આયર્લેન્ડ / આ શું? પર્યાવરણ બચાવવાના નામે 2 લાખ ગાયોને મારવાની તૈયારીમાં આ દેશ, જાણીને એલોન મસ્કને પણ આવી ગયો ગુસ્સો

• આયર્લેન્ડમાં 200,000 ગાયોને મારી નાખવાની કથિત યોજના
• ટ્વિટરના માલિક એલન મસ્કે પણ આ અંગે ટીકા કરી 
• મસ્કે ટ્વીટ કર્યું, આ ખરેખર બંધ થવાની જરૂર 

આયર્લેન્ડમાં 200,000 ગાયોને મારી નાખવાની યોજના પર ઘણા આબોહવા કાર્યકરો ગુસ્સે છે. આ તરફ હવે એલન મસ્કે પણ આ અંગે ટીકા કરી છે. આ પશ્ચિમી દેશમાં કથિત રીતે પર્યાવરણના રક્ષણનું કારણ આપીને લગભગ 2 લાખ ગાયોને મારી નાખવાની યોજના છે. એક અહેવાલ અનુસાર આયર્લેન્ડ યુરોપિયન યુનિયનના આબોહવા લક્ષ્યોને પૂર્ણ કરવા માટે દેશમાં 200,000 ગાયોને મારવા પર વિચાર કરી રહ્યું છે.

આયર્લેન્ડમાં આ કથિત યોજનાની ટીકા થઈ રહી છે. વિશ્વના અબજોપતિ ટેસ્લા અને ટ્વિટરના માલિક એલન મસ્કે પણ તેને ખોટું ગણાવ્યું છે અને આ પ્રસ્તાવ પર પ્રતિબંધ મૂકવાની માંગ કરી છે. મસ્કે ટ્વીટ કર્યું, આ ખરેખર બંધ થવાની જરૂર છે. કારણ કે અમુક ગાયોને મારવાથી વાતાવરણમાં ફેરફારનો કોઈ વાંધો નથી.

'સરકાર ડેરી સેક્ટરને કરી રહી છે બરબાદ 
આઇરિશ ફાર્મર્સ યુનિયનના પ્રમુખ ટિમ ક્યુલિનને કહ્યું કે, આ પ્રકારના અહેવાલો માત્ર એ વિચારને બળ આપે છે કે, સરકાર અમારા ડેરી અને પશુધન ક્ષેત્રોને નબળી પાડવા માટે પડદા પાછળ કામ કરી રહી છે.

ટ્વિટરની ચર્ચામાં કુદી પડ્યા લોકો 
આબોહવા પરિવર્તન એ એક ગંભીર વૈશ્વિક મુદ્દો છે જેના પર તાત્કાલિક ધ્યાન આપવાની જરૂર છે, પરંતુ પશુઓને મારવાને બદલે પડકારનો સામનો કરવા માટે વૈકલ્પિક અભિગમ છે. એક યુઝરે ટ્વીટ કર્યું કે, ક્લાઈમેટ એક્ટિવિઝમના નામે પ્રાણીઓ અને માણસો બંનેના જીવનને ખતમ કરવું ખોટું છે. આનો જવાબ આપતા એલન મસ્કે ટ્વીટ કરીને કહ્યું કે તેને તાત્કાલિક રોકવાની જરૂર છે.

આયર્લેન્ડના કૃષિ વિભાગે શું કહ્યું ? 
વાયરલ મીડિયા અહેવાલો પર પ્રતિક્રિયા આપતા આયર્લેન્ડના કૃષિ વિભાગે જણાવ્યું હતું કે, દરખાસ્ત માત્ર એક "મોડેલિંગ દસ્તાવેજ" છે. પ્રવક્તાએ જણાવ્યું હતું કે, જે દસ્તાવેજ પર ચર્ચા કરવામાં આવી રહી છે તે પરામર્શ પ્રક્રિયાનો એક ભાગ હતો અને તે કૃષિ, ખાદ્ય અને દરિયાઈ વિભાગ દ્વારા ધ્યાનમાં લેવામાં આવતા કેટલાક મોડેલિંગ દસ્તાવેજોમાંનો એક છે. આ અંતિમ નિર્ણય નથી.