અકસ્માત / મોટી દુર્ઘટના ટળીઃ ચલાલાથી ગ્રોપાલગ્રામ વચ્ચે ST બસનો અકસ્માત, બોડેલીમાં મિનિ બસ ઝાડ સાથે અથડાતા 10 મુસાફરને ઇજા

• રાજ્યમાં અકસ્માતના બે બનાવ
• છોટાઉદેપુરમાં મિની બસનો અકસ્માત,3ના મોત
• અમરેલીમાં એસટી બસ પલટી ખાઇ ગઇ 

સલામતી સવારી એસટી અમારી. આમ કહેવામાં તો આવે છે પરંતુ બેફામ વાહન ચાલકોને કારણે અકસ્માતના બનાવો પણ બને છે. ક્યારેક રોંગ સાઇડમાં આવતા તો ક્યારેક પૂરપાટ ઝડપે દોડતા વાહનોને કારણે અકસ્માત થાય છે.ત્યારે આજે રાજ્યમાં બે બસના અકસ્માત થયા હોવાનું સામે આવ્યું. જેમાં છોટાઉદેપુરમાં ખાનગી મીની બસ રસ્તા નીચે ઉતરી ગઇ જ્યારે અમરેલીમાં એસટી બસ પલટી ખાઇ ગઇ.

બોડેલી હાઇવે પર બસનો અકસ્માત 

છોટાઉદેપુરના બોડેલી હાઇવે પર ખાનગી બસનો અકસ્માત થયો હોવાનું સામે આવ્યું છે.  બસનું સ્ટિયરિંગ લોક થઇ જતા બસ રોડ નીચે ઉતરીને ઝાડ સાથે ટકરાઇ ગઇ.   મિની બસમાં 50 જેટલા લોકો સવાર હતા. જેમાંથી 10 થી વઘુ મુસાફરો ઇજાગ્રસ્ત થયા જ્યારે 3 લોકો ગંભીર રીતે ઘાયલ થયા છે.  જો કે બસચાલકને મહામહેનતે રેસક્યુ કરીને બહાર કાઢી લેવાયો હતો.  ઘટનાને પગલે મોટી સંખ્યામાં લોકો ભેગા થઇ ગયા હતા. લોકો બસને બહાર લાવવા પ્રયાસો કરતા જોવા મળ્યા હતા.  દોરડાથી બસ ખેંચી ખેંચીને બહાર કાઢવાની ફરજ પડી હતી. જો કે ભાર જહેમત બાદ સ્થાનિકોથી મદદથી બસ ચાલકને બહાર કાઢતા રાહતનો શ્વાસ લીધો હતો.. તો આ તરફ ઇજાગ્રસ્તોને સારવાર અર્થે નજીકની હોસ્પિટલ ખસેડવામાં આવ્યા હતા.

અમરેલીમાં ST બસે સ્ટિયરિંગ પર કાબૂ ગુમાવ્યો 

તો આ તરફ અમરેલીના ચલાલાથી ગોપાલગ્રામ વચ્ચે મોટી દુર્ઘટના થતા રહી ગઇ. ચલાલાથી ગોપાલગ્રામ વચ્ચે ST બસનો અકસ્માત થયો હતો. કારચાલકે સ્ટિયરિંગ પરથી કાબૂ ગુમાવતા બસ રોડ પરથી ઉતરી ગઇ હતી. ધારીના ડેપો મેનેજર સહિતના અધિકારીઓ ઘટના સ્થળે પહોંચ્યા હતા.  જો કે સદનસીબે કોઇને જાનહાનિ થઇ નથી. મુસાફરોને સાવચેતીથી એક બાદ એક બહાર કાઢવામાં આવ્યા હતા.