આ'પાર' આશરો / અફઘાનિસ્તાનમાં શાસન સ્થાપવાની તૈયારીમાં તાલિબાન, માનવતા માટે ભારત લઈ શકે છે આ મોટો નિર્ણય

ભારત આપી શકે છે અફઘાની નાગરિકને શરણ : સૂત્રો
તાલિબાન કાબુલથી માત્ર 50 કિલોમીટર દૂર
ભારતીયોને અમારાથી કોઈ ખતરો નથી : તાલિબાન

તાલિબાનના વધતાં આંતક વચ્ચે અફઘાનિસ્તાનથી મોટી સંખ્યામાં લોકો ભારત આવવા ઈચ્છી રહ્યા છે. સૂત્રો દ્વારા મળતી માહિતી મુજબ તાલિબાનની ખતરાને ઓળખી અફઘાની નાગરિકો ભારત આવવા વીઝા માંગી રહ્યા છે. છેલ્લા કેટલાક દિવસોથી વીઝા નિવેદનની અરજીમાં ધરખમ વધારો જોવા મળી રહ્યો છે.  અફઘાનિસ્તાનમાં તાલિબાન એક બાદ એક શહેરોને પોતાની બાનમાં લઈ રહ્યું છે કાબુલ સુધી પણ પહોંચવાની તૈયારી છે. ત્યારે ત્યાંથી બચીને ભારત આવતા અફઘાની નાગરિકો માટે ભારત સરકાર રહેમ નજર રાખી શકે છે. અને ગહન ચર્ચા વિચારણા કરી આ બાબતે સકારાત્મક અભિગમ દાખવી શકે છે.

 

સયુક્ત રાષ્ટ્ર સુરક્ષા પરિષદની બેઠક યોજાઇ શકે છે

મહત્વનું છે કે આ જ  અફઘાનિસ્તાનના રાષ્ટ્રપતિ અશરફ ગનીએ કહ્યું છે કે તાલિબાનનો મુકાબલો કોઈ પણ ભોગે કરવામાં આવશે,તાલિબાનને  અફઘાનિસ્તાનના બાકી હિસ્સાઓ પર બળજબરીથી કબજો કરવા દેવામાં આવશે નહીં. સયુક્ત રાષ્ટ્ર સુરક્ષા પરિષદના અધ્યક્ષને નાતે ભારતે તાલિબાન સામે કડક રૂખ અપનાવ્યો છે.આ સાથે જલ્દીથી અફઘાનિસ્તાનના નિવેદન પર સયુક્ત રાષ્ટ્ર સુરક્ષા પરિષદની એક વધૂ તાત્કાલિક બેઠક બોલાવવામાં આવી શકે છે. અફઘાનિસ્તાન ભારતનું મિત્ર દેશ રહ્યું છે અને આ સંકટના સમયે ભારત કોઈ પણ અફઘાની નગરિકનો સાથ છોડવા માંગતુ નથી. 

તાલિબાને શનિવારે કાબુલનાં દક્ષિણ પર આવેલા એક મોટા પ્રાંત પર કબજો કરી લીધો છે. અફઘાનિસ્તાનના મહત્વના શહેર મઝાર-એ-શરીફ પર તાલિબાને ચારેય તરફથી હુમલો શરૂ કરી દીધો છે. અફઘાનિસ્તાનમાંથી અમેરિકાની સંપૂર્ણ પરત ફરવાને લઈને ત્રણ અઠવાડિયા જેટલો જ સમય બાકી રહ્યો છે. આવામાં તાલિબાન ઉત્તર, પ્રશ્ચીમ અને દક્ષિણ અફઘાનિસ્તાનના મોટા ભાગના વિસ્તારો પર કબજો મેળવી લીધો છે. આ કારણે આશંકા વધી ગઈ છે કે તાલિબાન ફરી અફઘાનિસ્તાન પર કબજો મેળવી શકે છે.  નહીં તો અફઘાનિસ્તાનમાં ગૃહ યુધ્ધના ભણકારા વાગી રહ્યા છે.

