શકયતા / આ વર્ષે PM મોદી કરશે પાકિસ્તાનની મદદ', ભારતીય ગુપ્તચર એજન્સીના પૂર્વ ચીફનો મોટો દાવો

• કંગાળ બનેલા પાકિસ્તાનને વડાપ્રધાન મોદી કરી શકે છે મદદ: પૂર્વ રો ચીફનો દાવો
• આર્થિક રીતે ભાંગી પડેલા પાકિસ્તાનને મદદની તાતી જરૂર 

કંગાળ બનેલા પાકિસ્તાનને વડાપ્રધાન નરેન્દ્ર મોદી મદદ કરી શકે છે. તેમ ભારતીય જાસૂસી સંસ્થા રિસર્ચ એન્ડ એનાલિસિસ વિંગ (RAW)ના પૂર્વ વડા અમરજીત સિંહ દુલતે દાવા સાથે કહ્યું છે. એવું માનવામાં આવે છે કે, RAW ચીફ તરીકેના કાર્યકાળ દરમિયાન, અમરજીત સિંહ દુલતે પાડોશી દેશમાં ઘણી ગુપ્તચર કામગીરી હાથ ધરી હતી. તેમણે આજે કોલકાતાના એક કાર્યક્રમમાં કહ્યું કે, મને લાગે છે કે, પ્રધાનમંત્રી નરેન્દ્ર મોદી આ વર્ષના અંતમાં રાજકીય અને આર્થિક સંકટ સામે ઝઝૂમી રહેલા પાકિસ્તાન તરફ શાંતિનો હાથ લંબાવશે અને પાડોશી દેશને મદદ કરી શકે છે. આ અંગે વાર્તા-મંત્રણા મામલે સ્પષ્ટતા પણ કરી કે, આ કોઈ સૂત્રો પાસેની માહિતી નથી મળી પરંતુ પોતાનું અનુમાન હોવાનું કહ્યું હતું.

અમરજીત સિંહ દુલતે ચેતવણી પણ આપી કે, ભારતનો મિત્ર દેશ અમેરિકા "ઘણો દૂર" છે. ઈરાન-રશિયા-ચીનનું શક્તિશાળી ગઠબંધન તૈયાર થઈ રહ્યું છે. હવે કોઈપણ સમય પાકિસ્તાન સાથે વાત કરવાનો શ્રેષ્ઠ સમય છે. આપણે આપણા પડોશીઓ સાથે સંપર્ક જાળવી રાખવાની જરૂર છે.  ભૂતકાળમાં, બે પડોશીઓ વચ્ચેની શાંતિ વાટાઘાટો ઘરેલું ધારણાઓને બંધક બનાવીને રહી છે અને પાકિસ્તાને ભારતને મોસ્ટ ફેવર્ડ નેશનનો દરજ્જો આપવાનો ઇન્કાર કર્યો છે, જ્યારે તેણે WTOના તમામ હસ્તાક્ષરકર્તાઓને તે પ્રદાન કરવું પડશે.

યુએસ દૂર છે, પડોશીઓ નજીક છે

દુલતે કહ્યું કે, વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચેની બેઠકો બાદ પણ ભારત અમેરિકાને સંબંધ મજબૂત રાખવામાં સફળ રહ્યું છે. તેમણે વધુમાં કહ્યું કે જ્યાં ચીનને લાગે છે કે ભારત તેને મદદરૂપ થવા માગે છે. તેમણે વધુમાં કહ્યું કે, તમે વલણ બદલો અને ટ્રમ્પનું સ્વાગત કરો, જે ચીનીઓને પસંદ નથી. તમામ પક્ષો સાથે સારા સંબંધો જાળવવા એ ભારતની પરંપરાનો એક ભાગ છે. પાડોશી દેશો સાથે સારા સંબંધોની જરૂરિયાત પર ભાર મૂકતા દુલતે કહ્યું, અમેરિકા સાથેના આપણા સંબંધોમાં સુધારો થયો છે, જે ખૂબ જ સકારાત્મક છે, પરંતુ યુએસ દૂર છે, આપણા પડોશીઓ નજીક છે.

પાકિસ્તાને દેવાળું ફૂંકયું છે

આ પહેલા પાકિસ્તાનના રક્ષા મંત્રીએ સ્વીકારતા કહ્યું હતું કે, પાકિસ્તાને દેવાળું ફૂંકયું છે. પાકિસ્તાન ઇન્ટરનેશનલ મોનેટરી ફંડ (IMC) પાસેથી નાણાં મેળવવા મજબુર બન્યું છે. વિશ્લેષકોનું માનીએ તો કટોકટી સંભાળવાની પાકિસ્તાનની જૂની પદ્ધતિ હવે કામ કરી રહી નથી અને તેથી તે ભારત સાથે શાંતિ અને વેપારની વાત કરવા માટે વધુ ખુલ્લું પડી શકે છે.