અમદાવાદ / હજુ બે દિવસ માવઠાનો માર, 8 તારીખથી આકરો તાપ સહન કરવાની તૈયારી રાખજો, હવામાન વિભાગની આગાહી

Vishal Khamar

Last Updated: 05:21 PM, 6 May 2023

FOLLOW ON

શેર કરો

રાજ્યમાં હવામાન વિભાગ દ્વારા હજુ બે દિવસ કમોસમી વરસાદની આગાહી કરી છે. બે દિવસ બાદ રાજ્યમાં તાપમાનનો પારો પણ ઉંચકાવવાની સંભાવના છે જેમાં અમદાવાદમાં તાપમાન 42 ડિગ્રી જવાની સંભાવના હવામાન વિભાગે વ્યક્ત કરી છે.

કમોસમી વરસાદને લઈ હવામાન વિભાગની આગાહી
આગામી 48 કલાક વરસાદની આગાહી
5 દિવસ બાદ ગરમીના પ્રમાણમાં થશે વધારો
3થી 5 ડિગ્રી તાપમાનમાં થશે વધારો

કમોસમી વરસાદને લઈને હવામાન વિભાગ દ્વારા આગાહી કરવામાં આવી છે. આગામી 48 કલાક વરસાદની આગાહી કરવામાં આવી છે. જેમાં જામનગર, અમરેલી, ભાવનગર, જૂનાગઢ, રાજકોટ, બોટાદ, કચ્છ, બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, અમદાવાદ, પંચમહાલ, દાહોદ અને મહીસાગરમાં વરસાદની આગાહી કરવામાં આવી છે. આવતીકાલે દાહોદ, તાપી, ડાંગ તેમજ રાજકોટ, અમરેલી, ભાવનગર અને બોટાદમાં વરસાદની આગાહી કરવામાં આવી છે. 5 દિવસ બાદ ગરમીના પ્રમાણમાં વધારો થશે. તેમજ 3 થી 5 ડિગ્રી તાપમાનમાં વધારો થશે. મોટાભાગના જીલ્લાઓમાં તાપમાન 40 ડિગ્રી ઉપર રહેશે. 9 મે થી અમદાવાદમાં યલો અલર્ટ આપવામાં આવ્યું છે. અમદાવાદનું તાપમાન 42 ડિગ્રી રહેવાની શક્યતા છે.

6 અને 7 તારીખે રાજ્યમાં છુટો છવાયો વરસાદ પડી શકે છેઃ હવામાન વિભાગ
આ બાબતે હવામાન વિભાગનાં વૈજ્ઞાનિક વીજીન લાલે જણાવ્યું હતું કે, 6 અને 7 તારીખ દરમ્યાન કમોસમી વરસાદની આગાહી કરવામાં આવી છે. જેમાં 7 તારીખે વરસાદનું પ્રમાણ ઓછું રહેશે. આજે સૌરાષ્ટ્ર તેમજ ઉત્તર ગુજરાતનાં ઘણા વિસ્તારોમાં વરસાદ પડવાની સંભાવનાં છે. 7 તારીખે રાજકોટ, અમરેલી, દાહોદ, ડાંગમાં વરસાદની સંભાવનાં છે. ત્યારે હવે આગામી દિવસોમાં તાપમાનમાં વધારો થવાની સંભાવનાં છે. ત્યારે અમદાવાદમાં હાલ તાપમાનનો પારો 39 ડીગ્રી છે. જે વધીને 41 થી 42 ડીગ્રી જઈ શકે છે.