તમારા કામનું / પોસ્ટ ઓફિસની આ જોરદાર સ્કીમ! રોકાણ કરવાની સાથે દર મહિને ઊભી કરો 5000ની સાઇડ ઇન્કમ

• પોસ્ટ ઓફિસની આ બચત યોજનાથી કરો કમાણી 
• પોસ્ટ ઓફિસની આ સ્કીમમાં વ્યાજ દર વધારીને 6.7 ટકા કરવામાં આવ્યો
• દર મહિને કેટલી કમાણી કરી શકશો જાણો 

જો તમે પણ સુરક્ષિત અને નિશ્ચિત નફો કમાવવા માંગતા હોવ તો આ પોસ્ટ ઓફિસ સ્કીમ શ્રેષ્ઠ છે. પોસ્ટ ઓફિસ એમઆઈએસ MIS એક એવી બચત યોજના છે જેમાં તમે દર મહિને એકવાર રોકાણ કરીને વ્યાજના રૂપમાં તેનો લાભ લઈ શકાય છે. પોસ્ટ ઓફિસ સેવિંગ સ્કીમના ઘણા ફાયદા છે. જણાવી દઈએ કે તે 10 વર્ષથી વધુ ઉંમરના લોકોનું આ ખાતું ખોલી શકાય છે.  તમે તમારા બાળકોના નામ પર આ પોસ્ટ ઓફિસ માસિક આવક યોજના ખોલાવો છો તો તેની શાળાની ફી વિશે પણ ચિંતા કરવાની જરૂર રહેશે નહીં. તાજેતરમાં કેન્દ્ર સરકારે માસિક આવક સાથેની આ સ્કીમ પર વ્યાજ દરમાં વધારો કર્યો છે. 6.6 ટકાથી વધારીને 6.7 ટકા કરવામાં આવ્યો છે. આવી સ્થિતિમાં આ યોજના સાથે જોડાયેલા લોકોની આવકમાં વધારો થશે.

દર મહિને કેટલી કમાણી કરી શકશો 
આ પોસ્ટ ઓફિસ સ્કીમમાં વ્યાજ દર વધારીને 6.7 ટકા કરવામાં આવ્યો છે. તમે એક ખાતામાં વધુમાં વધુ રૂ. 4.5 લાખ અને સંયુક્ત ખાતામાં રૂ. 9 લાખ સુધીનું રોકાણ કરી શકો છો અને જો તમે સ્કીમમાં 9 લાખ રૂપિયા જમા કરાવ્યા છે તો વાર્ષિક 6.7 ટકાના દરે એક વર્ષ માટે કુલ વ્યાજ 60,300 રૂપિયા એટલે કે દર મહિને વ્યાજ લગભગ 5025 રૂપિયા થશે. જો તમે એક ખાતા દ્વારા 4,50,000 લાખ રૂપિયા જમા કરો છો, તો માસિક વ્યાજ 2513 રૂપિયા હશે.

ક્યાં અને કેવી રીતે ખોલાવવું ખાતું 
તમે આ ખાતું  કોઈપણ પોસ્ટ ઓફિસમાં ખોલાવી શકો છો.
આ અંતર્ગત ઓછામાં ઓછા 1000 રૂપિયા અને વધુમાં વધુ 4.5 લાખ રૂપિયા જમા કરાવી શકાય છે.
હાલમાં આ યોજના હેઠળ વ્યાજ દર 6.7 ટકા છે.
જો બાળકની ઉંમર 10 વર્ષથી વધુ છે, તો તમે તેના નામ પર આ ખાતું ખોલી શકો છો

આ માટે પોસ્ટ ઓફિસમાં બચત ખાતું હોવું જોઈએ અને 2 પાસપોર્ટ સાઇઝના ફોટોગ્રાફ, આધાર કાર્ડ, એડ્રેસ પ્રૂફ, વોટર આઈડી અથવા ડ્રાઇવિંગ લાયસન્સ જોઈએ. આ દસ્તાવેજો સાથે તમારે પોસ્ટ ઓફિસમાં જઈને POMISનું ફોર્મ ભરવાનું રહેશે આ સિવાય તમે ઓનલાઈન પણ ડાઉનલોડ કરી શકો છો. ફોર્મ ભરવાની સાથે નોમિનીનું નામ અને ખાતું ખોલવા માટે શરૂઆતમાં 1000 રૂપિયા જમા કરાવવાના રહેશે.