ભારતીયોને અમારાથી કોઈ ખતરો નથી : તાલિબાન

ભારતને લઈ તેમણે કહ્યું કે, તાલિબાનના વિરૂદ્ધમાં અફઘાનની ધરતીનો ઉપયોગ કરવાની મંજૂરી નહી આપીએ. આ ઉપરાંત કહ્યું કે, અમે કોઈ પણ પાડોશી દેશને તાલિબાનીઓ વિરૂદ્ધ કાર્યવાહી કરવા માટે અફઘાનની ધરતીના ઉપયોગ કરવાની મંજૂરી નહી આપીએ. ભારતીય સૈન્યને અફઘાનિસ્તાનમાં આવતા પહેલા અન્ય દેશની સ્થિતિને જોઈ લેવી જોઈએ. સાથે જ તેમણે ગુરુદ્વારાને ટાર્ગેટ બનાવવા માટે કહ્યું કે, ગુરુદ્વારામાંથી ઝંડો અમે નહીં શિખ સમુદાય દ્વારા જ હટાવવામાં આવ્યો હતો અને જ્યારે અમારા સુરક્ષા અધિકારીઓ ત્યાં પહોંચ્યા ત્યારે શિખ સમુદાય દ્વારા ઝંડો હટાવવામાં આવ્યો હતો, ત્યારે અમારા અધિકારીઓએ ફરીથી ઝંડો ફરકાવવા દેવાનું આશ્વાસન પણ આપ્યું.

ભારતીય સેના આવશે તો...

તો આ સાથે જ તાલિબાનોના પ્રવક્તાએ આકરા શબ્દોમાં જણાવ્યું હતું કે, ભારત સૈન્ય રૂપે અફઘાનિસ્તાન આવશે કે તેમની હાજરી જોવા મળશે તો મને લાગે છે કે, આ તેમના માટે સારું નહીં રહે. તેમણે અફઘાનિસ્તાનમાં અન્ય દેશોના સેન્યની સ્થિતિ જોઈ છે માટે તેમના માટે એક ખુલ્લી કિતાબ છે. 

આતંકી સંગઠન તાલિબાન કાબુલથી માત્ર 15 કિલોમીટર દૂર

અફઘાનિસ્તાન પર ફરી તાલિબાન તેજીથી કબ્જો કરી રહ્યું છે. અને રાજધાની કાબુલ તરફ આગળ વધી રહ્યું છે. આતંકી સંગઠન તાલિબાન કાબુલથી માત્ર 15 કિલોમીટર દૂર છે. અને મળતી માહિતી મુજબ અશરફ ગની સરકાર તરફથી તાલિબાનના સંયુક્ત સત્તાનો પ્રસ્તાવ પણ આપવામાં આવ્યો હતો. પરંતુ તાલિબાને પ્રસ્તાવ ફગાવી દીધો અને અફઘાનિસ્તાન પ્રાંતો પર બોમ્બમારો ચાલુ રાખ્યો છે. અને શાંતિવાર્તા સમિતિ નવી રણનીતિ તૈયાર કરવામાં લાગી છે. જેમાં રાષ્ટ્રપતિ અશરફ ગીની સરકાર જ પડી જશે. મળતી માહિતી મુજબ અફઘાનિસ્તાનમાં યુદ્ધ વિરામ માટે જે નવા ફોર્મૂલા પર કામ થઇ રહ્યું છે. તેના અંતર્ગત ગની સરકારે પીછેહટ કરવી પડશે. તાલિબાન સેના અધિકારીઓ અને કેટલાક વર્તમાન પ્રતિનિધિઓ સાથે અંતરિમ સરકાર બનાવશે. અને તમામ વિચારવિમર્શ બાદ આ ફોર્મૂલા તમામ સંબંધિત દળો સાથે ચર્ચા કરાશે. પરંતુ જો તાલિબાન અફઘાનિસ્તાન પર સત્તા મેળવી લે તો તેમનો નેતા કોણ હશે તે પણ સવાલ છે. ત્યારે હાલ હૈબતુલ્લા અખુનજાદાના હાથમાં આતંકી સંગઠનની કમાન છે અને તે જ તાલિબાનનો નેતા હશે.