નિર્ણય / વાઘાણી, યોગેશ પટેલ, રાજેન્દ્ર ત્રિવેદી સહિત આ પૂર્વ મંત્રીઓની સુરક્ષા પાછી ખેંચાઇ, જુઓ આખું લિસ્ટ

• પૂર્વ મંત્રીઓ, કેટલાક VVIPની સુરક્ષા પાછી ખેંચાઈ
• 24 પૂર્વ મંત્રીઓની સુરક્ષા પાછી ખેંચાઈ
• સમીક્ષા બેઠકમાં ગૃહ વિભાગનો નિર્ણય

ગુજરાત સરકારના પૂર્વ મંત્રીઓની સુરક્ષાને લઈને મોટા સમાચાર સામે આવ્યા છે. રાજ્ય સરકારના પૂર્વ મંત્રીઓ અને કેટલાક VVIPની સુરક્ષા પાછી ખેંચવામાં આવી છે. સમીક્ષા બેઠકમાં ગૃહ વિભાગ દ્વારા આ નિર્ણય લેવામાં આવ્યો છે. આમાં રાજેન્દ્ર ત્રિવેદી, જીતુ વાઘાણી, પૂર્ણેશ મોદી સહિતના પૂર્વ મંત્રીઓનો સમાવેશ થાય છે. 

આ પૂર્વ મંત્રીઓની સુરક્ષા પાછી ખેંચાઈ
- રાજેન્દ્ર ત્રિવેદી
- જીતુ વાઘાણી
- પૂર્ણેશ મોદી
- અર્જુનસિંહ ચૌહાણ
- પ્રદિપ પરમાર 
- બ્રિજેશ મેરજા
- જીતુ ચૌધરી
- મનિષા વકીલ 
- નિમિષા સુથાર
- કિર્તીસિંહ વાઘેલા 
- ગજેન્દ્રસિંહ પરમાર 
- વિનોદ મોરડીયા
- દેવા માલમ
- આર સી ફળદુ 
- કૌશિક પટેલ 
- સૌરભ પટેલ
- જયદ્રથસિંહ પરમાર
- ઈશ્વરસિંહ પટેલ 
- વાસણ આહિર
- વિભાવરી દવે
- રમણ પાટકર
- ધર્મેન્દ્રસિંહ જાડેજા
- યોગેશ પટેલ
- વલ્લભ કાકડિયા

પૂર્વ પદાધિકારીઓની સુરક્ષા પાછી ખેંચાઈ

- ડો.નિમાબેન આચાર્ય
- પંકજ દેસાઈ
- દુષ્યંત પટેલ
- રમેશ કટારા
- આર સી પટેલ
- શંભુજી ઠાકોર

ભૂપેન્દ્ર પટેલના કોનવેમાં ગાડીઓ બદલાઈ 
અત્રે ઉલ્લેખનીય છે કે, રાજ્યના મુખ્યમંત્રી ભૂપેન્દ્ર પટેલના કોનવેમાં ગાડીઓ બદલી નાખવામાં આવી છે. મુખ્યમંત્રી અત્યાર સુધી મહિન્દ્રાની સ્કોર્પિયો ગાડી વાપરતા હતા પરંતુ હવે તેમના કોનવેમાં ગાડી બદલાઈ છે. મુખ્યમંત્રી ભૂપેન્દ્ર પટેલે પોતાના કાફલામાં નવી 12 ટોયોટા ફોર્ચ્યુનર ગાડી વસાવી લીધી છે. સરકારે મુખ્યમંત્રીના આ નવા કાફલા માટે અંદાજે 25 કરોડ રૂપિયા ખર્ચ્યા હોવાનું જાણવા મળ્યું છે.

તમામ ગાડીઓ તકનીકી સુવિધાઓથી સજ્જ
ભૂપેન્દ્ર પટેલે હવે નવી નક્કોર ફોર્ચ્યુનર ગાડીઓ છોડાવી છે. મુખ્યમંત્રીના કાફલામાં સામાન્ય રીતે છ ગાડીઓ રહે છે, પરંતુ ઇમરજન્સીના સમયમાં ઉપયોગમાં લેવું પડે તેમ હોય તો એક સ્ટેન્ડ બાય કાફલા તરીકે અન્ય છ ગાડીઓને પણ રાખવામાં આવી છે. આ તમામ ગાડીઓ બુલેટપ્રૂફ, જીપીએસ અને અન્ય સુરક્ષા તથા તકનીકી સુવિધાઓથી સજ્જ કરવામાં આવી છે.