છાઓ પૂર્ણ થાય ત્યારે ફરી આવે છે અને પછી સીધું સ્વસ્તિક બનાવીને ભગવાનની પૂજા કરે છે.

સૌભાગ્યેશ્વર મહાદેવ મંદિરની લોકપ્રિય કથાઃ- 
એવું માનવામાં આવે છે કે ઘણા સમય પહેલા અશ્વહન નામના રાજાની પત્નીનું નામ મદનમંજરી હતું, રાજા અશ્વહન તેને પસંદ નહોતા કરતા. રાણીના સ્પર્શથી જ રાજાનું શરીર બળી જતું. રાજા ગુસ્સે થયો અને રાણીને જંગલમાં છોડી ગયો. ત્યાં રાણીએ પોતાની વ્યથા એક તપસ્વીને કહી. ત્યારે તપસ્વીએ કહ્યું કે તમે મહાકાલ વનમાં જાઓ અને ત્યાં સૌભાગ્યેશ્વર મહાદેવની પૂજા કરો. તમારા પૂર્વ ઈન્દ્રાણીએ પણ ઈન્દ્રને પૂજન કરીને મેળવ્યા હતા. રાણીના સૌભાગ્યેશ્વર મહાદેવના દર્શન કરીને જ રાજાને રાણી યાદ આવી અને રાજાએ જમદગ્નિ મુનિને રાણીનું સરનામું પૂછ્યું અને ઉજ્જૈન પહોંચી ગયા. રાણી પાછા ફર્યા પછી વ્રત નામના પુત્રનો જન્મ થયો. એવી પણ માન્યતા છે કે સૌભાગ્યેશ્વર મહાદેવના દર્શન કરવાથી ગ્રહ દોષ નથી થતા.