VIDEO / પેટ્રોલ પંપ નજીક Tiwana કંપનીમાં આગ, અનાજનો મોટો જથ્થો બળીને ખાખ!

અમદાવાદ જિલ્લાના બાવળા-બગોદરા રોડ પર આવેલી પશુઆહાર બનાવતી Tiwana કંપનીમાં ભીષણ આગ લાગવાની ઘટના સામે આવી છે. પેટ્રોલ પંપની બાજુમાં આવેલી કંપનીમાં આગ લાગતા આસપાસના વિસ્તારમાં અફરાતફરીનો માહોલ સર્જાયો હતો.

પ્રાથમિક વિગતો મુજબ, કંપની પતરાના શેડમાં કાર્યરત હોવાથી આગે જોતજોતામાં વિકરાળ સ્વરૂપ ધારણ કર્યું હતું અને સમગ્ર શેડમાં આગ ઝડપથી પ્રસરી ગઈ હતી. આગની લપેટમાં આવતા કંપનીમાં સંગ્રહિત વિવિધ પ્રકારના અનાજનો મોટો જથ્થો બળીને ખાખ થઈ ગયો હતો.

અમદાવાદના બાવળા-બગોદરા રોડ પર Tiwana કંપનીમાં ભીષણ *આ*ગ, અનાજનો મોટો જથ્થો બળીને ખાખ; 5 ફાયર ટીમો દોડી અમદાવાદના બાવળા-બગોદરા રોડ પર આવેલી પશુઓના ખોરાકનું ઉત્પાદન કરતી Tiwana કંપનીમાં ભીષણ *આ*ગની ઘટના બની છે. પેટ્રોલ પંપની બાજુમાં આવેલી કંપનીમાં *આ*ગ લાગતાં આસપાસના વિસ્તારમાં દોડધામ મચી ગઈ હતી. કંપની પતરાના શેડમાં બનાવવામાં આવી હોવાથી *આ*ગ ઝડપથી પ્રસરી હતી. આગને કારણે કંપનીમાં રાખવામાં આવેલો અલગ-અલગ અનાજનો મોટો જથ્થો બળીને ખાખ થઈ ગયો હતો. ઘટનાની જાણ થતાં બાવળા, ધોળકા, સાણંદ અને અમદાવાદ સહિતની પાંચ ફાયર ટીમો સ્થળ પર પહોંચી હતી અને આ*ગ પર કાબૂ મેળવવાની કામગીરી હાથ ધરી હતી. #Ahmedabad #Bavla #BagodaraRoad #Factory #VTVDigital

— VTV Gujarati News and Beyond (@VtvGujarati) November 8, 2026

ઘટનાની જાણ થતાં જ ફાયર વિભાગની ટીમો તાત્કાલિક ઘટનાસ્થળે દોડી આવી હતી. બાવળા, ધોળકા, સાણંદ અને અમદાવાદ સહિતના વિસ્તારોમાંથી કુલ પાંચ ફાયર ટીમોને આગ પર કાબૂ મેળવવા માટે કામે લગાડવામાં આવી હતી.

ફાયર વિભાગ દ્વારા યુદ્ધના ધોરણે આગ બુઝાવવાની કામગીરી હાથ ધરવામાં આવી હતી. પેટ્રોલ પંપની નજીક કંપનીમાં આગ લાગવાની ઘટના હોવાથી આગ વધુ ન પ્રસરે તે માટે પણ તકેદારી રાખવામાં આવી હતી.

આ પણ વાંચોઃ 'તમે સુપર પાવર નથી' હાઈકોર્ટે અમદાવાદ કલેક્ટરને પગારમાંથી 1 લાખ ચુકવવાનો ઓર્ડર કર્યો, શું મામલો?

આગ લાગવાનું ચોક્કસ કારણ અને નુકસાનનો અંદાજ તપાસ બાદ જ સામે આવશે. ઘટનાને પગલે વિસ્તારમાં ભારે દોડધામ જોવા મળી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