ઓહો! / ગરમ મસાલાની અહીંની માટી ખાય છે લોકો, જાણો શું છે આ ભેદી રહસ્ય?

• માટીને મસાલા તરીકે વાપરવામાં આવે છે
• ઇરાનના ટાપૂની માટી ખાવામાં વપરાય છે
• ગરમ મસાલા કરતાં પણ વધારે સ્વાદિષ્ટ

ઇરાનના આઇલેન્ડની માટી
ઇરાન દેશના હોરમૂઝ આઇલેન્ડની માટી એટલી રંગબેરંગી છે કે આ આઇલેન્ડને રેઇનબો આઇલેન્ડ પણ કહેવામાં આવે છે. આઇલેન્ડમાં તાજું પાણી નથી હોતું અને ગરમીમાં ખુબ ગરમ થઇ જાય છે. આવામાં અહીંના લોકો લાલ માટી ખોદવાનું કામ કરે છે. 

મસાલાવાળી માટી
આ આઇલેન્ડની તસવીર ઇન્ટરનેટ પર ખુબ જોવા મળે છે પરંતુ આ વાત ખુબ ઓછા લોકો જાણે છે કે માટીનો ઉપયોગ મસાલા તરીકે કરવામાં આવે છે. આ માટી ખૂબ જ સ્વાદિષ્ટ છે અને અહીં આવતા પ્રવાસીઓ ચોક્કસપણે આ માટીનો સ્વાદ લે છે. જો કે લોકો પહેલા માટી ખાવામાં સંકોચ અનુભવે છે, પરંતુ તેઓ ગાઈડની સલાહ પર ખાય છે.

આ સ્થળે ગરમી વધુ હોવાને કારણે પર્યટકો મોટી સંખ્યામાં આવી શકતા નથી, પરંતુ જેઓ અજોડ સૌંદર્યને આવરી લેતો ધરતીનો એક નાનો ટુકડો જોવા માંગે છે તેઓ ચોક્કસપણે આ મેઘધનુષ્ય ટાપુ પર આવે છે. અહીંનો દરેક નજારો પ્રકૃતિના ચિત્ર સમાન છે.

આ જમીનમાં પુષ્કળ પ્રમાણમાં આયર્ન અને લગભગ 70 પ્રકારના ખનીજ હોય ​​છે. સૌથી મહત્વની વાત એ છે કે અહીંની માટીનો ઉપયોગ સ્થાનિક લોકો ખાસ પ્રકારની રોટલી બનાવવા માટે કરે છે.

મીડિયા રિપોર્ટ્સ અનુસાર, વર્ષ 2019માં અહીં માત્ર 1800 પ્રવાસીઓ આવ્યા હતા. લોકો અને સરકાર પણ અહીં પ્રવાસન સુવિધાઓ વધારવા પ્રયાસ કરી રહી છે. તેઓ આ ક્ષેત્રને વૈશ્વિક ઓળખ તરીકે જોવા માંગે છે. પરંતુ આશ્ચર્યની વાત એ છે કે દુનિયામાં એકમાત્ર એવી જગ્યા છે જ્યાં માટી ખાવામાં આવે છે તે લોકો માટે હજુ પણ અજાણ છે.