ગીરનારમાં જૈન-હિંદુ દેવસ્થાનનો વિવાદ ફરી વકર્યો છે. જેમાં નેમીનાથનાં પગલાને લઈ જૈન સમાજે હાઈકોર્ટમાં અરજી કરી છે. આ સમગ્ર મામલે હાઈકોર્ટે ગુજરાત અને કેન્દ્ર સરકારને નોટિસ પાઠવી છે.
Share
ગીરનારમાં જૈન-હિંદુ દેવસ્થાનનો વિવાદ ફરી વકર્યો
ગીરનારની 5મી ટુંક પર નેમીનાથની પૂજા માટે માગી મંજૂરી
જૈન સમાજનો દાવો કે નેમીનાથ દાદાના છે પગલા
ગીરનારમાં જૈન-હિંદુ દેવસ્થાનનો વિવાદ શાંત થવાનું નામ લેતો નથી. ત્યારે આ વિવાદ ફરી વકર્યો છે. જૈન સમાન દ્વારા નેમીનાથનાં પગલાને લઈ હાઈકોર્ટમાં અરજી દાખલ કરી છે. તેમજ ગીરનારની 5 મી ટુંક પર નેમીનાથની પૂજા માટે મંજૂરી માંગી છે. આ સમગ્ર મામલે હાઈકોર્ટે ગુજરાત અને કેન્દ્ર સરકારને નોટિસ પાઠવી હતી. પાંચમી ટુંક પર પગલાની પૂજાને લઈ વિવાદ ચાલી રહ્યો છે. તો બીજી તરફ હિન્દુઓનાં મતે પગલા દત્તાત્રેય ભગવાનનાં હોવાનું માનવામાં આવી રહ્યું છે. જૈન સમાજ દ્વારા દાવો કરાય છે કે પગલા નેમીનાથ દાદાના છે.
ફાઈલ ફોટો
થોડા મહિના પહેલા દત્તાત્રેય દેવ સ્થાનમાં મૂર્તિ સાથે છેડછાડનો પ્રયાસ કરાયો હતો
થોડા સમય અગાઉ કેટલાક લોકો દ્વારા દત્તાત્રેય દેવસ્થાનમાં હલ્લાબોલ કરીને મૂર્તિ સાથે છેડછાડનો પ્રયાસ કરવામાં આવતા અને 'ગિરનાર અમારો છે' તેવા સૂત્રોચ્ચાર કરવામાં આવતા વિવાદ વકર્યો છે. આ મામલે પૂજારી દીપક બાપુએ ભવનાથ પોલીસ સ્ટેશનમાં અરજી આપી હતી.
ગિરનારમાં દત્તાત્રેય શિખરનો વિવાદ શું છે?
ગિરનારમાં દત્તાત્રેય શિખરને લઈને ચાલી વિવાદ ચાલી રહ્યો છે. દત્તાત્રેય શિખર પર ભગવાન દત્તાત્રેયના પગલા આવેલા છે. જૈન માને છે શિખર પર જે પગલા છે તે નેમીનાથના છે. દત્તાત્રેય શિખરનો વિવાદ આઝાદીકાળથી ચાલી રહ્યો છે. હાઈકોર્ટમાં બંને પક્ષે સામસામે દાવો પણ કર્યો છે. કોર્ટે વિવાદાસ્પદ પ્રવૃત્તિ ન કરવા હુકમ કર્યો છે. કોર્ટે જૈનને પૂજા કરવાની સત્તા આપી નથી. સદીઓથી હિન્દુ સંસ્થા દત્તાત્રેય શિખર પર પૂજા કરે છે.
