દ્વારકા / RSPL ઘડી કંપની પર GPCBની ધોઈ નાખે તેવી કાર્યવાહી, 30 દિવસ માટે સંપૂર્ણ ઇન્ડસ્ટ્રીયલ પ્લાન્ટ બંધ કરવાનો આદેશ, જાણો મામલો

• પ્રદૂષણ બોર્ડે RSPL ઘડી કંપની સામે નોટિસ બાદ કડક કાર્યવાહી
• ખેતરોમાં પ્રદૂષણ મામલે હાઇકોર્ટની નોટિસ બાદ પ્રદૂષણ બોર્ડની કાર્યવાહી
• 30 દિવસ માટે સંપૂર્ણ ઇન્ડસ્ટ્રીયલ પ્લાન્ટ બંધ કરવાનો આદેશ કર્યો

દ્વારકાના છેલ્લા ઘણા સમયથી RSPL ઘડી કંપની વિવાદથી ઘેરાયેલી રહી છે, ત્યારે ખેતરોમાં પ્રદૂષણ મામલે આકરી કાર્યવાહી કરાઈ છે. પ્રદૂષણ બોર્ડે RSPL ઘડી કંપની સામે નોટિસ બાદ કડક કાર્યવાહી કરી છે. ખેતરોમાં પ્રદુષણ મામલે હાઇકોર્ટની નોટિસ બાદ પ્રદુષણ બોર્ડ આકરી કાર્યવાહી કરી છે. 30 દિવસ માટે સંપૂર્ણ ઇન્ડસ્ટ્રીયલ પ્લાન્ટ બંધ કરવાનો આદેશ કર્યો છે.

ગુજરાત પ્રદુષણ બોર્ડે હુકમ કર્યો
ઈલેક્ટ્રિસિટી સપ્લાય પણ કાપી નાખવા માટે ગુજરાત પ્રદુષણ બોર્ડે હુકમ કર્યો તેમજ હવે ડીજે સેટ ઉપર પણ પ્લાન્ટ નહીં ચલાવવાનું ગુજરાત પ્રદુષણ બોર્ડે આદેશ કર્યો છે. અત્રે જણાવીએ કે, ગુજરાત પ્રદુષણ બોર્ડે કંપની વિરુદ્ધ આખરે કડક કાર્યવાહી કરી છે. ઉલ્લેખનીય છે કે, અગાઉ RSPL ઘડી કંપનીને સરકારે ફાળવેલ 100 વીઘા જમીન મામલે સુપ્રીમ કોર્ટે  સ્ટે લગાવી દીધો હતો. જેથી કુરંગા સ્થિત કંપનીના કામ પર રોક લગાવી દેવામાં આવી હતી. રાજ્ય સરકારને સુપ્રીમકોર્ટ દ્વારા નોટિસ પણ ઈસ્યુ કરાવવામાં આવી હતી.  જમીનના નેચર પજેશન અંગે સ્ટેટ્સ કરવાનો હુકમ ઇસ્યુ કરવામાં આવ્યો હતો.

વાંચવા જેવું: રામભક્તો માટે જાહેર હિતમાં ચેતવણી! સોશિયલ મીડિયાના કોઇ પણ પેજની સત્યતા ચકાસો, વડોદરામાં ઠગાઇ

જમીન મામલે પણ વિવાદ સર્જાયો હતો
દ્વારકાના કુરંગા ખાસે આવેલી RSPL ઘડી કંપનીને જુદા જુદા સરકારી ખરાબાની આશરે 100 વિધા જમીન કાયદાકીય કાર્યવાહી વગર જ ફાળવી દેવામાં આવી હતી. આ સાથે જ લેન્ડ સીલીંગ એક્ટ સહિતની કાયદાકીય કાર્યવાહી વગર જ કંપીને ફળદ્રુપ અને ખનીજયુક્ત જમીનની ફાળવણી કરવામાં આવી હતી. જેથી સરકારી ખરાબાની જમીન મામલે ખેડૂતો સર્વોચ્ચ અદાલતમાં પહોંચ્યા હતા.